Morgunblaðið - 15.09.2016, Síða 29

sem er vægast sagt ólík okkar. Ég
ákvað strax að hýsa aftur næsta
skólaár og þá kom hún Lily frá
Þýskalandi til okkar og var hjá okk-
ur síðasta vetur“. Jónína segir að
þessar tvær stúlkur hafi gefið þeim
mikið og kennt þeim margt. ,,Þær
voru ólíkar ungar stúlkur og reynsl-
an var mjög ólík á milli ára. Ég lít á
þær báðar sem dætur mínar og son-
ur minn lítur á þær sem systur sínar
og þær verða alltaf hluti af okkur.
Lily var síðan varla lent heima í
Þýskalandi þegar hún bókaði flug til
að koma í heimsókn til okkar í jan-
úar næstkomandi og við hlökkum al-
veg rosalega mikið til að fá hana aft-
ur.“
Árið fer vel af stað
En aftur að Vesturlandsdeild
AFS. Jónína er tengiliður fjöl-
skyldna í vetur, en tilgangur þess er
að miðla upplýsingum og þétta hóp-
inn. „Ég nota reynslu mína sem bæði
fyrrverandi skiptinemi og fyrrver-
andi fósturfjölskylda til að veita ráð-
gjöf til fósturfjölskyldnanna og þeim
er velkomið að leita ráða hjá mér.“
Jónína segir að fókus Vesturlands-
deildarinnar sé fósturfjölskyldur, en
án þeirra væri ekki hægt að standa í
nemendaskiptum. „Ég hef brenn-
andi áhuga á uppbyggingu starfsins í
kringum fjölskyldurnar. Þaðan kem-
ur grunnurinn að hugmyndinni um
fjölskylduhelgi AFS sem og titlinum
„tengiliður fjölskyldna“. Skiptinema-
árið fer vel af stað, segir Jónína, og
fjölskyldurnar eru nú þegar farnar
að kynnast nokkuð vel. ,,Við erum
með opinn Facebook-hóp, Vest-
urlandsdeild AFS, sem við tölum
saman á, deilum upplifun okkar og
myndum og leitum ráða hvert hjá
öðru. Í vetur ætlum við að hittast
með nemunum á Vesturlandi en
einnig leitum við að fleiri sjálf-
boðaliðum hér sem eru til í að taka
þátt í starfinu.“
Á Vesturlandi eru núna sex skipti-
nemar. Í Dalabyggð eru þrír nemar,
stelpur frá Frakklandi og Danmörku
og strákur frá Brasilíu. Í Grund-
arfirði er strákur frá Bandaríkjunum
og tveir strákar eru frá Ítalíu, annar
á Akranesi og Niccoló í Borgarfirði. Í
fyrra voru þrír nemar á Vesturlandi
og er Jónína mjög ánægð með þessa
fjölgun nema í landshlutanum. ,,Á
landinu öllu eru 34 skiptinemar þetta
skólaárið sem komu til landsins 19.
ágúst. Af þessum 34 nemum eru fjór-
ir í svokölluðu ECTP-prógrammi
sem er í þrjá mánuði, hinir 30 dvelja í
10 mánuði hjá fósturfjölskyldum sín-
um á Íslandi og ganga í skóla með ís-
lenskum krökkum. Flestir eru í
framhaldsskólum víðs vegar um
landið en sumir nemar fara í 10. bekk
grunnskóla. Það er gert þegar
áhugasamar fjölskyldur búa á svæð-
um þar sem ekki eru framhalds-
skólar í nágrenninu.“
Allt sem AFS stendur fyrir segir
Jónína að sér þyki mjög áhugavert
og að hennar eigin skiptinemadvöl
hafi verið ein besta reynsla lífs síns.
