Morgunblaðið - Sunnudagur - 06.03.2016, Blaðsíða 46

LESBÓK Á laugardag lýkur á Brúðulofti Þjóðleikhússins sýningum á verkinuKlókur ertu, Einar Áskell, sem fjallar um góðvin margra íslenskra
barna, sem eflaust vildu mörg sjá þessa áhugaverðu sýningu.
Einar Áskell kveður
46 MORGUNBLAÐIÐ SUNNUDAGUR 6.3. 2016
Fyrri hálfleikurinn er búinn og hinn síðarirétt að hefjast. Þannig lýsir myndlist-armaðurinn Pétur Gautur þeim tíma-
mótum sem hann fagnar um helgina en Pétur
heldur upp á fimmtugsafmælið sitt með veg-
legri sýningu í Gallerí Fold.
„Mér fannst tilvalið að efna til þessarar sýn-
ingar núna og hafa hana örlítið öðruvísi en ég
er vanur,“ segir Pétur sem tekur tímamót-
unum með einstakri ró og yfirvegun.
„Á sýningunni er ég að horfa til allra átta ef
svo má að orði komast. Ég horfi fram á veginn
með nýjum verkum en líka aftur fyrir mig og
er með nokkur eldri verk á sýningunni einnig.
Tek t.d. gamalt myndefni og mála upp á nýtt.“
Elsta myndin á sýningunni segir Pétur að sé
frá annaðhvort 1994 eða 1995 en hann hélt sína
fyrstu sýningu árið 1993 og telur að hugs-
anlega sé elsta mynd þessarar sýningar jafn-
vel frá annarri eða þriðju sýningunni hans fyr-
ir meira en tuttugu árum.
„Það er dálítið skemmtilegt að segja frá því
að þetta gamla verk á örlitla samsvörun með
nýjustu verkum sýningarinnar. Þetta er hundr-
að prósent abstrakt mynd en formin og hvernig
hún er máluð endurspeglar dálítið það sem ég
er að gera núna í dag og því kunnuglegur svipur
milli nýjustu verkanna sem hanga uppi á sýn-
ingunni og þessa gamla verks.“
Elskar enn gömlu verkin sín
Æfingin skapar meistarann og við erum alltaf
að læra á meðan við lifum, segir Pétur sem
segist þó ekki skammast sín fyrir fyrstu verk
sín.
„Þegar þú ert búinn að vera að mála í 30 ár
lærirðu ýmislegt og þróar þinn stíl. Mér finnst
samt gaman að sjá fyrstu myndirnar mínar.
Síðan er það bara bundið við hverja mynd hvað
mér finnst. Stundum hugsa ég – hvað varstu
að hugsa, Pétur, djöfull er þetta lélegt verk –
og tala þá um sjálfan mig í þriðju persónu. Í
önnur skipti segi ég við sjálfan mig – mikið of-
boðslega er þetta gott verk hjá Pétri, rosalega
hefur hann verið góður á þessum tíma – þetta
er því ýmist í ökkla eða eyra hjá mér,“ segir
Pétur hlæjandi en bætir svo við að sér þyki al-
mennt ofboðslega vænt um verkin sín þegar
hann lítur til baka.
Markaðurinn lengi að taka við sér
Allir vita að Pétur hefur málað uppstillingar af
öllum gerðum og frá flestum hliðum. Á því er
engin breyting á þessari sýningu en Pétur seg-
ist þó ekki vera einnar skúffu maður.
„Núna held ég mig við uppstillingarnar en
ég var með sýningu fyrir nokkrum árum þar
sem ég málaði húsamyndir. Það er svo skrítið
að þegar ég fer að mála nýtt þema er mark-
aðurinn lengi að taka við sér. Fólk fór að segja
mér að ég ætti ekkert að vera mála svona held-
ur frekar eins og ég var vanur. Síðan venst
markaðurinn því að maður er ekki einnar
skúffu maður og húsamyndirnar urðu mjög
vinsælar og fólk spyr hvort ég ætli ekki að
mála fleiri slíkar myndir.“
Af nægu er að taka og segir Pétur allar líkur
á því að hann muni mála meira af myndum í
stíl við húsamyndirnar í framtíðinni.
„Núna er bara hálfleikur og mér gefst von-
andi heilsa til að mála í hálfa öld til viðbótar
enda finnst mér ég eiga nóg eftir og væri alveg
til í að dansa örlítið lengur við listagyðjuna.“
Allt á blússandi siglingu aftur
Myndlistin getur verið harður húsbóndi en
Pétur segir heilladísirnar hafa verið með sér í
liði alla tíð. Almenningur hafi alltaf tekið list
hans vel og þrátt fyrir tilraunir til að leggja
fyrir sig eitthvað annað en listina hefur hún
dregið hann til baka í hvert sinn.
„Ég hef reynt að gera ýmislegt annað en að
mála myndir en það er alveg sama hvað ég
reyni ég enda alltaf með pensilinn í hönd-
unum. Kannski er það vegna þess að ég er
nokkuð góður í þessu og fólk tekur mér vel en
það verður ekki sagt að ég hafi ekki gert
heiðarlegar tilraunir til að gera eitthvað ann-
að.“
Spurður hvort áhuginn á list hans hafi alltaf
verið jafn mikill segist Pétur ekki geta kvart-
að.
„Það hefur alltaf verið nokkur áhugi á list-
inni minni. Áhugi dróst þó almennt saman eftir
hrunið og markaðurinn var nokkuð erfiður ár-
in á eftir. Núna er hins vegar að létta til og fólk
er farið að hringja í mig aftur og vill fara að sjá
verk eftir mig. Það er ljóst að þjóðfélagið er
komið á blússandi siglingu aftur og því engin
ástæða til annars en að fara nokkuð jákvæður
inn í framtíðina.“
Pétur Gautur heldur upp á
50 ára afmæli sitt með sýn-
ingu í Gallerí Fold.
Morgunblaðið/Golli
Fagnar 50 ára afmælinu í Gallerí Fold
Myndlistarmaðurinn Pétur
Gautur heldur veglega afmæl-
issýningu í Gallerí Fold í til-
efni fimmtugsafmælis síns. Á
sýningunni verða 30 verk til
sýnis bæði gömul og ný.
Vilhjálmur Andri Kjartansson vilhjalmur@mbl.is
’Þegar þú ert búinn að vera að mála í 30 ár lærirðu ýmislegt ogþróar þinn stíl. Mér finnst samt gaman að sjá fyrstu myndirnarmínar. Síðan er það bara bundið við hverja mynd hvað mér finnst.Stundum hugsa ég – hvað varstu að hugsa, Pétur, djöfull er þetta lé-
legt verk – og tala þá um sjálfan mig í þriðju persónu. Í önnur skipti
segi ég við sjálfan mig – mikið ofboðslega er þetta gott verk hjá Pétri,
rosalega hefur hann verið góður á þessum tíma – þetta er því ýmist í
ökkla eða eyra hjá mér.
Á afmælissýningu Péturs verða 30 verk. Pétur vinnur mikið með uppstillingar.