Morgunblaðið - Sunnudagur - 06.03.2016, Page 22

HÁLENDIÐ
22 MORGUNBLAÐIÐ SUNNUDAGUR 6.3. 2016
F
annborg ehf. hefur rekið
hálendismiðstöðina í Kerl-
ingarfjöllum í meira en
hálfa öld. Á fyrsta áratug
þessarar aldar gekk að-
staðan í endurnýjun lífdaga, húsa-
kostur var betrumbættur og gæði
gistingarinnar aukin. Á síðasta ári
var svo ný tuttugu herbergja bygging
tekin í notkun og nú geta allt að 150
manns gist í skálunum sem eru mis-
jafnlega stórir. Flest herbergin eru
með klósetti og sturtu.
Halldór Kvaran, stjórnarformaður
Fannborgar, og Páll Gíslason fram-
kvæmdastjóri segja þetta hluta af
mun stærri áætlun. Framkvæmdir
við nýja gistiálmu eru þegar hafnar
og í fyrsta áfanga á að byggja fjörutíu
ný tveggja manna herbergi, nýja
móttöku og nýjan aðalskála. Arkitekt
er Jón Stefán Einarsson á arkitekta-
stofunni Batterí og stefnt er að því að
álman verði komin í gagnið fyrir sum-
arið. Til stendur að byggja meira á
svæðinu en áður en af því getur orðið
þarf að fara fram umhverfismat. Búið
er að kynna drög að matsáætlun og
rann frestur til að gera athugasemdir
við hana út í byrjun síðasta mánaðar
og Halldór og Páll vonast til að um-
hverfismati verði lokið snemma á
næsta ári.
Vetrarumferð að aukast
Sumarið hefur löngum verið tíminn í
Kerlingarfjöllum en hægt og rólega
hafa menn líka verið að byggja upp
vetrarferðir. Fyrsti hópurinn kom
fyrir tveimur árum, í vetur er von á
fimm hópum og sex hópum næsta
vetur en ferðir af þessu tagi eru
gjarnan pantaðar með góðum fyrir-
vara. „Við höfum farið rólega af stað
en erum farnir að tala við fleiri og
fleiri aðila í ferðaþjónustunni og
sjáum ekki annað en góð framtíð sé í
þessum vetrarferðum,“ segir Páll.
Þeir segja Fannborg alla tíð hafa
lagt mikla áherslu á umhverfismál og
félagið sé í góðu samstarfi við Hruna-
mannahrepp. „Það skiptir öllu máli
fyrir rekstur eins og okkar að eiga
góð, greið og hreinskilin samskipti
við heimamenn á svæðinu,“ segir
Páll.
Nýlega var samningur milli þess-
ara aðila endurnýjaður til 25 ára, þar
sem Fannborg skuldbindur sig til að
hugsa vel um landið í Kerlingar-
fjöllum. Því meiri umferð, þeim mun
meiri þörf fyrir fyrirbyggjandi að-
gerðir. „Þetta er sjálfsagður og eðli-
legur hluti af samfélagslegri ábyrgð
okkar á svæðinu og felst meðal ann-
ars í því að setja upp brýr og merkja
gönguleiðir til að hlífa landinu. Þá
flokkum við allt sorp sem fellur til,“
segir Halldór en þess má geta að ekki
er yfir neina óbrúaða á að fara á
sumrin á leið upp í Kerlingarfjöll.
Páll bætir við að Fannborg hafi
einnig hreinsað mikið til á svæðinu,
meðal annars með því að láta fjar-
lægja gamlar og ónýtar girðingar á
Kili.
Eins nefna þeir félagar að Fann-
borg hafi haft frumkvæði að því að
stofna félag um verndun náttúrunnar
í Kerlingarfjöllum, og hafi í því sam-
bandi óskað eftir samstarfi við Land-
vernd og Hrunamannahrepp. Félagið
heitir Kerlingarfjallavinir og segja
þeir starf þess mikilvægt fyrir fjöllin.
Vegir þurfa að vera opnir
Fannborg hefur líka tekið þátt í að
opna Kjalveg á vorin, venjulega í lok
maí eða byrjun júní, enda segja Páll
og Halldór það hafa gríðarlega þýð-
ingu fyrir umgengni um landið að
vegir séu opnir og í lagi.
Þeir segjast ekki hafa áhyggjur af
átroðningi vegna mikillar fjölgunar
ferðamanna umfram það sem al-
mennt er í ferðaþjónustu á Íslandi.
