Tölvumál - 01.02.2008, Blaðsíða 38

3 8 | T Ö L V U M Á L
við hugbúnaðargerð
Reynslusaga
kvikra aðferða
af notkun
Svokallaðar kvikar aðferðir við hugbúnaðarþróun (Agile Software Development) hafa
verið í kastljósinu undanfarin ár. Hér verður varpað ljósi á slíkar aðferðir með því að
skoða raunverulegt dæmi um notkun þeirra. Verkefnið sem um ræðir var unnið innan
hugbúnaðardeildar Glitnis banka á tímabilinu 17. september til 31. október 2007. Undirritaður
vann að verkefninu sem ráðgjafi og forritari.
Um verkefnið
Þann 1. nóvember s.l. tók gildi hér á landi svokölluð MiFID tilskipun
(Mark ets in Financial Instruments Directive). Þar er fjallað um skyldur
fjármálafyrirtækja með leyfi til verðbréfaviðskipta sem og skipulega verð­
bréfamarkaði. Glitnir fór þá leið að leysa stóran hluta innleiðingar þessarar
tilskipunar með sérhæfðum hugbúnaði, skrifuðum innanhúss.
Í upphafi verkefnisins var ákveðið að unnið yrði eftir kvikum aðferðum við
hugbúnaðargerð. Fyrir því voru nokkrar ástæður:
• Verkefnið hafði vel skilgreinda lokadagsetningu (1. nóvember þegar
tilskipunin skyldi taka gildi).
• Verktíminn var mjög skammur í ljósi umfangs verkefnisins.
• Vegna ytri aðstæðna var líklegt að kröfur til hugbúnaðarins myndu
breytast á verktímanum.
Allt eru þetta dæmigerð vandamál sem slíkar aðferðir eiga að taka á. Þar
að auki hafði bankinn þegar hafið vinnu við að innleiða nýjar aðferðir við
hugbúnaðargerð innan bankans sem áttu að taka mið af kvikum aðferðum.
Hugbúnaðarhluti MiFID
Hugbúnaðarhluti MiFID verkefnisins í Glitni snerist um fjóra þætti:
• Flokkun viðskiptavina eftir þörf fyrir vernd og leiðbeiningar við
fjármálagerninga.
• Halda utan um skilmála sem viðskiptavinir þurfa að samþykkja og
undirskriftir þeirra.
• Halda utan um spurningalista (svokölluð Suitability ­ og Appropriateness
test) og svör viðskiptavina.
• Birta viðskiptavinum viðskiptafyrirmæli (Execution Policy).
Þrátt fyrir að hugbúnaðarhluti verkefnisins væri ekki sérstaklega stór í
sniðum þá snerti hann ýmis kerfi sem þurfti að samþætta.
Helstu kerfishlutar
MiFID vefþjónusta: Grunneining kerfisins var útfærð sem vefþjónusta.
Helsta hlutverk hennar er að enduspegla þá þjónustu sem bankinn þarf á
að halda vegna MiFID reglna.

MiFID Windows biðlari: Miðlari í verðbréfadeild bankans notar MiFID
biðlarann til að fletta upp upplýsingum um viðskiptavini, flokkun þeirra
og stöðu gagnvart MiFID reglum, þ.e. hvort viðkomandi hafi skrifað undir
nauðsynlega skilmála og skilað inn svörum við spurningalistum.
MiFID vefbiðlari í netbanka: Í netbanka Glitnis geta viðskiptavinir skrifað
rafrænt undir skilmála og svarað spurningalistum.
Oracle gagnagrunnur: Öll MiFID tengd gögn bankans eru geymd í Oracle
gagnagrunni. Vegna kröfu MiFID um rekjanleika er breytingasaga sérhvers
einindis geymd.
Jóhann Grétarsson
hugbúnaðarsérfræðingur hjá Stika ehf.