Þjóðmál - 01.09.2011, Page 37

Þjóðmál HAUST 2011 35
þroti . Jón Ásgeir Jóhannesson hefur sagt
að það hafi kostað sig um 50 milljónir
króna . Þá þegar fjölgaði mjög auglýsingum
frá Baugs-samstæðunni í blaðinu og hafa
þær sett mikinn svip á það alla tíð síðan .
Lesendakannanir hafa sýnt að Fréttablaðið
hefur mesta útbreiðslu íslenskra dagblaða
og er því góður auglýsingamiðill . Keppi-
nautar Baugsfyrirtækjanna hafa þó aldrei
notað blaðið jafnmikið og þau . Hér hafa
óneitanlega farið fram mikil viðskipti milli
skyldra aðila og er mikilvægt við greiningu
á afkomunni að geta fullyrt að viðskiptin
séu á eðlilegum grunni .
Dreifing á Fréttablaðinu var á vegum
sérstaks fyrirtækis, Pósthússins, sem var
lengst af í eigu sömu aðila og Fréttablaðið .
Fréttir hafa borist af því að Pósthúsið hafi lent
í miklum rekstrarerfiðleikum . Fréttablaðið
mun vera helsti viðskiptavinur þess . Í lok
ágúst 2008 var sagt frá því að dreifingu yrði
hætt í hús víðast á landsbyggðinni . Komið
yrði upp sérstökum dreifingarkössum inni
í hverfunum . Þannig verði dreifingin nær
lesendum en verið hefur, að sögn forstjóra
fyrirtækisins . Þeim sem hafa fengið
blaðið borið heim til sín kann að koma
þetta spánskt fyrir sjónir, en aðgerðirnar
endurspegla að dreifikerfið hefur verið dýrt,
en sá kostnaður hefur kannski ekki komið
allur fram hjá blaðinu sjálfu .
Prentun var hjá öðru fyrirtæki með tengt
eignarhald . Eftir að hafa gefið Fréttablaðið
út í nokkur ár voru eigendur svo ánægðir
með árangurinn að þeir ákváðu að reyna
svipaða hugmynd annars staðar . Sú
spurning vaknar hvort þeir hafi miðað við
réttar rekstrarforsendur á þeirri stundu .
Hröð útrás
Ífebrúar 2006 var rætt við Gunnar Smára Egilsson, forstjóra Dagsbrúnar, í norska
blaðinu Dagens Næringsliv . Þá segir hann að
Dagsbrún, sem þá var eigandi Fréttablaðsins,
vilji kaupa fjölmiðlasamsteypuna Orkla
Media, sem hafi gott af því að fá nýja eigendur .
„Fjármögnunin, átta milljarðar norskra
króna, 79 milljarðar íslenskra króna, verður
ekkert vandamál fyrir Dagsbrún,“ sagði
forstjórinn . Meðal eigna Orkla var Berlingske
Tidende . Í sama viðtali talar Gunnar Smári
um útvíkkun á Frétta blaðshug myndinni til
Skandinavíu og Stóra-Bretlands .
I . Bretland
Í byrjun mars 2006 var sagt frá því að Dagsbrún hygðist kaupa breska
prentfyrirtækið Wyndeham . Þá sagði í frétt
frá Dagsbrún: „Samkvæmt tilboðinu er
fyrirtækið metið á um 80,6 milljónir punda,
10,3 milljarða króna . . . . Fyrirtækið var skráð
í bresku kauphöllina 1991 . Velta Wyndeham
var 141,3 milljónir punda fyrir reikningsárið
sem lauk 31 . mars 2005, EBITDA var 19,8
milljónir punda og hagnaður fyrir skatta
var 5,7 milljónir . Fjárfestingar í varanlegum
rekstrarfjármunum námu 3 .3 milljónum á
tímabilinu .“
Það vafðist fyrir mönnum á Íslandi að
skilja hvers vegna þetta fyrirtæki hefði verið
keypt . Því var fleygt að markmiðið væri
að ná upp gengi á bréfum í Dagsbrún, en
svonefndir EBITDA-margfaldarar væru
mun hærri á Íslandi en í Bretlandi . Þetta
merkir að þegar EBITDA-áhrifin kæmu
fram á Íslandi yrðu til verðmæti við það eitt
að fyrirtækið hefðu eignast nýja eig endur .
Um sumarið héldu nýir forráðamenn
Wyndeham kynningarfund skammt frá
London . Þar kom fram að Wyndeham
myndi nýtast í útrás í blaðaútgáfunni þó að
hún ætti sér ekki endilega stað í sama landi
og Wyndeham væri með prentsmiðjur .
Fyrirtækið prentaði ekki dagblöð .
Í ársreikningi Wyndeham fyrir rekstrar-