Archaeologia Islandica - 01.01.1998, Side 77

Fornleifarannsóknir A Hofstöðum 1991-1992
Mynd 1. Könnunarskurður frá 1992 - The 1992 test trench. Ljósrn. / Photo: Adolf Friðriksson, FSÍ.
til vesturs, út fyrir tóftarveggi. Við
ákváðum því að takmarka rannsóknina
við að hreinsa upp þennan skurð og ná
fram þversniði yfir alla tóftina og út
fyrir uppgraftarmörk vestan og austan
hennar. Með þessu móti mátti ætla að
hægt væri að leita gjóskulaga og rann-
saka afstöðu mannvistarlaga gagnvart
þeim, kanna hvort eldri húsaleifar
leyndust undir skálanum og hvers
kyns mannvistarleifarnar vestan hans
væru, kanna gólfið í aðaltóftinni og
loks leitast við að skera úr um hvort
búið hafi verið í skálanum eða ekki.
Eru öll meginatriði rannsóknarinnar
í raun fólgin í því sniði sem teiknað
var af norðurhlið þessa skurðar. Við
uppgröftinn var skilgreining á jarðlög-
um og samhengi þeirra unnin á kerfis-
bundinn hátt. Voru jarðlög og mann-
vistarlög skráð sem stakar einingar.
Hverju jarðlagi og/eða samhangandi
fyrirbæri var gefið einingarnúmer. í
skránni var lýst einkennum þeirra eftir
því sem við átti, samsetningu, lit,
grófleika og hundraðshlutfalli aðskota-
efna. Þar kemur og fram staðsetning í
hnitum og hæð og afstöðu gagnvart
öðrum einingum er lýst. Fundir voru
teknir og skráðir á hefðbundinn hátt,
dýrabein sömuleiðis og jafnframt voru
tekin ýmis jarðvegssýni.
Lýsing á rannsóknarsvœði
Áður en rannsóknin hófst var tóftin öll
grasi vaxin og virtist ekki hafa orðið
fyrir hnjaski frá því hún var rannsökuð
síðast. Hafði hún verið fyllt á ný eftir
uppgröftinn 1908, en sjá mátti greini-
lega langveggi og á milli þeirra djúpa
hvilft. Á svæði E vottaði lítillega fyrir
dæld í vesturveggnum þar sem skurð-
urinn hafði verið grafinn 1908.
77