Bændablaðið - 17.12.2015, Qupperneq 50

50 Bændablaðið | Fimmtudagur 17. desember 2015
Brjálað að gera hjá Landstólpa sem fagnar 15 ára afmæli
– „2007-æði í gangi“ segir Arnar Bjarni Eiríksson
„Já, það má með sanni segja að
það sé einhvers konar 2007-æði
í gangi því við sjáum ekki út úr
augum fyrir verkefnum, það er
allt brjálað að gera úti um allt land
hjá okkur,“ segir Arnar Bjarni
Eiríksson, eigandi Landstólpa
í Skeiða- og Gnúpverjahreppi,
þegar hann var spurður um verk-
efnastöðu fyrirtækisins nú þegar
það fagnar 15 ára afmæli sínu.
Hjá Arnari og Berglindi
Bjarnadóttur, konu hans, vinna um
30 manns. Haldið var upp á 15 ára
afmælið föstudaginn 11. desember
með glæsilegri fjölskyldudagskrá
yfir daginn og fullorðinsdagskrá um
kvöldið með léttum veitingum og
skemmtiatriðum.
Hús af öllum stærðum og gerðum
Landstólpi er þekktast fyrir stál-
grindarhús sín en hundraðasta húsið
verður byggt eftir áramót. Fyrirtækið
býður upp á heildarlausnir í fjós-
byggingum, það er að segja yfir-
bygginguna, innréttingar, steinbita,
gjafakerfi og ýmsan tæknibúnað.
Þá byggir fyrirtækið stálgrindarhús
af öllum stærðum og gerðum undir
fjós, fjárhús, hesthús, reiðhallir, véla-
skemmur og iðnaðarhúsnæði. Fóður
og bætiefni fyrir nautgripi, sauðfé,
hross og hænur er í stöðugum vexti
hjá fyrirtækinu og gæludýrafóðrið
frá Josera hefur einnig fest sig í sessi
sem hágæða vara.
Stærsta verkefnið í
Vestmannaeyjum
Starfsmenn Landstólpa vinna um allt
land en stærsta verkefnið um þessar
mundir er í Vestmannaeyjum. „Já,
þar erum við að byggja þrjú þúsund
fermetra iðnaðarhúsnæði. Við erum
líka að byggja fyrir Nýja ökuskól-
ann í Hafnarfirði, iðnaðarhúsnæði á
Ísafirði og svo erum við að byggja
nokkur ný fjós, t.d. í Skagafirði, rétt
við Akranes og í Flóanum svo eitt-
hvað sé nefnt,“ segir Arnar Bjarni.
Sjálfur ætlar hann að hefja byggingu
á risafjósi í Gunnbjarnarholti þar sem
Landstólpi er í vor en það verður með
að minnsta kosti fjórum róbótum.
Arnar og Berglind eru með um 170
kýr í dag og ætla að halda áfram í
mjólkurframleiðslu. „Það er engan
bilbug á okkur að finna, kýrnar verða
alltaf stór hluti af okkar starfsemi,“
segir Arnar hlæjandi.
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Glæsileg sigling um Feneyjar með fljótaskipinu MS
Michelangelo. Feneyjar hafa löngum verið kallaðar Drottning
Adríahafsins og ekki að ástæðulausu. Í ferð okkar verður m.a.
komið við á Murano og Burano eyjunum, siglt að mynni Po
fljótsins og svo kynnumst við að sjálfsögðu Feneyjum.
Verð: 239.500 kr. á mann í tvíbýli.
Mjög mikið innifalið!
Sp
ör
e
hf
.
Fararstjóri: Hólmfríður Bjarnadóttir
20. - 27. apríl
Draumasigling um Feneyjar
Vor 3
Arnar og Berglind með börnum sínum sem taka virkan þátt í búskapnum í Gunnbjarnarholti og starfsemi Landstólpa. Þórhildur er 9 ára, Haukur er 11 ára, Margrét Hrund er 19 ára og Eiríkur er
21 árs. Elsta dóttirin, Auður Olga, er 23 ára og býr í Ástralíu. Myndir / Magnús Hlynur Hreiðarsson
Hundraðasta stálgrindarhús Landstólpa verður reist eftir áramót en húsin
eru mjög vinsæl um allt land.
Jólasveinarnir mættu og gáfu börnunum nammipoka.
Arnar Bjarni segist alltaf kunna vel
við sig innan um jólasveina enda
segist hann sjálfur vera hálfgerður
jólasveinn.