Morgunblaðið - 12.11.2015, Blaðsíða 14

14 FRÉTTIRInnlent
MORGUNBLAÐIÐ FIMMTUDAGUR 12. NÓVEMBER 2015
Kristján H. Johannessen
khj@mbl.is
Í frumvarpi til fjáraukalaga er lagt
til rúmlega 1,1 milljarðs króna við-
bótarframlag til að standa straum af
uppsöfnuðum halla þjónustuliðar
Vegagerðarinnar í ársbyrjun 2015,
en verulegur halli hefur verið á þess-
um lið undanfarin ár og skýrist hann
fyrst og fremst af hallarekstri
vetrarþjónustu Vegagerðarinnar.
„Síðustu þrír vetur hafa verið
mjög erfiðir og því dýrir þegar kem-
ur að vetrarþjónustunni,“ segir G.
Pétur Matthíasson, upplýsinga-
fulltrúi Vegagerðarinnar.
Árið 2009 nam kostnaður við
vetrarþjónustu Vegagerðarinnar
1.817 m.kr., 1.604 m.kr. árið 2010,
2.172 m.kr. árið 2011, 2.373 m.kr. árið
2012, 2.595 m.kr. árið 2013 og 3.032
m.kr. árið 2014. Á yfirstandandi ári
er kostnaður vegna þessa áætlaður
nærri 3,6 milljörðum króna.
Halli þrátt fyrir aðgerðir
„Á síðustu árum hefur þurft að
verja umtalsverðum fjármunum til
að koma til móts við kostnað við vetr-
arþjónustu Vegagerðarinnar um-
fram fjárheimildir. Í fjáraukalögum
ársins 2013 var 700 m.kr. fjárheimild
veitt í þennan lið auk þess sem flutt-
ar voru 500 m.kr. af framkvæmdalið,
eða samtals 1.200 m.kr., en engu að
síður varð niðurstaðan sú að í árslok
stóðu eftir 900 m.kr. umframgjöld,“
segir í áðurnefndu frumvarpi til fjár-
aukalaga.
Í fjáraukalögum 2014 voru samtals
1.150 m.kr. viðbótarframlög veitt
vegna þjónustunnar og 420 m.kr.
framlag árið 2012 vegna halla á vetr-
arþjónustunni það ár. Í frumvarpi til
fjárlaga 2016 er gert ráð fyrir 800
m.kr. hækkun á framlagi vegna vetr-
arþjónustunnar.
„Verið er að endurskoða fyrir-
komulag snjómoksturs og umfang
þjónustustigsins þannig að sú 800
m.kr. viðbótarfjárveiting sem þar um
ræðir nægi til að halda þjónustulið
Vegagerðarinnar innan fjárlaga,“
segir einnig í frumvarpinu.
Veður, salt og aukin þjónusta
Aðspurður segir G. Pétur fyrst og
fremst hægt að kenna erfiðu tíðarfari
um aukinn kostnað í tengslum við
vetrarþjónustuna. „Veðurfarið hefur
náttúrulega mikið að segja en einnig
hefur salt hækkað nokkuð í verði,“
segir hann og heldur áfram: „Þetta
er, að einhverju leyti, einnig komið til
vegna aukinnar þjónustu af okkar
hálfu, en fyrst eftir hrun drógum við
aðeins úr henni, þ.e. að á sumum
stöðum var veitt þjónusta í sex daga í
stað sjö. Og erum við nú komin aftur
í sjö daga þjónustu víðast hvar,“ seg-
ir G. Pétur.
Viðvarandi halli á vetrarþjónustu
 Lagt er til í frumvarpi til fjáraukalaga rúmlega 1,1 ma.kr. viðbótarframlag vegna uppsafnaðs
halla í þjónustulið Vegagerðarinnar  Skuldinni er skellt á erfiða og snjómikla vetur undanfarin ár
Morgunblaðið/RAX
Vetrarumferð Dagar koma þegar ökumenn reiða sig á snjómokstur og hálkuvarnir, en þjónustan kostar sitt.
Einar Pálsson, deildarstjóri hjá
Vegagerðinni, segir þá ökumenn
sem sjá um hálkuvarnir og snjó-
mokstur á vegum landsins nota
á bilinu 10.000 til 18.000 tonn
af salti hvern vetur, en saltið er
að mestu flutt inn frá Spáni.
„Það fer mjög mikið eftir ár-
ferði en við leggjum mikið upp
úr því að þróa með okkur tækni
sem gerir okkur kleift að lág-
marka notkun á salti,“ segir
hann og kemur saltpækill þar að
góðum notum. „Hann gagnast
vel á haust- og vordögum.“
Þá eru margir snjómoksturs-
bílar á höfuðborgarsvæðinu
búnir svokölluðum sprautu-
greiðum sem sprauta saltpækli
beint niður á akbrautir. Undir
greiðunum má svo finna dreifi-
diska með salti, en aðferð þessi
dregur nokkuð úr kostnaði og
hámarkar um leið nýtni að sögn
Einars.
