Þjóðmál - 01.03.2010, Síða 38

36 Þjóðmál VOR 2010
Með einföldum hætti getum við Ís-lend ingar blásið til mestu sóknar á
sviði lista og menningar í sögu Evrópu síð-
ustu áratugi að minnsta kosti . Við höfum
tæki færi til að tryggja hér blómlegra líf á
öllum sviðum en nokkur þjóð hefur áður
kynnst . Það eina sem þarf er örlítill kjarkur
og ný hugsun .
Ríkisútvarpið ohf . er í alvarlegri kreppu
og krónískur taprekstur hefur dregið mátt
úr fyrirtækinu . Þær miklu vonir sem margir
bundu við breytingu á rekstrarformi fyrir-
tækisins árið 2007 hafa ekki ræst heldur þvert
á móti . Hér skal því haldið fram að tími sé
kominn til að stjórnendur Ríkisútvarpsins og
stjórnmálamenn viðurkenni að fyrirtæk ið er
komið í svo miklar ógöngur að nauð syn legt
er að skilgreina hlutverk og verk svið fyrir-
tæk isins að nýju og umbylta öll um við tekn-
um hugmyndum um rekstur ríkis fjöl miðils .
Ríkisútvarpið ohf . tók formlega til starfa
1 . apríl 2007 . Samkvæmt stofnefnahag var
eigið fé fyrirtækisins 879 milljónir króna .
Ekki er hægt að halda því fram að vel hafi
tekist til í rekstrinum frá formbreytingunni .
Í lok ársins 2008 var eigið fé orðið neikvætt
um 361 milljón . Þannig rýrnaði eigið fé um
59 milljónir króna mánaðarlega frá apríl
2007 til ársloka 2008 . Með öðrum orðum,
fyrirtækið var tæknilega gjaldþrota og því
neydd ist eigandinn (skattgreiðendur) til að
leggja fram aukið fé . Í apríl á liðnu ári sam-
þykkti ríkisstjórnin að breyta 562 milljóna
króna skuld Ríkisútvarpsins í hlutafé . Ríkis-
útvarpið hefur síðan haldið áfram að éta
upp eigið fé með hallarekstri .
Nokkrar staðreyndir
Reikningsár Ríkisútvarpsins ohf . er frá september til ágúst ár hvert . Hið
opinbera hlutafélag hefur því starfað í tvö
full reikningsár og fimm mánuði betur .
Vert er að taka saman nokkrar staðreyndir
um rekstur fyrirtækisins frá 1 . apríl 2007 til
ágústloka 2009 .
Óli Björn Kárason
Leggjum Ríkisútvarpið
niður!
– og hefjum stórsókn í listum og menningu