Þjóðmál - 01.12.2008, Qupperneq 25

Þjóðmál VETUR 2008 23
styrkur og dreifing litarins í myndunum til
þess að beina sjónum okkar linnulaust að
einhverju nýju, jaðranna á milli .“36
16 . Fjórðungur allra blómamynda
Blómróf var nafn á sýningu í Listasafninu á Akureyri sem stóð frá 8 . nóvember til
14 . desember 2003 . Þetta var sögð yfirlitssýn-
ing frá fimmtán ára ferli Eggerts sem blóma-
málara . Sýndur var um fjórðungur allra mál-
verka hans frá þessum tíma .37
Þóroddur Bjarnason sagði í Lesbók Morgun-
blaðsins að verkunum væri þannig stillt upp
að sjá mætti kaflaskil sem orðið hefðu í list
Eggerts . Nefndi hann græna tímabilið, hvíta
tímabilið og dökka tímabilið í því samhengi .
Honum fannst dökku verkin mest spennandi
„og þau verk sem maður getur komið að aftur
og aftur og ávallt fundið eitthvað nýtt“ .38
17 . Flókið ferli
Þriðjudaginn 3 . ágúst 2004 var opnuð sýning á einu nýju málverki Eggerts Péturssonar í
Safni við Laugaveg í Reykjavík og stóð hún til
5 . september .39 Sagt var í DV að verk hans væru
„afrakstur flókins málunarferlis“ og að þau yrðu
til „á óralöngum tíma“ .40
„Sýningin í Safni var mjög mikilvæg,“ sagði
Eggert . „Herbergið sem verkið var í er mjög
fallegt og þar var ekkert annað . Ég var líka að
reyna að benda á að eitt málverk er nóg til að
fylla heila sýningu, ekki síður en hjá kollegum
mínum sem vinna með innsetningar og vinna
í önnur efni .“41

18 . Ný sýn á fegurðina
Yfirlitssýning á verkum Eggerts Pétursson ar var opnuð á Kjarvalsstöðum 8 . september
2007 . Hún stóð í rúmar átta vikur eða til 4 .
nóvember . Þetta var fyrsta sýningin eftir að
Eggert hlaut hin virtu Carnegie-verðlaun .
Sýnd voru rúmlega fimmtíu verk, þar á meðal
nokkur sem ekki höfðu verið sýnd áður . Í
tengslum við sýninguna var gefin út vegleg
bók um listamanninn og verk hans .
Við opnunina flutti Ólafur Ragnar Gríms-
son forseti Íslands ávarp þar sem hann sagði
meðal annars: „Eggert Pétursson hefur á
vissan hátt, líkt og Kjarval, skráð nýjan kafla
í listasögu Íslendinga, fært okkur veröld sem
áður var í listrænum skilningi flestum hulin,
veitt okkur nýja sýn á fegurðina, náð að snerta
hjörtu okkar á óvæntan hátt og um leið skapað
nýjan áfanga í íslenskri list .“42
Silja Aðalsteinsdóttir sagði í Viðskiptablað-
inu að sýningin væri heillandi og að hún
hefði „ekki í annan tíma séð eins margt fólk
á sýningaropnun . Þessi hógværi listamaður
hefur eignast sinn stað í þjóðarsálinni og ekki