,,Dvölin var erfið, ég gekk í gegnum
mikinn rússíbana en komst í gegnum
árið. Þetta er ekki allt dans á rósum
og skiptinemar þurfa að takast á við
ýmislegt erfitt. T.d. er menning-
arsjokk óumflýjanlegur fylgifiskur
þess að vera skiptinemi og það fer
ekki alltaf eftir fjarlægð milli land-
anna eða hver fer í ólíkustu menn-
inguna hversu mikið menningar-
sjokk nemar fá, heldur hversu vel
undirbúnir og opnir þeir eru fyrir
þessu nýja lífi. Reynsla hvers og eins
er eins ólík og skiptinemarnir eru
margir. En þegar upp er staðið situr
eftir lífsreynsla sem skilur eftir frá-
bærar minningar og ómetanlega
reynslu þar sem maður lærir að
þekkja sjálfan sig betur, aðra menn-
ingu sem og eigin menningu.“ Jón-
ína telur að hún geti talað fyrir flesta
ef ekki alla fyrrverandi skiptinema
að þessari lífsreynslu myndi maður
hvað síðast skipta út fyrir eitthvað
annað. „Maður býr að þessu alla ævi,
maður eignast fjölskyldu og vini í
hýsingarlandinu sínu og það land
verður alltaf manns annað heima-
land. Ég held ég hafi einfaldlega
ekki orðaforða til að lýsa því hversu
þakklát ég er fyrir að hafa fengið
tækifæri til að vera skiptinemi og fá
svo að halda áfram að vera hluti af
þeirri menningu sem AFS er.“
FRÉTTIR 29Innlent
MORGUNBLAÐIÐ FIMMTUDAGUR 15. SEPTEMBER 2016
Forráðamenn lögaðila, sem enn hafa
ekki staðið skil á skattframtali 2016
ásamt ársreikningi, eru hvattir til að
annast skil hið allra fyrsta.
Skráður lögaðili skal ætíð skila
skattframtali vegna undangengins
reikningsárs þrátt fyrir að engin
eiginleg starfsemi eða rekstur hafi
átt sér stað á reikningsárinu.
Félög eiga jafnframt að skila
ársreikningi til Ársreikningaskrár.
Skattframtali og ársreikningi ber
að skila rafrænt á skattur.is.
Álagning opinberra gjalda 2016
á lögaðila vegna rekstrarársins 2015
fer fram í október nk.
Framtalsfrestur
lögaðila er liðinn
Til forráðamanna hlutafélaga,
einkahlutafélaga og annarra skattskyldra
lögaðila um skil á skattframtali 2016
442 1000
Þjónustuver 9:30-15:30rsk@rsk.is
skattur.is
Sigurður Ægisson
Siglufirði
Í blíðskaparveðri 3. september síð-
astliðinn fór Björn Z. Ásgrímsson
ásamt þeim Ásgrími Angantýssyni
og Hannibal Jónssyni út í Nesskrið-
ur í norðaustanverðum Siglufirði
þeirra erinda að gera skriðurnar
auðveldari yfirferðar. Að sögn
Björns var verkefnið tvíþætt, ann-
arsvegar að endurbæta það sem gert
var í fyrra og hinsvegar að auðvelda
aðgengi í fleiri giljum.
„Við nutum einnig aðstoðar Skúla
Jónssonar við undirbúning verkefn-
isins og Hjálmar Jóhannesson á
bátnum Gústa sigldi með menn og
búnað að Nesskriðum,“ segir Björn.
Settar voru upp stikur á nokkrum
stöðum svo heppileg gönguleið verði
meira áberandi. Miklar breytingar
urðu í giljunum eftir gríðarleg
skriðuföll í lok ágúst í fyrra og þá
sérstaklega við gilið sunnan við svo-
nefndan Helluhrygg, sem er mjög
erfitt yfirferðar. Þeir félagar komu
þar fyrir keðjum á báðum gilbörm-
um sem mun veita aukið öryggi og
nauðsynlegan stuðning þegar farið
er ofan í og upp úr gilinu. Við næsta
gil til suðurs var settur kaðall og
áberandi stika. Þetta gil er það
fyrsta sem komið er að ef gengið er
frá Siglufirði. Í tveimur minni giljum
norðan Helluhryggjar var borað fyr-
ir stuttum keðjum í klettaveggjum
sem eru einskonar höldur sem hægt
að grípa til þegar skotist er fyrir gil-
in.
Eftir framkvæmdirnar ætti þessi
ágæta gönguleið að vera auðveldari
og öruggari, að sögn Björns, en auð-
vitað þarf að fara varlega þar sem
leiðin verður seint hættulaus.
Samgöngubætur í Nesskriðum
 Setja keðjur og kaðla á gilbarma við Helluhrygg og stikur á nokkrum stöðum
Keðjur Hannibal Jónsson gengur
frá keðjum við Helluhrygg.