Þjóðmál - 01.09.2011, Síða 38

36 Þjóðmál HAUST 2011
árið sem lauk 31 . mars 2006 kemur fram að
tap var 18,2 milljónir punda á fyrirtækinu
það ár . Rekstarhagnaður minnkaði um nær
helming frá fyrra ári og mikil viðskiptavild
var afskrifuð . Skuldir alls voru 88 milljónir
punda en höfðu verið 67 milljónir í lok
ársins á undan . Reikningurinn er dagsettur
í nóvember 2006, en hann vekur vissulega
spurningar um það hvernig staðið hafi verið
að kostgæfniathugun vegna kaupanna . Í
lok árs 2006 birtist eftirfarandi frétt á mbl.
is: „Hannes Smárason er maður ársins 2006
í viðskiptalífinu samkvæmt niðurstöðu
dóm nefndar Markaðarins, viðskiptablaðs
Frétta blaðsins sem kom út í dag . Sala Björg-
ólfs Thors Björgólfssonar á tékkneska síma-
félaginu cRA voru valin viðskipti ársins
og verstu viðskipti ársins voru valin kaup
Dagsbrúnar á Wyndeham .“
Nokkrar tilfæringar urðu með hlutinn í
Wyndeham eftir þetta milli félaga í Baugs-
samsteypunni og aðeins hluti skilinn eftir í
365 miðlum, sem tóku við fjölmiðla rekstri
Dagsbrúnar . Þann 7 . febrúar 2008 sagði í
tilkynningu frá 365: „ . . . í tapinu er tekið
tillit til þeirrar starfsemi sem hefur verið
lögð niður en eignarhlutur í Wyndeham
var færður niður að fullu að fjárhæð 2 .095
milljónir króna .“
II . Danmörk
Seinni hluta árs 2006 dró til tíðinda í Danmörku . Haft var eftir Gunnari
Smára Egilssyni, forstjóra Dagsbrúnar, á
vefsíðu Berlingske Tidende, að Danmörk
hafi orðið fyrir valinu til útgáfu fríblaðs
vegna þess að útgáfufélögin þar standi
ekki styrkum fótum, og hafi ekki efni á
að tapa miklu fé í dagblaðastríði, það hafi
Dagsbrún hins vegar . Eigendum blaðsins
var því ljóst frá byrjun að dýrt yrði að byrja
útgáfu nýs blaðs . Upprunalega virðist svo
sem Baugur og Dagsbrún hafi búist við að
tapið yrði um 350 milljónir danskra króna,
því að fyrirtækið hugðist í ágúst 2006 setja
á fót sjóð með þeirri fjárhæð til útgáfunnar .
Í árslok 2006 er fjárhæðin komin í 406
milljónir danskra króna og átti það að nægja
fyrir fjárfestingar og starfsemi í Danmörku
næstu þrjú ár .
Íslenska líkanið var flutt út að því leyti
að Post Danmark og Nyhedsavisen stofnuðu
saman dreifingarfyrirtæki þar sem pósturinn
átti 49% hlut og blaðið 51% . Eftir þrjá
mánuði tilkynnti Post Danmark að
samstarfinu yrði hætt vegna þess að félagið
hefði tapað um 10 milljónum danskra króna,
um 120 milljónum íslenskra króna, þann
tíma sem félagið átti Morgendistribution
Danmark með Nyhedsavisen . Það var því
einnig sammerkt Íslandi og Danmörku að
tap var á dreifingarfyrirtækinu .
Í apríl 2007 var sagt frá því að
Nyhedsavisen hefði fengið um 2 milljarða
króna í reksturinn frá 365 miðlum . Út-
breiðsla Nyhedsavisen jókst jafnt og þétt og
sumarið 2008 var blaðið orðið mest lesna
blað í Danmörku . Almennt virðist hafa
verið ánægja með blaðið meðal lesenda .
Rekst ur inn var þó ætíð erfiður eins og fram
kemur hér á eftir .
III . Bandaríkin
Í ljósi reynslunnar í Danmörku og á Ís landi ákváðu Baugsmenn að hefja
blaða útgáfu í Boston í Bandaríkjunum .
Lítið var fjallað um það blað í fréttum hér
á landi . Í febrúar 2007 kom fram að upplag
fríblaðsins Metro Boston yrði aukið úr 165
þúsund ein tökum á dag í 200 þúsund, til
að mæta væntanlegri samkeppni frá nýju
fríblaði, BostonNOW . Félagið Dagsbrun
Media Fund stóð á bak við BostonNOW .
Útgáfa þess blaðs hófst í apríl 2007 .
Í apríl 2008 sagði Þórdís Sigurðardóttir,
þá verandi stjórn arformaður Stoða Invest