Bændablaðið - 28.05.2015, Qupperneq 18

18 Bændablaðið | Fimmtudagur 28. maí 2015
Búnaðarstofa verður lokuð vegna sumarleyfa
frá 20. júlí til og með 7. ágúst nk.
Framleiðsla og sala
búvara árið 2014
Bændasamtök Íslands, Búnaðar-
stofa, safnar upplýsingum og birtir
ár hvert skýrslu um framleiðslu
búvara, vinnslu þeirra og sölu.
Þetta er gert samkvæmt lögum
um framleiðslu og sölu búvara nr.
99/1993, með síðari breytingum.
Hér má sjá tölur fyrir 2014:
Búnaðarstofa
Bændasamtök Íslands, Búnaðarstofa auglýsir
eftir umsækjendum um jarðræktarstyrki vegna
framkvæmda á árinu 2015. Opnað verður fyrir
rafrænar umsóknir á Bændatorginu 2. júní 2015.
Upplýsingar um skráðar spildur og stafræn túnkort
eru sóttar sjálfvirkt í skýrsluhaldskerfið JÖRÐ.
Umsóknarfrestur er til 10. september 2015.
Framlög til jarðræktar fara eftir verklagsreglum
í reglugerð nr. 1100/2014 um greiðslumark sauðfjár
á lögbýlum 2015, og reglugerð nr. 1101/2014 um
greiðslumark mjólkur á lögbýlum og greiðslur
til bænda verðlagsárið 2015, í VIÐAUKA II
og III, um framlög til jarðræktar og hreinsunar
affallsskurða, gefin út af atvinnuvega- og
nýsköpunarráðuneytinu og fjalla um ráðstöfun
fjármagns úr jarðræktarsjóði, skv. 5. gr. samnings
um verkefni samkvæmt búnaðarlögum, nr. 70/1998
og framlög til þeirra á árunum 2013 til 2017, dags.
28. september 2012 sbr. grein 6.4 í samningi um
starfsskilyrði mjólkurframleiðslu, dags 10. maí 2004,
með síðari breytingum, og grein 4.5 í samningi um
starfsskilyrði sauðfjárræktar, dags. 25. janúar 2007,
með síðari breytingum. Skilyrði þess að verkefni
njóti framlags er að fram hafi farið úttekt sem
viðurkenndir úttektaraðilar sjá um sbr. verklagsreglur
um framkvæmt úttekta. Úttektum skal að jafnaði
vera lokið fyrir 15. nóvember ár hvert og eru styrkir
greiddir fyrir árslok. Á Bændatorginu má nálgast
frekari upplýsingar um verklagsreglur um framlög
og úttektir.
Aðeins er tekið við rafrænum umsóknum í
gegnum Bændatorgið.
Auglýst eftir umsækjendum um framlög
til jarðræktar og hreinsunar affallsskurða
Alifuglakjöt 8.045.926 1,9 27,5%
Hrossakjöt 1.195.791 -7,5 4,1%
Nautakjöt 3.495.364 -14,4 11,9%
Sauðfé 10.099.870 2,1 34,5%
Svínakjöt 6.472.404 2,1 22,1%
Alifuglakjöt 7.915.602 0,3 32,6%
Hrossakjöt 554.438 -13,9 2,3%
Nautakjöt 3.499.100 -14,6 14,4%
Sauðfé * 6.587.702 -0,5 27,2%
Svínakjöt 5.699.168 -1,2 23,5%
Samkvæmt lögum um framleiðslu og sölu búvara nr. 99/1993,
með síðari breytingum 7. gr. 77.gr. laga
Bændasamtök Íslands, Búnaðarstofa, safnar upplýsingum
og birta ár hvert skýrslu um framleiðslu búvara, vinnslu þeirra og sölu.
Áhrif af verkfalli BHM:
Skuldajöfnun opinberra gjalda
Vegna verkfalls BHM-félaga
í Fjársýslu ríkisins var ekki
skuldajafnað vegna opinberra
gjalda af beingreiðslum bænda
um sl. mánaðamót.
Verkfallið var dæmt ólöglega
boðað þannig að skuldajafnað
verður í þessum mánuði. Síðan
hefst ótímabundið verkfall 2. júní
ef samningar takast ekki fyrir þann
tíma.
/Búnaðarstofa
Lokað vegna sumarleyfa
Átta milljónir til úthlutunar í styrki vegna lýsingarbúnaðar í ylrækt:
Hæsti styrkurinn til úthlutunar
er upp á 3,4 milljónir króna
Búnaðarstofa hefur lokið yfirferð
allra umsókna sem bárust um
styrk vegna uppsetningar á
lýsingarbúnaði í ylrækt vegna
yfirstandandi árs.
