Bændablaðið - 03.12.2015, Page 22

22 Bændablaðið | Fimmtudagur 3. desember 2015
Á handverkstæðinu Ásgarði í
Álafosskvosinni verður haldinn
veglegur jólamarkaður laugar-
daginn 5. desember. Þar gefst
fólki kostur á að kaupa vandaða
smíðagripi sem smíðaðir eru af
mikilli alúð af starfsfólki staðarins.
Unnið er úr náttúrulegum efnivið
og eingöngu er notaður íslenskur
trjáviður.
Frá upphafi hafa starfsmenn
Ásgarðs lagt áherslu á að hanna og
þróa einföld, sterk og skemmtileg
leikföng sem eiga sér samsvörun í
íslenskum þjóðháttum. Hvort
sem um er að ræða
sjávarútveg, landbúnað,
þjóðsögur eða ævintýri.
Eingöngu er unnið með
náttúrulegan efnivið.
Heimir Þór Tryggva-
son er forstöðu maður
Ásgarðs. Hann hóf þar
störf 1998 en tók við
sem forstöðumaður árið
2001. Hann sagði blaða-
manni Bændablaðsins
að mun farsælla væri
að fá upplýsingar um
starfsemina hjá Óskari
Albertssyni enda með
mun meiri reynslu. Óskar
hefur starfað í Ásgarði frá
stofnun 1993 og er ötull talsmaður
vinnustaðarins.
Ásgarður Handverkstæði var
stofnað 1993 sem sjálfseignarstofnun
og hefur starfsleyfi frá velferðarráðu-
neyti sem verndaður vinnustaður. Þar
starfa um 40 manns, þar af 7 verk-
stjórar eða leiðbeinendur.
Byggt á hugmyndafræði
Rudolfs Steiners
Starfsemin í Ásgarði byggist á hug-
myndafræði Austurríkismannsins
Rudolf Steiner (1861–1925). Hann
lærði náttúruvísindi og heimspeki í
Vín, en átti erfitt með að sætta sig við
efnishyggju náttúruvísindanna sem
afneituðu sálarlegum og andlegum
þáttum mannsins. Fram að fertugs-
aldri þróaði hann kenningar sínar um
sambandið milli efnis og anda, og fór
eftir það að miðla þeim til annarra.
Fræði sín nefndi hann mannspeki
(antroposofi). Eftir Steiner liggja
350 bækur. Þar af eru 42 skrifaðar
af honum sjálfum, og um 300 eru
endurritaðir fyrirlestrar.
Waldorf-uppeldisfræðin, sem
útbreidd er um allan heim, er frá
honum komin, einnig lífræn (lífelfd)
ræktun, byggingarlist, hreyfilist og
þroskauppeldisfræði (lägepedagogik
á sænsku), sem fjallar um uppeldi
þroskahamlaðra barna.
Fötlun ekki vandamál
Hugmyndafræði Steiners felst m.a.
í því að ekki er litið á fötlun sem
vandamál, heldur sem möguleika og
að í hverri manneskju sé heilbrigður
kjarni sem hægt sé að vinna með.
Þannig er reynt að aðstoða fatlaðan
einstakling við að vinna með fötlun
sína, til að hæfileikar hans njóti sín
sem best.
Hefja hvern einasta dag á
samsöng starfsmanna
Óskar Albertsson tók á móti blaða-
manni og kynnti starfsemina.
„Hér mæta menn á bilinu hálf níu
til níu á morgnana. Síðan er misjafnt
hversu lengi fram eftir deginum fólk-
ið er. Þá eru sumir fyrir hádegi, aðrir
eftir hádegi og sumir allan daginn.
Enn aðrir eru svo hér part úr viku.
Við byrjum á að koma saman í mat-
salnum og syngjum saman eitthvað
þjóðlegt og skemmtilegt.“ Hefur
það sýnt sig að þetta hjálpar til að
anda út áhyggjum hversdagsins og
byggja upp glaðvært og afslappað
andrúmsloft.
Það er sannarlega notalegt að
koma í Ásgarð. Þar skín í gegn
væntumþykjan og virðingin fyrir
öllum sem þar starfa.
Óskar sagði að þeir sem eru svo
heppnir að fá starfspláss í Ásgarði
komi af öllu höfuðborgarsvæðinu.
Fjöldi plássa er takmarkaður og
greiða sveitarfélögin hvert fyrir
sig með þeim plássum sem þeim er
úthlutað.
„Starfsemin hefur verið vaxandi
og hér er aðallega verið að vinna úr
íslenskum við.“
Ásgarður hefur áunnið sér
virðingu sem verndaður vinnustaður.
Fékk hann m.a. Umhverfisverðlaun
Mosfellsbæjar 2014 fyrir að vera
umhverfisvænt fyrirtæki sem legg-
ur áherslu á endurnýtingu og notkun
umhverfisvænna hráefna. „Við höfum
einnig fengið Hvatningarverðlaun
Fréttablaðsins,“ segir Óskar.
Byrjuðu í Lækjarbotnum
Fyrstu árin var starfsemin í húsi í
Lækjarbotnum, ofan við...
− Framhald á bls. 24
Jólamarkaður í handverkstæðinu Ásgarði í Álafosskvosinni 5. desember:
Alúð og kærleikur í hverju verki
Braggarnir eru í dag
miðdepill starfsemi Ás-
garðs sem annars er
með aðsetur í fyrrum
pöbb gegnt gömlu Ála-
fossverksmiðjunni. Þar
fer öll megin trésmíða-
vinnan fram. Í þessum
bröggum var búið fram
til 2003 þegar Ásgarður
keypti húsin undir sína
starfsemi. Myndir / HKr.
Óskar Albertsson, fyrsti starfsmaður
Ásgarðs, í forláta birkistól sem Ger-
hard Köning smíðaði.
Runólfur Ingi Ólafsson og Bjarnheiður Magnúsdóttir leiðbeinandi,,,,,,,, eða Heiða eins og Runólfur segir að hún
sé kölluð. Þarna unnu þau að vefnaði en Runólfur var ekki alveg búinn að ákveða hvort þetta yrði dúkur, púði eða
vegglistaverk.
Smíðagripirnir eru af ýmsum toga. Sigurður Ragnar Kristjánsson byrjaði í Ásgarði þegar starfsemin hófst 1993.