Þjóðmál - 01.09.2011, Side 41

Þjóðmál HAUST 2011 39
Þótt Ísland hafi 200 sjómílna efna-hagslögsögu, sbr . lög nr . 41 frá árinu
1979, þá eignast ríkið ekki það víðáttu-
mikla hafsvæði, heldur kemst það undir
fullveldisrétt íslenska ríkisins . Fullveldisrétt
til að beita löggjafar-, framkvæmdar- og
dómsvaldi Íslands á þessu svæði og útiloka
önnur ríki frá að gera hið sama . Lýð skrum-
arar kalla þennan fullveldisrétt ríkisins
„þjóðareign“, sem er blekking og orðasukk .
Í íslenskri orðabók er orðið „þjóðarauður,
þjóðareign“ skýrt sem: „samanlagðar eigur
allra borgara ákveðins lands“ . Fullveldiréttur
ríkisins nær þannig yfir allar eignir lands-
manna bæði einkaeignir og opinberar
eignir .
Þar sem ríkisvaldið hefur fullveldisrétt
yfir öllum eignum í landinu og hegðun
fólks, er þessi eignarárátta hins opinbera
alveg óþörf . Ríkisvaldið getur komið fram
lang flestum stefnumálum sínum innan
fullveldisréttarins, sem einungis er tak-
mark aður af stjórnarskránni, mannlegri
dóm greind og náttúrulegum rétti .
Dæmi um merkingarlausa lagareglu er
að finna í lögum um stjórn fiskveiða 1 . gr .
laga nr . 38 frá 1990:
„Nytjastofnar á Íslandsmiðum eru sam-
eign íslensku þjóðarinnar .“
Í þessa lagagrein vantar bæði eign og
eig anda . Nytjastofnar geta ekki verið eign .
Eng inn á óveiddan fisk í sjónum . Þjóð getur
ekki verið eigandi .
Í álitsgerð auðlindanefndar árið 2000, á
bls . 25, segir:
„Vegna þess að þjóðin er ekki lögaðili og
þar með bær til að vera eiginlegur eigandi að
lögum með sama hætti og ríkið er nauðsyn-
legt að kveða nákvæmlega á um það að
hand hafar löggjafar- og framkvæmdarvalds,
þ .e . Alþingi og stjórnvöld, fari með allar
þær eignarréttarheimildir, sem í hinu nýja
eignar formi felast í umboði þjóðarinnar . Að
öðrum kosti yrði eignarréttur þjóðarinnar
merk ing arlaus .“ Ekki er búið að kveða á um
þetta ennþá, né veita þetta umboð .
Með hugsun auðlindanefndar eru lands-
menn í verri stöðu en ólögráða aðili . Í flest-
Jóhann J . Ólafsson
Af hverju þjóðin á
hvorki haus né sporð í
fiskveiðiauðlindinni