Tímarit Máls og menningar - 05.06.2001, Blaðsíða 27

bls. 27
Samræðan fór fram í Kaffileikhúsinu miðvikudaginn 2. maí 2001. Þátttakendur voru Guðmundur E. Sigvaldason,
jarðfræðingur, Halldór Ásgeirsson, myndlistarmaður, Pétur Gunnarsson, rithöfundur, og Þóra Ellen
Þórhallsdóttir, grasafræðingur, auk Þorvarðar Árnasonar, náttúrufræðings og kvikmyndagerðarmanns, sem
stýrði umræðunum og annaðist jafnframt gerð þessarar samantektar.
Þorvarður: Í upphafi langar mig til að forvitnast um
skoðanir ykkar á því hvort umhverfisvitund og
náttúrusýn Íslendinga hafi á einhvern hátt breyst á
allra síðustu árum – einkum þá hvort þjóðin sé orðin
„náttúruvænni“ en áður, eins og iðulega heyrist
sagt í fjölmiðlum. Ef þið eruð sammála þeirri
fullyrðingu, þá væri einnig fróðlegt að vita hvort þið
telduð ykkur geta rakið tilurð þessarar (meintu)
vitundarvakningar til einhvers sérstaks atburðar eða
e.t.v. einhverra tiltekinna umbreytinga sem íslenskt
samfélag er eða hefur verið að ganga í gegnum?
Þóra Ellen: Ég kýs að svara þessu bæði játandi og
neitandi. Ég var nýlega á fundi austur í Árnesi þar
sem verið var að ræða, enn eina ferðina, um virkjun
í Þjórsárverum. Ef ég ber umræðuna á þeim fundi
saman við umræðuna fyrir einum tíu árum, þá hefur
þar orðið gífurleg breyting – það er ekki hægt að
bera þetta tvennt saman, umræðan er komin á allt
annað plan. Grundvallarsjónarmið náttúruverndar
eru núna viðurkennd en voru það alls ekki fyrir
„... alveg yndislegt eldgos!“
Hringborðsumræður um náttúru, vísindi og listir
Þorvarður Árnason
tmm júní 22x27 Ó 5.6.2001 19:57 Page 27