Þjóðmál - 01.06.2014, Blaðsíða 46
Þjóðmál SUmAR 2014 45
öllum sveitarfélögum . Að hugsa sér ef
framtakssamir einstaklingar gætu látið til
sín taka á þessum sviðum og fleirum! Af
hverju sættum við okkur við stöðnun þegar
hið opinbera leggur kaldan og þungan
skrokk sinn ofan á einhvern reksturinn en
krefjumst þess um leið að tölvur og símar
tvöfaldist í hraða á 18 mánaða fresti? Erum
við svona samdauna kerfinu? Er eitthvað
ímyndað öryggi í ríkisrekstrinum sem deyf-
ir allar okkar taugar, gerir okkur metn-
aðarlaus og sviptir okkur öllum kröfum?
Tilraunastarfsemi í umhverfi bullandi
samkeppni sveitarfélaga þyrfti raunar
ekki að hafa nein takmörk . Sum myndu
e .t .v . prófa að einkavæða allar göturnar á
meðan önnur hækkuðu skatta til að reisa
rándýr umferðarmannvirki . Sum myndu
reyna að höfða til fólks á eftirlaunum sem
á bæði sparnað og frítíma og áhuga á að
nýta hvort tveggja sem best, og önnur til
útvegsfyrirtækja í leit að góðri hafnaraðstöðu
og samgöngum . Sum sveitarfélög hefðu
strangar reglur um útlit bygginga til að höfða
til fólks sem vill að allt sé í stíl, á meðan
önnur leyfðu blöndu af allskyns húsnæði og
allt í bland — iðnfyrirtæki, íbúðarhúsnæði
og verslanir . Sum myndu einfaldlega halda
að sér höndum, skipta sér af engu og lengja
sumarfrí sveitarstjórnarmanna að jólafríinu
eða minnka vinnuhlutfall þeirra niður í
15% .
Möguleikarnir eru óendanlegir en lög-
gjöfin kemur í veg fyrir að þeir séu skoðaðir .
Við skiptum hiklaust um matvöruverslun,
skóbúð, hárgreiðslustofu og gleraugnasala
og þrýstum þannig á gríðarlega samkeppni,
úrval og keppni í að veita sem besta þjónustu
fyrir sem lægst verð . Er ekki kominn tími
til að virkja hið íslenska aðhald á hinn
opinbera rekstur? Er ekki kominn tími til
að íslenskir sveitarstjórnarmenn finni fyrir
álaginu sem stjórnendur einkafyrirtækja
finna fyrir á hverjum degi — því sem
fylgir því að geta hugsanlega misst alla
viðskiptavini sína á morgun ef þeim er ekki
sinnt í dag? Til þess þarf eingöngu að breyta
íslenskum landslögum og það getur Alþingi
gert á skömmum tíma . Ferlið gæti hafist á
morgun!
Ísland — sveitarfélag í ESB?
Berum þessar vangaveltur saman við raun veruleikann sem blasir við í
Evrópu . ESB líkist alltaf meira og meira
sam bandsríki, og öfl innan þess vinna
raunar að því að gera sambandið að einu
slíku . Mikil völd eru í höndum ókjörinna
embættismanna . Bókhaldið hefur ekki
verið undirritað af endurskoðendum sam-
bands ins sjálfs í tæp 20 ár í röð . Starfsmenn
sam bandsins búa skattfrjálst í dýrustu hverf-
um Brussel, oft fjarri daglegu lífi annarra
íbúa borgarinnar . Seðlabanki sambands ins
E r ekki kominn tími til að virkja hið íslenska aðhald á
hinn opinbera rekstur? Er ekki
kominn tími til að íslenskir
sveitarstjórnarmenn finni
fyrir álaginu sem stjórnendur
einkafyrirtækja finna fyrir á
hverjum degi — því sem fylgir
því að geta hugsanlega misst
alla viðskiptavini sína á morgun
ef þeim er ekki sinnt í dag? Til
þess þarf eingöngu að breyta
íslenskum landslögum og það
getur Alþingi gert á skömmum
tíma . Ferlið gæti hafist á
morgun!