Þjóðmál - 01.09.2011, Qupperneq 70

68 Þjóðmál HAUST 2011
Iðnaðarmál
R íkisstjórn félagshyggjunnar sýndi frekari iðnvæðingu landsins og
nýjum virkjanaáformum og línulögnum
kalt viðmót og lítilsvirðingu undir
merkjum kjörorðs afturhaldsins, að nátt-
úran skuli njóta vafans, og þess vegna var
ekkert framkvæmt, þveröfugt við borg-
aralegu ríkis stjórnina, sem við tók . Hún
hefur á stefnuskrá sinni að láta fólk ið
njóta vafans og að auka erlendar fjár fest-
ingar og lítur svo á, að þær verði aðal-
aflvaki hagvaxtar í landinu, sem nemi
a .m .k . 4% á ári til 2020 . Það þýðir 37%
aukningu landsframleiðslu 2012–2020,
sem þá yrði um 2 .400 milljarðar kr . í
lok tímabilsins . Í því augnamiði að efla
erlendar fjárfestingar og til að uppræta
svartan markað með gjaldeyri afnam
borgaralega ríkisstjórnin gjaldeyrishöftin,
sem ríkisstjórn forræðisflokkanna hafði
síhert, í einni svipan, skömmu eftir valda-
töku sína . Gengið tók dýfu, en náði fyrra
stigi á þremur mánuðum og er nú, árið
2015, gengi bandaríkjadals um 100 kr og
evru um 120 kr . Þetta er sama hlutfall evru
og dollars og lagt var upp með í upphafi
evru um aldamótin 2000 og virðist vera
nálægt jafnvægi eftir miklar hremmingar
á evrusvæðinu og skipbrot einstaka ríkja .
Búizt er við hækkandi gengi íslenzku
krónunnar fram um 2020 vegna vaxandi
jákvæðs viðskiptajafnaðar við útlönd og
lækkandi skulda ríkisins við útlönd .
Verið er að virkja í Neðri-Þjórsá, og mun
orkan fara til álvers, sem verið er að reisa við
Þorlákshöfn .
Einnig hafa náðst samningar um orku-
sölu til álvers í Helguvík frá Hitaveitu
Suður nesja og Hitaveitu Reykjavíkur í
þremur 150 MW áföngum .
Rannsóknir standa yfir af fullum krafti
á orkuöflun á Norðausturlandi til iðjuvera
á Bakka við Húsavík . Komið hefur fram
tillaga um að virkja Jökulsá á Fjöllum án
þess að breyta útliti Dettifoss . Verður kosið
um þessa tillögu í þjóðaratkvæðagreiðslu
árið 2015 . Álver á Bakka er áformaður orku-
kaupandi, sem einnig mun kaupa raforku
frá jarðvarmavirkjunum á Norðaustur landi;
í Bjarnarflagi, á Þeistareykjum og í Kröflu,
en Jökulsárvirkjunin verður kjölfestan .
Í Straumsvík er gjörnýting framleiðslu-
tækjanna að ná endapunkti . Einn ker skál -
anna þriggja hefur verið lengdur og straum-
ur í öllum kerskálunum hækkaður um
43% eftir um 500 milljóna bandaríkjadala
(MUSD) fjárfestingar, sem einnig voru til
að auka verðmæti afurð anna per tonn . Með
hátækni og góðri stjórnun er fram leiðslan
hámörkuð á gömlu verk smiðju lóðinni .
Heildarframleiðsla áls í landinu er árið
2015 áætluð að ná 1,7 milljónum tonna árið
2020 . Álverð hefur farið stöðugt hækkandi
vegna eftirspurnaraukningar frá Kína og
Indlandi og öðrum vaxandi mörkuðum og
lokunar úreltra álvera víðs vegar um heiminn,
þar sem hátt orkuverð, mengunarákvæði og
koltvíildisgjald hafa gert þeim ókleift að
standast samkeppni . Íslenzku álverin eru
tæknilega í fremstu röð og njóta aðgangs að
endurnýjanlegum og tiltölulega hreinum
orkulindum . Þau standa þess vegna sterkt
að vígi í alþjóðlegri samkeppni . Árið 2015
er álverð á LME (London Metal Exchange)
komið upp í 3100 USD/t (bandaríkjadali á
tonn), og spáð er verðinu 3700 USD/t árið
2020 . Verðið til íslenzkra álvera er hærra
vegna virðisaukningar í framleiðsluferlinu
og gæti þá numið 4000 USD/t árið 2020 .
Þetta jafngildir þá útflutningsverðmætum
áls um 6,8 milljörðum bandaríkjadala eða
680 milljörðum kr árið 2020 . Viðkomandi
sveitarfélög, ríkissjóður og hagkerfið allt
njóta góðs af .