Þjóðmál - 01.09.2011, Qupperneq 45

Þjóðmál HAUST 2011 43
Þjóðgarður er ekki þjóðareign heldur
land, sem tekið er af markaði og sett undir
stjórnsýslu ríkisins . Orðið þjóðareign eða
gjöf til íslensku þjóðarinnar er oft notað um
gjafir til ríkisins, t .d . safn Einars Jónssonar,
Leifstyttuna á Skólavörðuholti o .fl . Frál eitt
er að nota þessar einangruðu undantekn-
ingar sem rök til að auka ríkis-kapítalisma
á Íslandi .
Menn hafa gert athugasemdir við að
tillögur stjórnarskrárráðs séu ekki á nógu
skýrt skilgreindu lagamáli . Því hefur verið
svarað svo að tillögur stjórnarskrárráðs séu
á mannamáli . Óskilgreint mannamál leiðir
af sér að menn túlka slíka stjórnarskrá
eins og meirihlutinn vill hverju sinni .
Vand aðar skilgreiningar orða í lögum eru
óhjákvæmilegar fyrir réttarfarið og réttar-
öryggi borgaranna .
Þegar þeir sem eru á annarri skoðun eru
farnir að kalla vandaðar skilgreiningar laga
orðhengilshátt er lýðræðið í hættu .
Í Vínarborg var reist glæsilegt þinghús á
19 . öld . Fyrir framan það stóð vegleg stytta
af Aþenu, gyðju viskunnar . Sumir Vínarbúar
gerðu þá athugasemd að gyðjan væri ekki
inni í þinghúsinu, heldur væri henni úthýst
þaðan . Því var svarað að gyðja viskunnar væri
of stór fyrir þinghúsið . Við Alþingishúsið í
Reykjavík er gyðja visk unnar hvergi í augsýn,
hvorki innan húss né utan .
Hrunið var engin tilviljun .
Jóhanna Sigurðardóttir sagði erlendum frétta-mönnum að á Íslandi yrði „efnahagslegt
öng þveiti“ ef Icesave-lögunum yrði hafnað í
þjóðaratkvæðagreiðslu . Það var svona jóhönnu-
leg aðferð við að „gæta íslenskra hagsmuna“
og til að laða erlenda fjárfestingu til landsins .
Steingrímur J . Sigfússon sagðist ítrekað ekki
vilja „hugsa þá hugsun til enda“, hvað myndi
gerast ef Icesave-ánauðin yrði ekki samþykkt
á Alþingi fyrir næstu helgi, en auðheyrt var
að fjármálaráðherrann taldi afleiðingarnar
skelfilegar . Gylfi Magnússon sagði að Ísland yrði
„Kúba norðursins“ ef Icesave II yrði ekki sam-
þykktur . Þórólfur Matthíasson boðaði samfelld-
ar hörmungar ef Icesave-samningarnir yrðu ekki
samþykktir . Þórunn Sveinbjarnardóttir sagði að
þeir stjórnarandstöðuþingmenn, sem börðust
gegn Icesave II, væru að „tala Ísland niður í
ruslflokk“, því ráðherrar og stjórnarþingmenn
fullyrtu auðvitað líka að lánshæfismat landsins
yrði lækkað ef það tæki ekki á sig Icesave
reikningana .
Hafa fréttastofurnar farið yfir þessa sögu?
Hefur verið fjallað, vandlega og rækilega, um
hvað stjórnarherrarnir og frúrnar sögðu við
lands menn til að fá þá til að fallast á Icesave-
ánauðina? Hefur verið farið yfir spádómana,
sem ekki voru settir fram sem spádómar
heldur sem fullyrðingar, studdar við fræðititla
lofsunginna prófessora? Hafa ljósvakamiðlarnir,
sem auðvitað eiga hjá sér stóryrðaviðtölin og
fullyrðingarnar, tekið þau saman og gert úr
vandaðan fréttaskýringaþátt?
Nei, þeim dettur það ekki í hug .
En það eru sagðar margar fréttir af einhverj-
um níræðum verkfræðingi og örsafnaðarleiðtoga
ein hvers staðar í Bandaríkjunum, sem trúði því
að heimsendir yrði síðasta laugardag . Það er nú
aldeilis hálfviti, ha ha ha . Svona eru þessir trú-
uðu Bandaríkjamenn, ho ho ho .
En hvernig fara íslenskir fjölmiðlar með sína
eigin efnahagslegu heimsendaspámenn? Jú, þeir
eru bara sömu fastagestirnir í umræðuþáttum
og fréttatímum, þar sem þeir þykja alltaf jafn
áhugaverðir .
„VefÞjóðviljinn“, andriki .is, 23 . maí 2011 .
Íslenskir spekingar og hræsni fjölmiðlanna