Morgunblaðið - 12.11.2015, Blaðsíða 36

36 FRÉTTIRInnlent
MORGUNBLAÐIÐ FIMMTUDAGUR 12. NÓVEMBER 2015
www.smyrilline.is
Stangarhyl 1 · 110 Reykjavík
Sími: 570-8600 · info@smyril-line.is
Fjarðargötu 8 · 710 Seyðisfjörður
Sími: 472-1111 · austfar@smyril-line.is
Norræna siglir
í allan vetur
Bókaðu
núna!
Norræna siglir vikulega yfir vetrartímann frá Seyðisfirði til Færeyja og
Danmerkur. Hægt er að bóka ferðir í allan vetur á frábæru verði.
Þeim sem bóka sig er sérstalega bent á að kynna sér vel aukaskilmála vegna vetrarsiglinga.
Færeyjar
2 fullorðnir með fólksbíl
Netverð
á mann frá 34.500
Danmörk
2 fullorðnir með fólksbíl
Netverð
á mann frá 74.500
VIÐTAL
Viðar Guðjónsson
vidar@mbl.is
Ferðaskrifstofa Íslands, sem rekur
bæði Úrval-Útsýn og Sumarferðir,
þurfti líkt og mörg önnur fyrirtæki
að draga saman seglin í efnahags-
þrengingum undanfarinna ára.
Landinn er hins vegar orðinn ferða-
þyrstur að nýju ef marka má eft-
irspurn eftir ferðum til útlanda að
sögn Þórunnar Reynisdóttur, for-
stjóra fyrirtækisins. Þórunn tók við
starfinu í júní en alls hefur hún starf-
að í 35 ár í ferðaþjónustu, bæði á Ís-
landi og í Bandaríkjunum. Hún flutti
aftur hingað til lands árið 2011 eftir
sex ár ytra.
Þrír og hálfur milljarður í veltu
Ferðaskrifstofa Íslands er stærri
en margan grunar. Þar starfa um 30
manns í föstu starfi auk þess sem
fólk sinnir t.a.m. fararstjórn í sér-
ferðum. Velta fyrirtækisins er að
sögn Þórunnar um 3,5 milljarðar ár-
lega auk þess sem eigið fé er um 700
milljónir. „Við finnum fyrir því nú
síðari hluta árs að það er merkjanleg
breyting varðandi það að fólk er að
ferðast mun meira utan en það gerði.
Sérstaklega þegar kemur að sérferð-
um á borð við skíði og siglingar. Nú
berst aftur mikið af fyrirspurnum frá
stórum fyrirtækjahópum og ég tengi
það við að betur gangi efnahags-
lega,“ segir Þórunn. Fyrirtækið hef-
ur leitað fleiri áfangastaða, í ljósi
þeirrar sprengingar sem orðið hefur
í áætlunarflugi til Íslands. Eins og
sakir standa fljúga um 22 flugfélög
til Íslands. „Við höfum t.d. unnið með
Luxair í ár og á næsta ári munum við
starfa með þeim áfram á okkar vin-
sælustu stöðum, Mallorca og Al-
mería. Þetta er breytt umhverfi hér
á landi, að geta valið úr fjölda flug-
félaga […], jafnvel til nýrra áfanga-
staða sem við hefðum ekki getað látið
okkur dreyma um hér áður. Þessi
samkeppni flugfélaganna veitir okk-
ur betri möguleika á því að leita hag-
stæðustu kjara fyrir viðskiptavini
okkar,“ segir Þórunn. Fyrirtækið er
eitt þeirra sem sett hafa sportferðir á
oddinn. Segir Þórunn að nú þegar
séu margir farnir að spyrja um EM í
knattspyrnu næsta sumar, þar sem
Ísland á sæti, þrátt fyrir að ekki
verði dregið í riðla fyrr en 12. desem-
ber næstkomandi. „Þá ríður á að
vera fljótur og við erum með mjög
reynt lið í sportdeildinni sem mun út-
búa pakkaferð því tengda.“
Ekki á undanhaldi
Hún segist að sjálfsögðu vonast til
þess að hvers kyns hópar leiti til
ferðaskrifstofunnar. „Það halda
margir að ferðaskrifstofur séu á und-
anhaldi, en það er alls ekki svo; vöxt-
ur þeirra hefur haldist í hendur við
vöxt ferðaþjónustunnar. Við erum
sérfræðingar og getum aðstoðað fólk
í þessum frumskógi.
Það getur verið mikill sparnaður í
kostnaði, tíma og öryggi að fara í
gegnum ferðaskrifstofu, það er mín
reynsla,“ segir Þórunn.
Þórunn starfaði hjá Icelandair í 25
ár auk þess sem hún rak Avis-
bílaleigu og starfaði sem forstjóri hjá
ferðaheildsala í Bandaríkjunum.
Hún segir margt hafa breyst á land-
inu og einnig afstaða Íslendinga
gagnvart ferðaþjónustu á þessum
tíma.
