Morgunblaðið - 03.12.2015, Page 75

Hljóðfæri
Byggingavörur
Harðviður til húsabygginga
Sjá nánar á www.vidur.is
Vatnsklæðning, panill, pallaefni,
parket, útihurðir o.fl. Gæði á góðu
verði. Nýkomnar Eurotec A2 harð-
viðarskrúfur. Penofin harðviðarolía.
Indus ehf., Óseyrarbraut 2, Hf.
Upplýsingar hjá Magnúsi í símum
6600230 og 5611122.
Ýmislegt
Laugavegi 82,
á horni Barónsstígs
sími 551 4473
www.lifstykkjabudin.is
Kíktu á heimasíðuna
lifstykkjabudin.is
Mikið úrval
Póstsendum
Ullar- og
silkinær-
fatnaður
Góð jólagjöf
Smáauglýsingar
Ökukennsla
Vönduð, vel búin kennslubifreið
Subaru XV 4WD .
Akstursmat og endurtökupróf.
Gylfi Guðjónsson,
sími 6960042,
MORGUNBLAÐIÐ FIMMTUDAGUR 3. DESEMBER 2015
Elsku afi Ölli
hefur nú kvatt
okkur, söknuður-
inn er mikill en við
hlýjum okkur við margar og
góðar minningar. Við systkinin
vorum svo heppin að fá að vera
mikið hjá afa og ömmu þegar
við vorum yngri. Afi Ölli hafði
mikla þolinmæði fyrir okkur og
minnumst við þess ekki að
hann hafi skammað okkur,
nema kannski hann hafi hastað
á okkur ef við vorum með of
mikil læti þegar hann horfði á
fótboltaleiki í sjónvarpinu. En
það gerðist ekki oft, frekar að
hann hlægi að uppátækjum
okkar.
Kannski var ástæðan sú að
hann var svo mikið með okkur
þegar við vorum hjá þeim.
Hann passaði vel upp á að við
sinntum skólanum vel og fylgd-
ist áhugasamur með okkur
vinna heimanámið. Eitt sinn
þegar grunnskólakennarar fóru
í verkfall fengu Vala og Arna
að vera hjá þeim á meðan
mamma og pabbi voru í
vinnunni. Afi tók sig þá til og
setti upp afaskóla.
Þar voru skipulagðar
kennslustundir, frímínútur og
allt sem skólastarfi tilheyrir og
þegar verkfall leystist útskrif-
aði hann þær með skírteini.
Þannig var afi, hann gerði allt
af alvöru. Íþróttaáhugi okkar
systkinanna er örugglega að
miklu leyti frá afa og ömmu
kominn.
Þau kynntu okkur fyrir alls-
konar íþróttum og þegar fjöl-
skyldan kom saman var nánast
alltaf farið í einhverskonar
keppni, það gat verið fótbolti,
blak, keila eða botsía. Afi tók
okkur líka gjarnan með á völl-
inn hvort sem var á fótbolta-
eða handboltaleiki. Það var líka
mikið spilað í Kvistó og kenndi
afi okkur mörg spil.
Almarr var sá eini sem fékk
áhuga á skák og gátu þeir setið
löngum stundum við eldhús-
borðið og teflt. Það er samt
einn staður umfram aðra sem
við tengjum afa við, en það er
bílskúrinn hans. Það var hans
griðastaður og það leið örugg-
lega ekki sá dagur sem hann
skrapp ekki út í skúr að brasa
eitthvað á meðan heilsan leyfði.
Þar fengum við oft að brasa
með honum, skilyrðin sem hann
setti voru að maður átti að
ganga vel um og ganga frá eftir
sig enda vissi hann nákvæm-
lega hvar allt var í bílskúrnum.
Afi smíðaði, lagfærði og tálgaði
ýmislegt í skúrnum og það var
alltaf hægt að stóla á afa þegar
kom að fylgihlutum með ösku-
dagsbúningunum hvort sem um
var að ræða sjóræningjasverð,
skjöld eða töfrasprota, alltaf
gat afi reddað því.
Elsku afi, takk fyrir allt, við
lofum að passa vel upp á ömmu
fyrir þig.
Þín,
Erla, Almarr, Vala og Arna.
