Tölvumál - 01.02.2008, Blaðsíða 10
1 0 | T Ö L V U M Á L
Hvað er stafræn tilvera?
Hugtakið stafræn tilvera eða ,,Digital Living” á ensku er býsna víðtækt.
Þegar því er slegið upp á Wikipedia alfræðivefnum kemur í ljós að enginn
hefur reynt að skilgreina hugtakið sérstaklega þegar þetta er skrifað.
Stafræn tilvera snýst í mínum huga um miðlun, geymslu, upplifun og
hag nýtingu á upplýsingum á stafrænu formi. Notkun tónhlaðna og niður
hal á tónlist er hversdagslegt dæmi um hlið á tilverunni sem er orðin
stafræn. Veraldarvefurinn, tölvupóstur, spjallforrit, framþróun og hag
nýt ing farsímans, DVD diskurinn og arftakar hans, sjónvarp yfir ADSL,
stafrænar myndavélar og tölvuvæðing heimilanna með tilheyrandi háhraða
nettengingum eru einnig dæmi um hvernig tilveran er orðin stafræn.
Ógnir og tækifæri fyrir fyrirtæki
Atvinnulífið byggir tilveru sína í vaxandi mæli á stafrænni tækni. Í því
felast bæði ógnir og tækifæri fyrir fyrirtæki. Nýir möguleikar opnast í að
veita þjónustu en samkeppni eykst og vald neytenda verður meira eftir
því sem valmöguleikum þeirra fjölgar og aðgengi að upplýsingum batnar.
Sum fyrirtæki ná að lifa af í síbreytilegu umhverfi tækninnar. Önnur falla í
gleymskunnar dá.
Hin stafræna tilvera er ekki án vandræða, langt því frá. Notendur reka sig
oft á að þeir kaupa tæknibúnað sem virkar ekki sem skyldi eða hugbúnað
með slæmu notendaviðmóti. Sífellt kemur á markaðinn ný tækni og erfitt er
að henda reiður á hvaða tækni muni hafa gildi til framtíðar. Aðeins eitt er
víst og það er að þróunin er rétt að hefjast.
Þegar höfundur byrjaði að skrifa fastan dálk um Tölvur og Netið í eitt af dagblöðunum fyrir
tólf árum heyrði hann af framsýnum manni sem sagði að innan fárra ára yrði ekkert að
tala um í svona dálki enda yrði tilvera okkar svo samofin Netinu að myndum ekki taka eftir
því lengur. Tilveran yrði meira og minna stafræn og netvædd. Hann hafði rétt fyrir sér. Nú
rúmum áratug síðar þá er erfitt að ímynda sér nútimalífið án stafrænnar tækni.
Þróun stafrænnar
tilveru er
á fleygiferð
Jón Heiðar Þorsteinsson
Stafræn tilvera snýst um
miðlun, geymslu, upplifun og
hagnýtingu á upplýsingum á
stafrænu formi
Tölvumál fengu Halldóru Matthíasdóttur alþjóðamarkaðsfræðing og Árna
Matthíasson blaðamann hjá Morgunblaðinu til að deila með lesendum blaðs
ins hugleiðingum sínum og upplifun af stafrænni tilveru.
PS3 leikjatölvan frá Sony er með hinu öfluga Blu-ray diskadrifi sem er að
leysa DVD tæknina af hólmi og virðist hafa betur í staðlastríðinu við HD-DVD.