Tölvumál - 01.02.2008, Blaðsíða 2
2 | T Ö L V U M Á L
// Ritstjórapistill
Skýrslutæknifélag Íslands
er félag einstaklinga,
fyrirtækja og stofnana á sviði
upplýsingatækni. Markmið
félagsins eru m.a. að breiða út
þekkingu á upplýsingatækni og
stuðla að skynsamlegri notkun
hennar og að skapa vettvang
fyrir faglega umræðu og tengsl
milli félagsmanna. Starfsemin
er aðallega fólgin í, auk útgáfu
tímarits, að halda fundi og
ráðstefnur með fyrirlestrum og
umræðum um sérhæfð efni og
nýjungar í upplýsingatækni.
Félagsaðild er þrenns konar; aðild
gegnum fyrirtæki, einstaklingsaðild
og námsmannaaðild. Greitt er
fullt félagsgjald fyrir fyrsta mann
frá fyrirtæki, hálft fyrir annan og
fjórðungsgjald fyrir hvern félaga
umfram tvo frá sama fyrirtæki.
Einstaklingar greiða hálft gjald
og námsmenn hálft lægsta gjald.
Félagsgjöld 2007: Fullt gjald: kr.
20.400, hálft gjald: kr. 10.200 og
fjórðungsgjald: kr. 5.100. Aðild er
öllum heimil.
Stjórn Skýrslutæknifélags
Íslands:
Formaður:
Svana Helen Björnsdóttir
Varaformaður:
Magnús Hafliðason
Gjaldkeri:
Jóhann Kristjánsson
Meðstjórnendur:
Jón Heiðar Þorsteinsson, Ásrún
Matthíasdóttir
Varamenn:
Einar H. Reynis, Eggert Ólafsson
Nefndir og faghópar Ský eru:
Orðanefnd
Siðanefnd
Ritnefnd
Öldungadeild
Fókus, félag um upplýsingatækni í
heilbrigðisþjónustu
Vefstjórnendur, faghópur um
árangursríka vefstjórnun
UT-konur, félag kvenna í
upplýsingatækni
Fjarskiptahópur, faghópur um
fjarskiptamál
Persónuvernd, fulltrúi Ský:
Svana Helen Björnsdóttir
Arnaldur Axfjörð
Fulltrúi í fjarskiptaráði:
Sæmundur E. Þorsteinsson
Fulltrúi Ský í starfshópi:
samgönguráðuneytis um lénamál
Eggert Ólafsson
Forsíðumynd:
Er tekin úr lofti við Rangárós
Ljósmyndari:
Þorvaldur Örn Kristmundsson
Þorvarður Kári Ólafsson
Skýrslutæknifélagið var sett á laggirnar árið 1968 og verður því 40 ára á
þessu ári. Félagið hefur gefið út tímaritið Tölvumál frá því það var stofnað
og ber þetta tölublað afmælisins nokkuð merki.
Að þessu sinni er ekki tekið fyrir sérstakt faglegt tema eins og gjarnan
hefur verið gert síðustu árin. Þess í stað er reynt að sýna hinar fjölbreyttu
hliðar á starfi félagsins. Starfsemin í gegnum árin og um þessar mundir er
auðvitað í sviðsljósinu en einnig er fjöldi faglegra greina úr ýmsum áttum.
Vegna afmælisársins er horft um öxl á sögu félagsins og upplýsingatækninnar
en einnig á það sem nú er efst á baugi í starfi félagsins og síðast en síst
er horft fram á veginn. Nokkrir einstaklingar voru fengnir til að tjá sig
um þá stafrænu tilveru sem þeir lifa og aðrir voru fengnir til að segja frá
framtíðarsýn sinni á upplýsingatæknina.
Af faglegri umfjöllun má nefna tvær greinar um hugbúnaðargerð, tvær um
fjarskiptatækni, nokkrar tengdar skólastarfi, nokkrar um gervigreind og
nokkrar um stjórnunarhliðar upplýsingatækninnar. Faghópar félagsins eru
einnig allir með innlegg í blaðið að þessu sinni.
Ljóst er að félag eins og Skýrslutæknifélagið þarf stöðugt að þróast og
horfa til framtíðar. Þar ber til bæði stærð og breidd félagsins en ekki síst hin
hraða þróun á því sviði sem félagið starfar. Samstarf og skörun við önnur
félög kemur oft til umræðu og sömuleiðis nafn félagsins en af einhverjum
ástæðum hefur það staðist tímans tönn.
Hið öfluga starf sem vel sóttir fundir félagsins bera merki um benda til þess
að starfsemin sé á réttri leið. Hið sama má segja um tímaritið Tölvumál
en mikill áhugi er á því að skrifa í blaðið og góð viðbrögð lesenda sýna að
þar er félagið einnig á réttri leið. En tímaritið þarf að þróast eins og annað
starf félagsins og nú hefur verið ákveðið að bjóða upp á ritrýndar greinar
í blaðið. Lesa má reglur um slíkar greinar á vef félagsins, www.sky.is, en
árangurinn af þessari nýjung fer auðvitað alfarið eftir því hversu duglegir
fræðimenn eru að senda inn góðar greinar og hversu vel gengur að fá aðra
fræðimenn til að ritrýna þær.
Ritstjórn væntir þess að lesendur fái góða mynd af starfi félagsins með
lestri þessa tölublaðs og að þeir njóti lestursins sem og annars starfs
félagsins á afmælisárinu.
Til hamingju með afmælið.
Þorvarður Kári Ólafsson ritstjóri