Þjóðmál - 01.09.2011, Page 52

50 Þjóðmál HAUST 2011
þ .e . nemendur eða forráðamenn þeirra
standi beint undir öllum kostnaði í formi
skólagjalda . Kosturinn við hreina einkaskóla
umfram t .d . ávísunarkerfið er að þá getur
ríkið ekki sett neinar skorður hvað varðar
námsframboð eða efnistök . Skólarnir yrðu
fullkomlega sjálfstæðir og þar með yrði
fjölbreytnin enn meiri .
Hvað varðar sjónarmið um jafnrétti til
náms við slíkt fyrirkomulag má benda á
eftirfarandi: Skattar ættu að lækka verulega
svo að aukið svigrúm ætti skapast til að mæta
skólagjöldum . Þá má aftur minna á að ýmis
nauðsynjavara er ekki niðurgreidd af ríkinu
svo sem matur og bílar . Ennfremur má gera
ráð fyrir að á meðan sumir skólar væru dýrir
væru aðrir ódýrir og alls ekki víst að þeir
dýrari væru endilega betri en þeir ódýru .
Með aukinni tækni og netinu er hægt að
reka fyrirtaksskóla með litlum kostnaði
á hvern nemanda . Síðast en ekki síst má
spyrja: Hvort felur í sér meira jafnrétti,
einsleitt ríkisrekið skólakerfi þar sem jafnvel
helmingur ungs fólks fær ekki þjónustu
við hæfi eða markaðsdrifið skólakerfi með
innbyggðum hvata til að uppfylla þarfir
ólíkra markhópa á eins hagkvæman hátt og
kostur er?
Niðurlag
Hvaða leið sem menn vilja fara í átt til frekari einkavæðingar í skóla-
kerfinu er löngu kominn tími til að styðja
einkarekstrarformið af mun meiri myndug-
leik og krafti en hingað til hefur verið gert
á Íslandi . Flestar þjóðir í kringum okkur
hafa gengið mun lengra á þeirri braut en
við, t .d . Hollemdingar og Svíar, svo ekki
sé minnst á Breta og Bandaríkjamenn . Það
skortir því ekki fyrirmyndirnar ef víðtækur
vilji skapast einhvern tíma hér á landi til
að nýta betur kosti einkaframtaksins í
skólakerfinu .
Samfylkingin gaf á síðasta ári út sérstaka söngbók fyrir flokksfélaga, væntanlega
fyrir framlag til flokksins úr ríkissjóði . Var
það gert til að fagna 10 ára afmæli flokksins .
Í kverinu eru ýmsir góðir baráttusöngvar
sem Atli Heimir Sveinsson valdi . Í inngangi
segir Atli um val sitt að hann hafi valið
þau lög og ljóð sem ætla mætti að flestir
flokksfélagar kynnu .
Þar er fallegur boðskapur eins og:
Því fáninn rauði okkar merki er,
því fáninn rauði okkar merki er,
því fáninn rauði okkar merki er,
lifi kommúnisminn og hinn rauði her.
Þetta er auðvitað eitthvað sem Atli Heimir
ætlar flestum Samfylkingarmönnum að
kunna .
Stríðssöngur jafnaðarmanna á bls . 22
kemur að góðum notum eftir að Sam-
fylkingin og VG hófu árásarstríð gegn
Líbýu . Kanakokteillinn á bls . 31 segir frá
því að þeir sem þiggi veigar á vellinum
drekki Víetnama blóð .
Svo vona ég að söngurinn sameini
Sam fylkingarfólkið, segir Atli Heimir að
lokum .
Frjálslyndur og nútímalegur jafn-
aðarmannaflokkur .
„Vef-þjóðviljinn“, andriki .is, 18 . ágúst 2011
Hinn nútímalegi jafnaðarmannaflokkur