Tölvumál - 01.02.2008, Blaðsíða 12
1 2 | T Ö L V U M Á L
Stafræn tækni færir okkur nær hverju öðru
Tækni er ekki spennandi í sjálfu sér það sem er merkilegt er hvernig
fólk nýtir tæknina og hvaða áhrif hún hefur á daglegt líf. Skemmtilegast af
öllu er þó hvernig fólk notar tækni oftar en ekki á annan hátt en hönnuðir
og hugmyndasmiðir höfðu gert ráð fyrir. Dæmi um það er náttúrlega SMS
skilboðin sem uppfinningamenn tækninnar töldu að yrði lítilvæg viðbót en
varð fljótlega ein helsta ástæða þess að fá sér farsíma. Fjölmörg dæmi eru
slík þegar stafræn tækni er annars vegar, símfyrirtækjum datt til að mynda
ekki í hug að nokkur maður vildi nota Skypesíma, og fyrir vikið er erfitt að
spá um hvernig fólk á eftir að nýta sér stafræna tækni framtíðarinnar.
Hlekkir tímans brotnir
Títt er framtíðinni lýst sem kaldri hátækniveröld, fólk sýnt í silfruðum
búningum, gjarnan sem nánast kynlaus vélmenni og tæknin tekur völdin,
gerir okkur vélræn og kaldlynd. Sagan sýnir okkur að það er öðru nær
fólk notar stafræna tækni til að tala við fólk, hún auðveldar okkur að ná
sambandi og vera í sambandi hvar sem við erum og hvert sem við förum.
Ekkert hefur dugað eins vel á síðustu áratugum til að færa okkur nær hvort
öðru en stafræn tækni.
Árni
Matthíasson
blaðamaður hjá
Morgunblaðinu
Líkt og stafræn tækni hefur gerbreytt
möguleikum okkar á að fylgjast með,
til að mynda í tónlist, að heyra það sem
hæst ber hverju sinni, hefur hún líka gefið
okkur kost á að fleyta rjómann, sjá það
helsta víða að
Stafræn tækni hefur ekki síst brotið af okkur hlekki tímans, gefið okkur
frelsi frá dagatalinu, frá dagskránni. Líkt og stafræn tækni hefur gerbreytt
möguleikum okkar á að fylgjast með, til að mynda í tónlist, að heyra það
sem hæst ber hverju sinni, hefur hún líka gefið okkur kost á að fleyta
rjómann, sjá það helsta víða að.
Frelsi til að móta umhverfi okkar
Víst erum við enn að horfa á efni sem einhver hefur valið að framleiða
eða sýna, en eftir því sem stöðvunum fjölgar höfum við meira frelsi til að
velja. Víst verður valið til þess að ýmsir verða svo yfirkomnir af valkvíða
að þeir velja ekki neitt, en þegar sjónvarpsefni er orðið eins og hver annar
varningur sem menn njóta þegar þeim hentar kemur í ljós að áhorf hefur
ekki minnkað svo ýkja mikið það hefur einfaldlega dreifst yfir daginn.
Frelsið gefur okkur þó ekki bara fleiri leiðir til að skemmta sjálfum okkur,
það gefur líka möguleika á að taka þátt í að móta umhverfi okkar, til að
mynda með því að fylgjast með því hvað kjörnir fulltrúar hafast að, hvað
er á seyði í bæjar og borgarstjórn. Sá dagur mun renna upp þegar við
getum komist enn nær, fengið enn frekari upplýsingar og síðan tekið þátt í
umræðum og greitt atkvæði ef okkur sýnist sem svo. Íbúalýðræðið verður
stafrænt.
Staðsetningartækni væntanlega vinsæl
Þróunin í tölvuheiminum hefur helst verið sú að vélarnar verði sífellt öflugri
með meira og meira minni og sífellt stærri hörðum diskum. Líklegt þykir
mér að þróunin eigi eftir að greinast, að til verði nettölvur og þá á ég ekki við
heimskar útstöðvar heldur vélar sem eru þokkalegar öflugar og hentugar til
að vafra um vefinn þó ekki sé hægt að keyra á þeim flókna tölvuleiki.
Eins má telja víst að vinsæl viðbót við farsíma verði staðsetningartækni
(byrja ekki öll farsímasímtöl á “Hvar ertu?”). Líklega verða símtöl í farsíma
ókeypis eða nánast ókeypis á næstu árum, álíka þróun og á sér stað í
landlínusímtölum, því hagnaður símfyrirtækjanna verður af gagnaflutningi
og viðbótarþjónustu.