Örlygur Ívarsson, einn af
okkar bestu vinum, er fallinn
frá eftir langvarandi erfið veik-
indi. Okkar kynni hófust fyrir
um hálfri öld í Óðinsvéum í
Danmörku. Ég sá hann fyrst í
mannþröng fyrir utan fótbolta-
völlinn í bænum, dökkan á hár
og kvikan í hreyfingum, en
kunningi minn benti mér á að
þarna færi Íslendingur. Fljót-
lega hittumst við og kynni okk-
ar hófust.
Ekki leið á löngu þar til við
Örlygur Ívarsson
✝ Örlygur Ív-arsson fæddist
2. apríl 1931. Hann
lést 19. nóvember
2015.
Útför hans fór
fram 30. nóvember
2015.
hjónin treystum
hálfókunnugm
manninum til að
passa kornunga
dóttur okkar kvöld-
stund, á meðan við
skruppum í heim-
sókn. Fundum okk-
ar Svönu við Ölla,
eins og hann var
jafnan kallaður, og
Bryndísi fjölgaði,
þegar á leið dvölina
í Danmörku.
Við skiptumst á heimsóknum
og margt var spjallað og brall-
að og líka rædd málin í sam-
bandi við námið. Þau hjónin
settust tímabundið að í Borg-
arnesi, og síðan var flutt til Ak-
ureyrar, heimabæjar Bryndís-
ar. Ölla líkaði strax vel á
Akureyri og byggðu þau sér
mátulega stórt hús í Kvista-
gerði 6.
Þetta varð til þess að Ölli
varð harður Akureyringur, sem
jaðraði við Gaflara þeirra Hafn-
firðinga. Honum fannst á
stundum að of mikið væri látið
með Reykjavík.
Margar urðu ferðir okkar til
þeirra, sem alltaf voru tilhlökk-
unarefni. Gjarnan sest beint til
borðs í dansk frokost. Glatt
varð á hjalla, spilað brids, sem
Ölli var bestur í, og oftar en
ekki tekið lagið, t.d. „Ég vil
vitja þín æska“, sem Ölli vildi
syngja í Foster-stíl. Við fórum
saman í leikhús, sáum sýning-
ar, skoðuðum bæinn, næsta ná-
grenni o.m.fl., vorum bara tals-
vert menningarleg. Margar
voru ferðirnar, sem við fórum
saman til útlanda. Fjölmargar
til að hitta okkar dönsku skóla-
félaga, sem alla tíð hafa haldið
hópinn, sigling á Adríahafi með
stóru skemmtiferðaskipi og
ferð til Nottingham, þegar son-
ur þeirra var liðsmaður Nott-
ingham Forest. Margar fleira
mættti telja.
Akureyri er mikill íþrótta-
bær og ekki síst mikil rækt
lögð við fótboltann. Ölli var alla
tíð með brennandi fótbolta-
áhuga, enda sjálfur liðtækur og
eignuðust þau Bryndís afreks-
menn á því sviði og dóttirin frá-
bær í fimleikum. Ölli var virkur
í félagsstarfi tengdu knatt-
spyrnunni og lagði mikið af
mörkum í því sambandi.
Ölli hafði ákveðnar skoðanir
á hlutunum og færði sín rök
fyrir þeim. Rökfesta og útskýr-
ingar nýttust honum vel við
kennslu sem var hans aðalstarf
í mörg ár.
Hann var listrænn, eins og
fleiri í ættinni, handlaginn við
viðgerðir og smíðar auk þess að
vera menntaður járniðnaðar-
maður áður en hann fór í
tækninámið. Hann tálgaði ýsu-
bein svo úr urðu fuglar, gerði
allskyns litla listmuni, skreytti
sendibréf og kort og málaði
myndir.
Ölli var einstaklega barngóð-
ur maður. Við minnumst þess
sérstaklega þegar hann var að
útbúa litla pakka til að hengja á
jóladagatalið. Þetta kunnu þau
að meta og voru honum góð og
hjálpsöm alla tíð. Ekki er hægt
að ljúka þessu stutta ágripi
minninga um Ölla án þess að
lýsa aðdáun á umönnun og
þreki Bryndísar í um þau fjög-
ur ár sem hann þurfti á hjálp
og aðhlynningu að halda nótt
sem dag.