Við yfirferð umsókna er farið
eftir verklagsreglum sem er að
finna í Viðauka I í reglugerð nr.
1178/2014 um beingreiðslur í
garðyrkju árið 2015. Samanlagður
áætlaður kostnaður við uppsetningu
á lýsingarbúnaði samkvæmt
innkomnum umsóknum var
67.127.409 krónur vegna
uppsetningar á lýsingarbúnaði í
gróðurhúsum að grunnfleti sem
nemur alls 11.079 fermetrum.
Samkvæmt reiknireglum
um úthlutun styrkja hefði
heildarstyrkupphæð þurft að vera
18.579.423 króna vegna umsókna
í ár.
Heildarupphæð styrkja til
úthlutunar þetta árið er hins
vegar 8 milljónir króna, sem er 3
milljóna króna hækkun miðað við
úthlutun fyrri ára. Þurfti því að
beita skerðingarreglum í samræmi
við verklagsreglur. Niðurstaðan
er að alls fengu sjö umsækjendur
styrkloforð vegna uppsetningar á
lýsingarbúnaði í ylrækt að þessu
sinni að því gefnu að úttekt á
framkvæmdinni fari fram í samræmi
við reglur þar um.
Hæsti samþykkti styrkurinn eftir
skerðingarreglum var að upphæð 3,4
milljónir króna en lægsti að upphæð
113 þúsund króna. Búnaðarsambönd
sjá um úttektir á framkvæmdum
og skal úttektum vera lokið eigi
síðar en 15. nóvember 2015.
Búnaðarstofa miðar við að styrkir
vegna uppsetningar á lýsingarbúnaði
verði greiddir fyrir árslok 2015.
Á landsbyggðinni háttar víða
þannig til að aka verður börnum í
skóla og stundum um langan veg.
Þannig er staðan m.a í Víðidal í
Vestur-Húnavatnssýslu.
Þegar tíðindamaður Bænda-
blaðsins átti leið um þessar slóðir
í síðustu viku voru tvö börn á
Stóru-Ásgeirsá að koma heim úr
skólanum á Hvammstanga með
börnum á öðrum bæjum í sveitinni.
Er þetta reyndar í fyrsta sinn sem
allir aldurshópar eru saman á
Hvammstanga. Nokkur ár eru þó
síðan sveitaskólinn var sameinaður
skólanum á Hvammstanga, en
þá var í byrjun farið með börn í
níunda og tíunda bekk í skóla á
Laugabakka í Miðfirði en fyrsti
til fjórði bekkur var starfræktur
á Hvammstanga. Með fækkun
í barnahópnum á svæðinu var
ákveðið að sameina alla bekkina
á Hvammstanga. Verktaki sem
starfrækir skólaaksturinn sér svo
um að aka krökkunum á milli.
Talsverð endurnýjun í sveitinni
Í Víðidal eru um 20 bæir í byggð
og ungt fólk hefur verið að taka
við rekstri á nokkrum bæjum
undanfarin ár. Von er því til
að börnum fari að fjölga á ný í
sveitinni.
Jakob Ástmar Jóhannsson sér
um skólaaksturinn samkvæmt
útboði. Átti hann hagstæðasta
tilboðið í útboði nýverið í annað
sinn og mun því sjá um aksturinn
næstu fjögur árin. Tíðindamaður
Bændablaðsins hitti Jakob í hlaðinu
á Stóru-Ásgeirsá þar sem hann
var að skila af sér börnunum eftir
skóladag á Hvammstanga. Auk
skólaakstursins tók hann einnig að
sér í fyrra að aka póstinum á bæina
og getur hringurinn yfir daginn
hæglega losað 400 kílómetra.
Samið um skóla akstur næstu
fjögur árin
„Nú eru það sjö börn sem ég er
að keyra heim úr skólanum og eitt
aukabarn sem hefur komið með
mér í vor. Það er búið að semja
um að ég verði áfram í þessu
næsta vetur og næstu fjögur árin.
Væntanlega verð ég líka með
akstur í Heggstaðanesinu.“
Jakob segir að talsverður slagur
hafi verið um þennan akstur í
útboði sem sveitarfélagið sá um.
Hann segir að þrátt fyrir oft langa
keyrslu þá hafi hann aldrei lent í
neinum hremmingum í vondum
vetrarveðrum. /HKr.
Jakob Ástmar Jóhannsson sinnir skólaakstri í Víðidal:
Ekur krökkunum úr sveitinni til og frá skóla á Hvammstanga
Jakob Ástmar Jóhannsson sér um skólaaksturinn samkvæmt útboði. Mynd / HKr.