Þjóðmál - 01.06.2014, Blaðsíða 8

Þjóðmál SUmAR 2014 7
Dags B . um að hann ætli aðeins að helga
sig borgarmálum en yfirlýsingar Ingibjargar
Sólrúnar árið 2002 .
Ef til vill verður valin sama leið og fyrir 12
árum og efnt til skoðanakönnunar sem sýnir
hve menn bera lítið traust til forystu Árna
Páls en mikið til Dags B . Líklegt er að þessi
atburðarás hefjist fyrr en síðar . Miklu skiptir
að ekki hafi komið í ljós að Samfylking unni
er um megn að standa við loforð sitt um
2 . 500 til 3 .000 leiguíbúðir áður en Dagur
B . tekur af skarið um flokksformennsku .
III .
Fyrir kosningarnar sögðu þeir sem mest skrifuðu um þær að sjálfstæðismenn
yrðu að hefja það sem kallað var „nafla-
skoðun“ yrðu úrslitin jafnslæm og niður-
stöður skoðanakannana í Reykjavík gáfu
til kynna . Úrslitin eru aðeins betri en
verstu kannanir sýndu, flokkurinn hlaut
tæplega 26% fylgi og fjóra menn . Nú munu
umræður um þörf „naflaskoðunarinnar“
innan Sjálfstæðisflokksins fá inntak . Verður
forvitnilegt að fylgjast með hver hefur
frumkvæði að þeim .
Þegar Sjálfstæðisflokkurinn þótti standa
illa undir lok áttunda áratugarins beitti
Heimdallur, félag ungra sjálfstæðismanna,
sér fyrir umræðufundi og síðan útgáfu
bókarinnar Uppreisn frjálshyggjunnar . Hún
kom út um svipað leyti og Margaret Thatcher
náði völdum í Bretlandi og Ronald Reagan
í Bandaríkjunum . Bæði voru þau fulltrúar
róttækra breytinga innan eigin landa og á
alþjóðavettvangi .
Um þessar mundir eru 35 ár liðin frá því
að Sjálfstæðisflokkurinn var trekktur upp af
frjálshyggjunni . Nú er þörf á sambærilegu
átaki til að efla flokkinn og laga stefnu hans
að nýjum tímum og viðfangsefnum . Til að
viðhalda sama grunnstefi og dugað hefur
flokknum í 85 ár verður einstaklingsf ramtak
og sjálfstæði þjóðarinnar haft að leiðar ljósi .
Sjálfstæðisflokkurinn sýndi frábæran
styrk víða í sveitarstjórnarkosningunum . Í
mörg um bæjarfélögum nýtur hann forystu
öflugs leiðtoga samhents hóps, þó hvergi
eins og í Vestmannaeyjum þar sem Elliði
Vignis son leiddi hann til tæplega 75%
sig urs . Í nágrannabyggðum Reykjavíkur
eru sjálfstæðismenn í meirihluta eða for-
ystu flokkur vegna mikils atkvæðastyrks .
Hið sama á við um Árborg, Hveragerði
og Akranes, sjálfstæðismenn eru þar með
hreinan meirihluta .
Þegar Sjálfstæðisflokkurinn þótti standa illa undir lok
áttunda áratugarins beitti Heim-
dallur, félag ungra sjálfstæðis-
manna, sér fyrir umræðufundi
og síðan útgáfu bókarinnar
Uppreisn frjáls hyggjunnar . Hún
kom út um svipað leyti og
Margaret Thatcher náði völdum
í Bretlandi og Ronald Reagan í
Bandaríkjunum . . . Um þessar
mundir eru 35 ár liðin frá því að
Sjálfstæðisflokkurinn var trekktur
upp af frjálshyggjunni . Nú er þörf
á sambærilegu átaki til að efla
flokkinn og laga stefnu hans að
nýjum tímum og viðfangsefnum .
Til að viðhalda sama grunnstefi
og dugað hefur flokknum í 85
ár verður einstaklingsframtak
og sjálfstæði þjóðarinnar haft að
leiðarljósi .