Bændablaðið - 17.12.2015, Blaðsíða 74

74 Bændablaðið | Fimmtudagur 17. desember 2015
Ameríski jólasveinninn skottast með gjafir til kristinna barna á 24 tímum og klárar léttilega 5.787 heimili á sekúndu:
Þeytist á milli húsa á 625 þúsund kílómetra hraða
− ef hann væri á dráttarvél þyrfti hún að vera 66 milljónir tonna með 1,5 milljarða hestafla mótor
Ameríski jólasveinninn er sagður
færa kristnum börnum heimsins
jólagjafir á einum hreindýrasleða
á innan við sólarhring. Hvort þessi
saga stenst alveg skoðun skal ekk-
ert fullyrt um en dæmið gæti litið
svona út.
Íbúar jarðar eru nú um 7 millj-
arðar. Fjöldi heimila að meðaltali
með 4 fjölskyldumeðlimi er þá
1.750.000.000. Nú er kristin trú
fjölmennustu trúarbrögð heims-
ins, með um 2 milljarða fylgjenda.
Rúmur helmingur þeirra telst til
rómverskkaþólsku kirkjunnar, 367
milljónir eru mótmælendur og 216
milljónir tilheyra grísku/rússnesku
rétttrúnaðarkirkjunni. Kristnir búa
flestir í Norður- og Suður-Ameríku,
Evrópu og Ástralíu. Hlutfallslega eru
kristnir mun færri í Asíu og Afríku en
í hinum álfunum en þar eru þó margir
kristnir, meðal annars í Eþíópíu, þar
sem kristni hefur verið við lýði frá
330 eftir Krist.
Ef kristnir menn eru um 2 millj-
arðar, og þeim hópi er gróflega skipt
upp í fjögurra manna fjölskyldur
með tveim börnum á heimili, þá eru
það fimm hundruð milljón heimili
(500.000.000). Börnin eru þá um
milljarður (1.000.000.000).
Ameríski jólasveinninn ferðast á
625.000 kílómetra hraða
Ameríski jólasveinninn er sagður
ferðast um á hreindýrasleða þegar
hann kemur pökkunum til barn-
anna á aðfangadagskvöldi. Gefum
okkur að hann þurfi að ferðast frá
Norðurpólnum og hniti hringi niður
eftir jörðinni nokkurn veginn eftir
breiddarbaugunum til að dreifa
pökkunum. Niður að miðbaug eru
90 breiddarbaugar og 90 til viðbótar
niður að suðurpól. Hann þyrfti vænt-
anlega að fara aðeins þéttar en það
til að ná til allra barnanna, svo við
skulum gefa okkur að hringirnir um
jörðina yrðu því samtals 360. Efst á
pólnum væri ferðalagið nánast ekki
neitt, bara snúningur jólasveinsins
um sjálfan sig og væntanlega ekkert
barn á staðnum að bíða eftir pakka.
Gróflega áætlað má segja að jóla-
sveinninn fari 7,2 milljónir kílómetra
í hringsóli sínu eftir breiddarbaugun-
um og við það bætast nærri 40.000
kílómetrar vegna ferðalagsins eftir
lengdarbaugunum.
Við að skutlast inn á hvert heim-
ili gætum við trúlega bætt annarri
eins vegalengd við og rúmlega það
þannig að sveinki þarf að skutlast
svo sem 15 milljónir kílómetra á 24
tímum, þótt flestir tali um að hann
sé að þessu á mun skemmri tíma.
Það þýðir að hann verður að þeytast
með um 625.000 kílómetra hraða
á klukkustund. Það er 10,4 sinnum
meiri hraði en hröðustu geimför
fara á í hringsóli sínu um jörðina.
Það er líka 10.417 kílómetra hraði á
mínútu eða tæplega 174 kílómetrar
á sekúndu. Hann væri sem sagt 3,8
mínútur að fara umhverfis jörðina
um miðbaug.
5.787 heimili á sekúndu
Ameríski jólasveinninn hefur 24
tíma til að klára verkið. Það eru 1.440
mínútur eða 86.400 sekúndur. Til að
fara inn á hvert þeirra 500 milljóna
heimila kristinna manna í heiminum
hefur hann 0,0001728 sekúndur og er
þá innifalinn ferðatíminn milli staða.
Þá þarf hann að fá hreindýrin til að
snarstoppa úr 625 þúsund kílómetra
hraðað í 0 á augabragði. Fara af sleð-
anum taka tvær gjafir úr pokanum
troða sér niður um strompinn eða
skríða inn um glugga, koma gjöfun-
um fyrir undir jólatrénu og fara sömu
leið til baka. Stíga upp á sleðann og
rjúka af stað. Allt þetta má ei taka
meiri tíma en 0,0000864 sekúndur
og þá þarf sveinki að vera kominn
á næsta stað eftir aðrar 0,0000864
sekúndur. Þá er gengið út frá því að
vegalendin milli heimilanna dreifist
jafnt á þá 15 milljón kílómetra sem
sveinki þarf að ferðast.
Sem sagt 0,0001728 sekúndur í
að klára afhendingu pakka og flug á
næsta stað, enda nóg að geras því að
á hverr sekúndu þarf hann að heim-
sækja 5.788 heimili.
Sleði jólasveinsins er 800
metrar að lengd og tekur 37.000
gámaeiningar
Ef einn milljarður barna fá að jafn-
aði gjöf sem vegur 1 kílógramm, þá
þarf pokinn hjá sveinka að þola einn
milljarð kg eða milljón tonn. Sleðinn
þarf þá að vera samsvarandi stór og
þyrfti að rúma 37,037 gámaeiningar.