Hún fann það að hann vildi
helst vera heima og gerði hún
allt til þess að það gæti verið
svo.
Ölli hélt skýrri hugsun og
heyrn alveg fram undir það
seinasta, en sjónin var orðin
döpur. Samt er ekki langt síðan
hann sat inni í herberginu sínu
límdur við tölvuna að horfa á
fótbolta.
Ég reyndi að leggja eitthvað
til málanna en hann taldi mig
ekki hafa mikið vit á íþróttinni.
Við þökkum Ölla allar við-
burðaríkar samverustundir.
Guð blessi minningu hans.
Elsku Bryndís. Við sendum
þér og fjölskyldunni okkar inni-
legustu samúðarkveðjur.
Svanhildur (Svana)
og Steinn.
Við, fyrrverandi stjórnar-
menn í knattspyrnudeild KA
sem störfuðum með Örlygi Ív-
arssyni, Ölla, í stjórn deildar-
innar fyrstu árin eftir að farið
var að senda lið í nafni félags-
ins til þátttöku í Íslandsmótum,
söknum vinar í stað, en Ölli lést
hinn 19. nóvember. Hann hafði
átt við vanheilsu að stríða
nokkur ár, einkum síðustu fjög-
ur árin eftir að hann fékk al-
varlegt áfall og var bundinn við
hjólastól eftir það. Hann hélt
samt nánast óskertu minni en
örðugleikar við að tjá sig urðu
til þess að við höfðum ekki
samskipti við hann eins og vert
hefði verið.
Það gekk upp og ofan á
knattspyrnuvellinum þessi
fyrstu ár, liðið komst fljótlega í
efstu deild en náði ekki að festa
sig þar og sveiflaðist milli efstu
og næst efstu deilda uns kom
að stóru stundinni þegar KA
varð Íslandsmeistari 1989 og þá
voru synir Ölla og Bryndísar
konu hans, þeir Ormarr og Þor-
valdur, meðal burðarása liðsins
og áttu stóran þátt í árangri
liðsins.
Þessum glæsilega árangri
var fagnað í Kvistagerðinu sem
annars staðar, enda ótrúlega
góður árangur.
Við gömlu samstjórnarmenn
Ölla sendum Bryndísi, Ormari,
Þorvaldi, Hörpu Maríu og fjöl-
skyldum þeirra innilegar sam-
úðarkveðjur og vitum að minn-
ing um góðan dreng mun ylja
þeim um ókomin ár.
F.h. gömlu samstjórnar-
mannanna,
Gunnar Kárason,
Stefán Gunnlaugsson.
Kveðja frá Knatt-
spyrnufélagi Akureyrar
Örlygur Ívarsson, fyrrver-
andi formaður knattspyrnu-
deildar KA, lést þann 20. nóv-
ember sl. 84 ára að aldri.
Örlygur var stjórnarmaður í
knattspyrnudeild KA til fjölda
ára og gegndi hann þar flestum
stöðum, þar á meðal formanns-
stöðu.
Í raun má segja að hann hafi
verið í öllum embættum í stjórn
knattspyrnudeildar sem völ var
á á þessum árum. Heimili
þeirra hjóna, Örlygs og Bryn-
dísar Þorvalds, var um margra
ára skeið sem félagsheimili KA.
Ölli, eins og hann var kallaður,
var ætíð til í að leggja hönd á
plóg og seinni árin var hann
ekki síður til í að gefa góð ráð
er menn leituðu til hans.
Kær félagi er kvaddur með
virðingu og þökkum fyrir allt.
Hörpu þinnar, ljúfa lag
lengi finn í muna.
Því ég minnist þín í dag,
þökk fyrir kynninguna.
(Á.K.)
Knattspyrnufélag Akureyrar
vottar eftirlifandi eiginkonu
hans, Bryndísi Þorvaldsdóttur,
börnum þeirra og afkomendum
innilegustu samúð.
Hrefna Gunnhildur
Torfadóttir, formaður KA.
HINSTA KVEÐJA
Elsku langafi Ölli, við
söknum þín svo mikið. Þú
ert núna engill sem passar
upp á okkur og við skulum
passa langömmu fyrir þig.
Þín,
Karlotta Björk
og Heiðmar Tumi.