Tölvumál - 01.02.2008, Blaðsíða 8

8 | T Ö L V U M Á L
Við Íslendingar erum einstaklega vel í stakk búnir til að
taka á móti og þróa nýjungar í upplýsingatækni
Það er einfaldlega of lítið framboð af fólki miðað við þau
verkefni sem eru til staðar og framundan
Háskólanámið er ekki í takt við þarfir atvinnulífsins
Hvernig sérð þú framtíð upplýsingatækninnar fyrir þér á Íslandi?
Við Íslendingar erum einstaklega vel í stakk búnir til að taka á móti og þróa nýjungar í
upplýsingatækni. Markaðurinn er lítill og svarar nýjum vörum og þjónustum fljótt og vel. Stutt
er í alla helstu áhrifavalda og ákvörðunartökuaðila sem gefur okkur færi á að þróa nýjungar
hratt og í nánu samstarfi við viðskiptavini okkar. Ég sé fyrir mér að við Íslendingar verðum
„tilraunamarkaður“ fyrir nýjar vörur og þjónustur sem við bæði þróum sjálf og komum að
innleiðingu á vegum annarra.

Hverjar telur þú vera helstu ógnanirnar í þróun upplýsingatækniiðnaðarins
á Íslandi?
Þröngsýni. Það að festast í orðatiltækinu „Nei þetta er ekki hægt !“ er helsti dragbítur á hvers
konar þróun og á ekki hvað síst við í upplýsingatækniiðnaðinum. Við þurfum að þjálfa með
okkur skapandi hugsun og verðlauna starfsmenn okkar fyrir að þora að bera á borð fyrir okkur
nýjar hugmyndir. Framsýni og sköpunargleði eru okkar helstu vopn í samkeppnisumhverfi
framtíðarinnar sem okkur ber að nýta sem best.
Forstöðumaður upplýsingatæknissviðs, Intrum Justitia
Gunnar Sverrir Ásgeirsson