Fannborg hefur búið að eigin
vatnsaflsvirkjun í Kerlingarfjöllum
frá árinu 1971. Virkjunin, sem er í sjö
hundruð metra hæð yfir sjávarmáli,
hefur nú gengið samfellt undanfarin
þrjú ár, að beiðni Neyðarlínunnar og
segir Páll samskiptabúnaðinn í Kerl-
ingarfjöllum hornstein varðandi sam-
skipti á Kjalarsvæðinu.
Halldór og Páll telja að Kerlingar-
fjöll séu með fjölbreyttari útivistar-
svæðum landsins. Fjöldi merktra
gönguleiða er á svæðinu, meðal ann-
ars hin vinsæla „Hringbraut“ sem er
47 km að lengd. „Við erum mjög stolt-
ir af þeirri leið enda liggur hún um
hverasvæði og útsýnið er ótrúlegt,
meðal annars frá Snækolli, sem hægt
er að tvinna inn í leiðina. Þar sést til
sjávar bæði norðan og sunnanmegin
lands,“ segir Halldór.
Hvar er betra að
enda en í hver?
Fjallaskíðamennsku hefur vaxið fisk-
ur um hrygg á Íslandi á liðnum miss-
erum og Halldór og Páll segja upp-
lagt að stunda það sport í
Kerlingarfjöllum. „Hvar er betra að
enda en í hver eftir góða skíðaferð?“
spyr Páll. Þá segja þeir vinsælt að
spóka sig á snjóþrúgum.
Umsvif Fannborgar í Kerling-
arfjöllum aukast jafnt og þétt. Páll
upplýsir að á síðasta ári hafi reikn-
ingur vegna gistingar verið skrif-
aður út í ellefu mánuðum af tólf. Það
var aðeins í maí sem allt var með
kyrrum kjörum í miðstöðinni vegna
vorleysinga. „Við erum komnir mjög
nálægt því að hagkvæmara sé að
hafa miðstöðina opna allt árið um
kring. Það fylgir því alltaf kostnaður
að opna hana í eitt og eitt skipti,“
segir Páll og bætir við að menn hafi
átt erindi í miðstöðina á að minnsta
kosti fimm til átta daga fresti í allan
vetur.
Þeir eru sammála um að fyrir
fáeinum árum hefði þótt galið að hafa
gistiaðstöðu í Kerlingarfjöllum opna
allt árið um kring en landslagið í ferða-
þjónustunni hafi einfaldlega breyst.
Ísland sé ekki aðeins að taka á móti
fleiri og fleiri ferðamönnum, heldur
hafi þeir líka ólíkar þarfir. Í því sam-
bandi geti hálendið hæglega heillað.
„Aðgengi í Kerlingarfjöllum er líka
gott, á sumrin er hægt að komast
þangað á hvaða bíl sem er. Á veturna
er það auðvitað snúnara en yfirleitt
hægt án vandræða,“ segir Páll
Að stækka Gullna hringinn
Ferðin í Kerlingarfjöll frá höfuð-
borgarsvæðinu tekur um tvo klukku-
tíma á sumrin en að jafnaði þrjá til
fimm tíma að vetri. Og mögulega
mun lengri tíma eftir færð. Halldór
og Páll minnast þess að hafa verið allt
að fjórtán tíma á leiðinni.
Halldór talar í þessu sambandi um
vilja Fannborgar til að stækka Gullna
hringinn. Eftir að hafa farið hinn
hefðbundna hring færi fólk þá út við
Gullfoss, þar sem Fannborgarmenn
tækju við því og ferjuðu það upp í
Kerlingarfjöll. Ferðin myndi þá taka
tvo daga í stað eins. „Það er eftir
miklu að slægjast enda allt öðruvísi
landslag þegar komið er inn á Kjöl.
Urð og grjót. Það heillar marga,“
segir Halldór og Páll bætir við að
upplagt sé að skoða norðurljósin á há-
lendinu án allrar ljósmengunar.
Sitthvað fleira er til skoðunar hjá
Fannborg en Páll leggur áherslu á,
að menn muni í engu fara sér óðslega.
„Við viljum stíga skrefin hægt en
örugglega og hafa fullan sóma af því
sem gert er.“
Morgunblaðið/RAX
Kerlingar-
fjöll í hvelli
Fannborg ehf., sem rekur hálendismiðstöðina í
Kerlingarfjöllum, er í sóknarhug. Verið er að bæta
og stækka gistiaðstöðuna enda fjölgar gestum
jafnt og þétt og dreifingin orðin meiri yfir árið.
Orri Páll Ormarsson orri@mbl.is
Halldór Kvaran, stjórnarformaður
Fannborgar og Páll Gíslason, fram-
kvæmdastjóri félagsins.