Þessu til viðbótar verða snjó-
moksturstæki á suðvesturhorn-
inu í fyrsta sinn búin hliðar-
vængjum í vetur, en með þeim
tekur snjóhreinsun minni tíma
auk þess sem snjórastir mynd-
ast síður á akreinum.
Pækill, salt
og vængir
ÝMSAR AÐFERÐIR NÝTTAR
„Ég held að það sé engin spurning að
þetta blæs okkur starfsfólkinu von í
brjóst og þetta er mjög mikilvæg
þjónusta og gerir spítalanum kleift
að einbeita sér betur að því sérhæfða
hlutverki sem hann hefur,“ sagði
Páll Matthíasson, forstjóri Landspít-
alans, í samtali við mbl.is í gær þegar
fyrsta skóflustungan var tekin að
nýju sjúkrahóteli sem rísa mun á
opnu svæði á milli Barnaspítala
Hringsins og kvennadeildar Land-
spítalans við Hringbraut. Stefnt er
að því að taka bygginguna í notkun
árið 2017 en áætlað er að hún kosti
um 1,8 milljarða króna.
„Hægt verður að útskrifa fólk fyrr
og þetta er einnig mikilvægur hlekk-
ur í þjónustu okkar við landsmenn
alla því þeir eiga þá auðveldara með
að leita sér lækninga hér á Landspít-
alanum – því við erum þjóðarsjúkra-
hús,“sagði Páll jafnframt.
75 herbergi í 4.000 fermetrum
Kristján Þór Júlíusson heilbrigð-
isráðherra tók skóflustunguna í gær
og skrifaði einnig undir samning um
byggingu hótelsins.
Samningurinn er milli NLS Saga,
sem var lægstbjóðandi í verkið, og
hlutafélagsins Nýr Landspítali ohf.
Áætluð heildarstærð sjúkrahótels er
um 4.000 fermetrar.
Sjúkrahótelið verður fjórar hæðir
og kjallari. Hótelið mun tengjast
barnaspítala og kvennadeild um
tengigang og í því verða 75 herbergi.
Framkvæmdirnar munu hefjast
fljótlega á lóð spítalans en í fyrstu er
um að ræða gerð bráðabirgðabíla-
stæða á svæðinu sunnan við aðal-
byggingu Landspítalans. Þessari
framkvæmd verður lokið um miðjan
desember. Aðalhönnuður sjúkrahót-
elsins er KOAN-hópurinn en for-
hönnun, skipulagsgerð, hönnun
gatna og lóðar er unnin af Spítala-
hópnum. Húsið verður prýtt með
steinklæðningum, listaverki eftir
Finnboga Pétursson myndlista-
mann.
Í gær voru opnuð tilboð í umsjón
og eftirlit með framkvæmdum við
byggingu sjúkrahótelsins. Fimm til-
boð bárust í eftirlitið og var lægsta
tilboðið frá Verkís hf.
Búið að taka ákvörðunina
Kristján Þór á von á því að um-
ræða um staðsetningu sjúkrahússins
muni lifa áfram og undir það tók Páll
Matthíasson. „Við höldum ótrauð
áfram því við megum engan tíma
missa og við þurfum að reisa þessar
nýbyggingar á landspítalalóð sem
allra fyrst og þetta er mikilvægur
áfangi á þeirri leið.“
Dagur B. Eggertsson borgarstjóri
var einnig á svæðinu og sagði þetta
afgerandi skref; framkvæmdir væru
hafnar, mikil vinna lægi þar að baki
og framtíðin væri fram undan.
Ekki eru allir sammála því að
hefja eigi framkvæmdir á þessum
stað og hefur Sigmundur Davíð
Gunnlaugsson forsætisráðherra lýst
sig andvígan því ásamt samtökunum
Betri spítali.
„Hvenær hefur ríkt fullkomin sátt
um húsbyggingu á Íslandi? Í mínum
huga er eðlilegt að það séu skiptar
skoðanir um stór mannvirki og stór
áform en það er búið að taka ákvörð-
un og stefnan liggur fyrir,“ sagði
Kristján Þór. Bygging sjúkrahótels-
ins væri mikilvægt skref í endur-
reisn íslensks heilbrigðiskerfis.
Stórt skref í endurreisn
heilbrigðiskerfisins
 Fyrsta skóflustungan að sjúkrahóteli á lóð Landspítalans
Morgunblaðið/Eva Björk
Áfangi Kristján Þór Júlíusson heilbrigðisráðherra mundar skófluna á lóð
Landspítalans í gær að viðstöddu fjölmenni. Þarna mun sjúkrahótel rísa.
Evonia er hlaðin bæti-
efnum sem næra hárið
oggeraþaðgróskumeira.
Myndirnar hér til hliðar
sýna hversu góðum árangri
er hægt að ná með Evonia.
Evonia
www.birkiaska.isFyrir Eftir
Evonia eykur
hárvöxt með því
að veita hárrótinni
næringu og styrk.
Bætiefni ársins í Finnlandi 2012.
Skeifan 8 | 108 Reykjavík | sími 517 6460 | www.belladonna.is
Nýjar vörur í hverri viku