Bjartur og frú Emilía: tímarit um bókmenntir og leiklist - 01.04.1995, Page 69
BRÉF FRÁ MANNl
TIL MANNS
Þú skrifar að þú sért kvíðinn vegna þess að þú hafir enga stöðu og að þú
óttist að sjá engan aur á næstunni. Ég er dálítið eldri en þú og get því miðl-
að af reynslu minni. Þú hefur ekkert að óttast. Vertu ekki að brjóta heilann
urn hlutina. Ef þú líður skort skaltu vera stoltur að mega gera það. Þú skalt
haga lífi þínu þannig að þér nægi súpuskál, brauðsneið og vínglas til að lifa.
Það er vel hægt. Reyktu ekki því það veikir þig líkamlega og þú mátt síst
við því. Þú stendur andspænis óhugnanlega miklu frelsi. Jörðin ilmar allt í
kringum þig, hún tilheyrir þér, hún vill tilheyra þér. Njóttu hennar. Þeir sem
alltaf eru hræddir geta ekki notið neins. Sem sé, burt með alla hræðslu.
Vertu ekki ruddalegur og formæltu ekki nokkrum manni, ekki einu sinni
versta illmenni. Reyndu að sýna ástúð þegar aðrir, veikari og ekki jafnyfir-
vegaðir, myndu hata. Þér er óhætt að trúa mér þegar ég segi: Hatrið tortímir
sál mannsins. Þú skalt láta þér þykja vænt um allt og alla. Það sakar engan
að vera eyðslusamur á þessu sviði. Farðu snemma á fætur á morgnana, sittu
sem minnst, sofðu hratt og örugglega. Það er hægt. Ef þér finnst of heitt úti
skaltu ekki hugsa alltof mikið um það heldur láta eins og þú takir ekki eftir
því. Ef þú skyldir ganga fram á vatnslind í skóginum máttu ekki gleyma að
drekka úr henni. Ef þér er boðið eitthvað kurteislega skaltu þiggja það kurt-
eislega. Reyndu sjálfan þig reglulega, reiknaðu með þér og berðu hlutina
undir eigið hyggjuvit fremur en að leita til lærðra manna. Forðastu lærða
menn því þeir eru með örfáum undantekningum hjartalausir. Skapaðu þér
sem oftast tækifæri til að grínast og hlæja. Það hefur eftirfarandi í för með
67