„Þetta er frábær tími fyrir Íslend-
inga. Ég átti í miklum erfiðleikum
með að selja Ísland sem áfangastað í
Ameríku árið 2005 því þá var gengið
svo hátt. Ég hef áhyggjur af því ef
gengið fer á annan veg núna fyrir ís-
lenska ferðaþjónustu þar sem um
miklar fjárfestingar er að ræða en
við höfum verið heppin með gengið
og umfjöllun að undanförnu og spilað
vel úr því sem heild, að mínu mati,“
segir Þórunn.
Landinn ferðaþyrstur á ný
 Samkeppni flugfélaga gerir mögulegt að bjóða betri kjör  Ferðaskrifstofur sinna áfram mikil-
vægu starfi  Þórunn Reynisdóttir með 35 ára starfsreynslu  „Frábær tími fyrir Íslendinga“
Morgunblaðið/Eva Björk
Í ferðaþjónustu í 35 ár Þórunn Reynisdóttir, forstjóri Ferðaskrifstofu Íslands, hefur starfað við ferðaþjónustu
í 35 ár. Þórunn segir að Íslendingar verði að hugsa um ferðaþjónustu eins og að um auðlind sé að ræða.
Ferðaskrifstofa Íslands Hjá fyrirtækinu starfa um 30 manns auk þess sem
fararstjórar sinna sérferðum á vegum þess til ólíkra áfangastaða.
Ferðaskrifstofa Íslands býður
upp á sérferðir, hópferðir, sólar-
landaferðir, borgarferðir og við-
skiptaferðir.
Sérferðir fyrirtækisins ná til
ólíkra tímabila en eru árið um
kring. Má þar m.a. nefna sigl-
ingar um grísku eyjarnar, Róm
og Aþenu annars vegar og V-
Karíbahaf og Orlando hins veg-
ar. Golfferðir eru til Tenerife og
Gran Canaria auk þess sem boð-
ið er upp á skíðaferð til Mad-
onnu á Ítalíu.
Meðal annarra áfangastaða
má nefna Suður-Afríku, Jerúsal-
em, Kambódíu og á Íslendinga-
slóðir í Vesturheimi. Þá eru
borgarferðir til Berlínar, Dublin,
Brighton og Heidelberg á dag-
skrá.
Frá Dublin
til Kambódíu
ÓLÍKT ÚRVAL Í BOÐI
Gamalgróin Ferðaskrifstofa ríkis-
ins stóð um tíma við Lækjartorg.
Ferðaskrifstofa Íslands var stofnuð
árið 1988 eftir að 2/3 hlutar fyrir-
tækisins voru seldir starfsmönnum.
Fyrirtækið á rætur að rekja til
Ferðaskrifstofu ríkisins, sem var
stofnuð árið 1936 og hafði einkaleyfi
til reksturs ferðaskrifstofu fyrir er-
lenda ferðamenn. Ferðaskrifstofan
var lögð niður árið 1939 en tekin upp
að nýju eftir seinni heimsstyrjöldina.
Einkaleyfið var tekið aftur árið 1964
en ferðaskrifstofan hélt áfram sölu
ferða til ferðamanna. Árið 1992 var
Ferðaskrifstofan að fullu einkavædd
eftir að hlutur ríkisins var seldur.
Úrval-Útsýn keypti svo Ferða-
skrifstofu Íslands áður en Sumar-
ferðir keyptu FÍ árið 2006. Ferða-
skrifstofa Íslands hefur rekið Úrval--
Útsýn og Sumarferðir frá þeim tíma.
Einnig ferðir til Íslands
Að sögn Þórunnar hefur fyrirtækið
hægt og bítandi tekið upp sölu ferða
til Íslands. Það er með nokkrar leigu-
vélar á sínum snærum sem fljúga til
Íslands á hverju ári. „Þetta eru stutt-
ar ferðir og við erum á þessum árs-
tíma að bjóða ferðamönnum að skoða
norðurljósin, Bláa lónið, Gullna
hringinn og annað. En svo erum við
líka með hringveginn og erum að
reyna að brjóta þetta svolítið upp
þannig að ekki séu allir á sama stað á
sama tíma,“ segir Þórunn.
Ferðamenn á vegum fyrirtækisins
koma frá Írlandi og Bandaríkjunum.
„Við erum jafnt og þétt sem fyrirtæki
að efla innanlandsdeild okkar og
stefnum á að styrkja okkur þar til
framtíðar. En við erum meðvituð um
að fara hægt og viljum ekki stækka of
hratt á innanlandsmarkaði enda telj-
um við það skynsamlegt. Öll ferða-
þjónustufyrirtæki þurfa að vanda sig.
Verslað er við stórfyrirtæki erlendis
sem eru vön ákveðnu þjónustustigi
alla leið. Við þurfum sem þjóð að
hugsa vel um áfangastaðinn Ísland
sem auðlind, eins og fiskinn okkar,“
segir Þórunn.
Mikilvægt að vanda
sig innanlands
 Rætur fyrirtækisins liggja til 1936