Tölvumál - 01.02.2008, Blaðsíða 4

4 | T Ö L V U M Á L
Svana Helen Björnsdóttir
verkfræðingur og formaður Ský
Markmið og viðfangsefni
Markmið félagsins er að vera vettvangur umræðna og skoðanaskipta um
upplýsingatækni í því skyni að gera veg hennar sem mestan og stuðla að
skynsamlegri notkun hennar. Nánar tiltekið eru markmið Ský að:
• breiða út þekkingu á upplýsingatækni og stuðla að skynsamlegri
notkun hennar,
• skapa vettvang fyrir faglega umræðu og tengsl milli félagsmanna,
• koma fram opinberlega fyrir hönd fólks í upplýsingatækni,
• stuðla að góðu siðferði við notkun upplýsingatækni og síðast
en ekki síst
• að styrkja notkun íslenskrar tungu í upplýsingatækni.

Sem dæmi má nefna að Ský tók þátt í mótun náms í tölvunarfræði við
Háskóla Íslands, en þeirri námsbraut var formlega komið á fót árið 1976.
Meðal annarra mála sem félagið hefur látið til sín taka er löggjöf um meðferð
persónuupplýsinga í tölvum. Á vettvangi félagsins hefur verið fjallað um
mikilvægi tölvunotkunar við stjórn fyrirtækja og í opinberri stjórnsýslu.
Einnig hefur verið fjallað um gagnasendingar um símkerfið. Grunnurinn að
íslenskri stafagerð í stafatöflum og að íslensku lyklaborði var lagður fyrir
tilstuðlan félagsins og hefur félagið átt aðild að margvíslegum verkefnum
sem stuðlað hafa að stöðlun í upplýsingatækni.
Á afmælisári
Á þessu ári er Skýrslutæknifélag Íslands 40 ára og það er mikill hugur í
félagsmönnum að gera árið eftirminnilegt og nota það til sóknar. Sumum
Skýrslutæknifélag Íslands, eða Ský eins og það er skammstafað, er félag allra þeirra
sem starfa við eða hafa áhuga á upplýsingatækni. Félagið var stofnað árið 1968 og voru
stofnendur liðlega 100, en nú eru fullgildir félagar rúmlega níu hundruð talsins. Félagið
rekur skrifstofu með framkvæmdastjóra og starfsmanni. Félagsstarfið er í miklum blóma,
haldnar eru að meðaltali 15 ráðstefnur og fundir árlega þar sem fjallað er um það sem er
efst á baugi í upplýsinga- og fjarskiptatækni. Fagtímaritið Tölvumál er gefið út af ritnefnd
félagsins einu sinni til tvisvar á ári auk þess sem fyrrverandi ritstjóri sér um að nýjar fréttir
úr upplýsingatækniageiranum birtast daglega á vef félagsins. Innan Ský starfa öflugir
faghópar: faghópur um árangursríka vefstjórnun, Fókus - faghópur um upplýsingatækni í
heilbrigðisþjónustu, faghópur um fjarskipti, faghópur um upplýsingaöryggismál, UT-konur
og öldungadeild að ógleymdri orðanefndinni sem hefur starfað frá stofnun félagsins.
finnst að nafnið félagsins sé forneskjulegt. Ég held ekki að nafnið hafi allt
að segja, miklu meira skiptir það fyrir hvað félagið stendur í huga fólks.
Yngra fólk er margt félagsfælið og álítur að það geti sinnt sínum faglegu
þörfum á vegum Internetsins, t.d. með tölvupósti og vefrápi. Reynslan sýnir
þó að ekkert kemur í stað beinna samskipta manna á meðal þar sem frjó
og örvandi umræða á sér stað.
Við sem störfum á vettvangi Ský sjáum fjölmörg tækifæri fyrir félagið
og viljum halda því síungu og virku. Það er stundum sagt að við lifum á
upplýsingaöld, við notum upplýsingatækni ekki aðeins í hefðbundnum
tölvum, heldur einnig í símum, bílum, heimilistækjum, í viðskiptum, heil­
brigðisþjónustu, skólum o.s.frv. Fyrir vel flesta skiptir tæknin ekki máli
út af fyrir sig heldur hvernig henni er beitt og hún hagnýtt við margvísleg
dagleg störf. Um leið og veröldin tengist saman í upplýsinganet af ýmsu
tagi fjölgar hlekkjunum í samskiptakeðjunni. Við treystum orðið á að
aðrir vinni sína vinnu vel svo við getum unnið okkar. Yfirsýn, þekking
og samvinna ólíkra faghópa er því nauðsynleg fyrir alla og hefur Ský
óneitanlega sérstöðu á Íslandi. Innan Ský starfar tæknifólk, kennarar,
viðskiptafræðingar, markaðsfólk, fjölmiðlafólk, lögfræðingar og svo má
lengi telja. Margir vita um eða hafa sótt vel heppnaðar ráðstefnur og fundi
félagsins um ýmis upplýsingatæknimál en færri gera sér grein fyrir því að
Ský er eina þverfaglega félag landsins í upplýsingatækni. Ráðstefnur og
fræðslufundir Ský um hina ýmsu þætti upplýsingatækninnar hafa í gegnum
árin leitt saman þá sem málin varða. Við val á fyrirlesurum og efni fyrir
ráðstefnur hefur mikil áhersla verið lögð á gæði og fagmennsku. Með því
að stofna faghópa á ýmsum sviðum, gefa út Tölvumál og tölvuorðasafn
Framtíðin er
björt