(ein gámaeining = 20 feta þurrgámur
tekur 27 tonn) Hann yrði á stærð við
rúmlega tvö stykki af stærsta gáma-
flutningaskipi heims, The Majestic
Maersk, sem tekur 18.000 gámaein-
ingar og er 400 metra langt. Það er
búið tveim 43.000 hestafla aðalvél-
um sem hvor um sig vegur 910 tonn.
Hámarks ganghraði er 23 sjómílur á
klukkustund. Ef gámarnir úr þessu
skipi eru settir á flutningabíla sem
væri í einni röð þá yrði hún 110 km
löng. Sleði jólasveinsins yrði sem
sagt tvöfalt stærri og þyrfti líklega
að vera um 700-800 metra langur.
Röðin sem gámabílarnir mynduðu
með flutningi jólasveinsins yrði nærri
230 kílómetra löng.
Þarf 1,5 milljarða hreindýra
Til að draga slíkan sleða á skipshraða
þyrfti líklega um 87.000 hreindýr
(að því gefnu að eitt hreindýr skili
einu hestafli). Það kæmi sleðanum
þó ekki nema á um 36 kílómetra
hraða (20 mílur) á klukkustund.
Ef við gefum okkur að hröðunin
fari eftir fjölda hreindýra þá þyrfti
um 1,5 miljarða hreindýra til að
draga sleðann svo hann komist á
að minnsta kosti 625.000 kílómetra
hraða á klukkustund.
Á 66 milljón tonna dráttarvél
Ef sveinki væri aftur á móti með
Úrsus dráttarvél í stað hreindýr-
anna og með 800 metra löngum
heyhleðsluvagni, þá þyrfti drátt-
arvélin að vera um 66 milljón tonn
að þyngd. Hún væri með alveg
þokkalegum mótor sem skilaði 1,5
milljörðum hestafla, eða sama afli
og öll hreindýrin.
Þá verðum við auðvitað að gefa
okkur að ameríski jólasveinninn
geti með einhverjum óútskýrðum
hætti yfirunnið loftmótstöðuna,
annars myndi hann brenna til ösku
með öllum jólapökkunum og sleða
ækinu í fyrstu hringferðinni um
jörðina. Gilti þá einu hvort hann
væri með hreindýrasleða eða á
súperkraftmikilli Úrsus dráttarvél.
Á 100 hestafla Úrsus tæki það
63 ár að koma gjöfunum til skila
Ef sveinki reyndi aftur á móti
að dreifa þessum jólapökkum á
venjulegum 100 hestafla 4,4, tonna
Úrsus, sem færi á 36 kílómetra
meðalhraða á klukkustund, þá yrði
loftmótstaðan ekki vandamál. Aftur
á móti myndir hann ekki draga
mikið meira samkvæmt löglegum
tölum um dráttargetu en 3,4 tonn í
hverri ferð og þá yrði vagninn líka
að vera með löglegum bremsum.
Þar sem vagn og hlass væri
ekki meira en 3,4 tonn, þá þyrfti
jólasveinninn að dreifa gjöfunum
í 294 ferðum frá Norðurpólnum.
Hann fækkaði auðvitað í hópnum
í hverri ferð, en eigi að síður mæti
ætla að hann þyrfti að fara talsvert
mikið lengri vegalengd en ameríski
jólasveinninn.
Má líkum leiða að því að hann
þyrfti að skrölta allt að 20 milljónir
kílómetra upp og niður og umhverf-
is jarðkringluna í þessum jóla-
pakkaúthlutunum. Jólasveinninn
á venjulegu dráttarvélinni yrði
því örlítið lengur að fara þessa
vegalengd sem ameríski jólasveinn-
inn á hreindýrasleðanum skondrast
á 24 tímum. Sveinki á Úrsusnum
yrði 555.555 klukkustundir að
koma öllum milljón tonnunum á
áfangastað, sem gera 23.148 daga
eða rúmlega 63 ár.
Hann verður þá líka að vera
fjandi snöggur að setja eldsneyti á
vélina og skipta um smurolíu annað
veifið. Þá er heldur enginn tími til
að skreppa í mat eða kaffi, hvað þá
að fara á klósettið.
Að sjálfsögðu eru þessir útreikn-
ingar settir fram í fullkomnu
ábyrgðarleysi, auk þess sem ekk-
ert er vitað um vélaáhuga sveinka.
Hann gæti því allt eins valið Deutz,
New Holland, Valtra, Massey
Ferguson, John Deere, Belarus eða
hvað tegund aðra en Ursus.
Auðvitað ber svo að geta þess að
1,57 milljarðar múslíma fá engar
jólagjafir frá sveinka, hvað þá 994
milljónir hindúa og 500 milljónir
búddista. /HKr.
Staðalímynd ameríska Coca Cola-jólasveinsins. Svona slór við að lesa á óskalista dugir ekki, hvað þá ef hann
hefur ætlað sér að bíða eftir því að fá að kyssa mömmu krakkanna. Ef sagan er sönn um afköst hans við að dreifa
jólagjöfunum, þá ætti hann að vera löngu farinn upp um strompinn áður en hann næði svo mikið að hugsa um að
setja upp gleraugun, hvað þá annað. Trúlega gefa gömlu íslensku jólasveinarnir lítið fyrir grobbsögur af þessum
ameríska sprelligosa.
Ef ameríski jólasveinninn hefði látið breyta Úrsus til að komast með pakkana
olíufélagi til að fá góðan afslátt af eldsneytinu.