Þjóðmál - 01.06.2014, Blaðsíða 20
Þjóðmál SUmAR 2014 19
sígildum bókmenntum og fór þá að safna
bókum . Jafnframt heillaðist ég ungur af
klassískri tónlist . Áhuginn á myndlist fylgdi
svo í kjölfarið . Ég var kominn á kaf í þetta
allt saman á menntaskólaárum mínum —
las mikið, fór oft í leikhús og sótti mynd-
listarsýningar .
Eftir að ég lauk námi í hagfræði og hóf að
vinna fyrir mér fór ég svo smám saman að
fikra mig áfram í söfnun myndlistarverka
sem ég heillaðist af . Núna er þetta orðið
geysistórt safn . Hluti af því er hérna í hús-
inu, en önnur verk í minni eigu prýða
heimili mitt og einnig hef ég lánað fjöl-
skyldu og vinum listaverk .
Mér finnst meira spennandi að safna
samtímalist en klassískum verkum . Því að
þá þekkir maður sjálfur umhverfið sem
verkin eru sprottin úr og kemst líka í kynni
við listamennina . Maður getur fylgst með
þeim, hvernig þeir móta hugmyndir sínar
og hvernig túlkun þeirra þróast með tíð og
tíma . Það er mjög skemmtilegt .
Þrátt fyrir að vera mikill unnandi klass-
ískra lista og bókmennta, hrífst ég af menn-
ingarlegri róttækni og kann vel að meta
listamenn sem ögra fortíðinni .
Ég er t .d . gífurlega hrifinn af fúnkisstíl í
bygg ingarlist eins og þessu húsi okkar hér
í Garðastrætinu, en í fúnkisstílnum fólst
andsvar við fortíðinni, klassískri bygg ingar-
list . Húsið nýtist mjög vel, svo sem búast
má við af húsi í fúnkis stíl, og hentar einkar
vel fyrir myndlistarsýningar því að gluggar
eru svo fáir .
Salurinn á jarðhæðinni er hugsaður bæði
sem sýningar- og fyrirlestrarsalur . Þar komast
um 90 manns í sæti . Þarna höfum við haft
Myndirnar á opnunni eru úr Gallerí GAMMA í Garðastræti 37 . Á
veggjum eru myndverk á pappír eftir Kristján Davíðsson . Til hægri
er forsíðumynd glæsilegrar sýningarskráar sem gefin var út í tilefni
sýningarinnar . Þar eru birtar nokkrar myndir af verkunum og stuttar
ritgerðir eftir Aðalstein Ingólfsson um listamanninn og myndirnar á
sýningunni .
Ljósm
.: K
ristinn Ingvarsson