Tímarit hjúkrunarfræðinga - 01.12.2007, Síða 32

Guðrún Árný Guðmundsdóttir, gudruna@heilhus.is
REYKLAUS.IS - NÝ LEIÐ AÐ BETRA LÍFI ÁN TÓBAKS
Rannsóknir hafa sýnt að stærstur hluti reykingarmanna vill
hætta að reykja. Mismundandi er hvaða leið hentar hverjum og
einum og því er nýtt stuðningsúrræði fagnaðarefni. Nú hefur
verið opnuð gagnvirk heimasíða, www.reyklaus.is. Reyksíminn,
sem er rekinn af Heilbrigðisstofnun Þingeyinga með styrk frá
Lýðheilsustöð, mun hafa umsjón með síðunni. Ljóst er að
símameðferðin og síðan munu styrkja hvort annað.
Hér á landi hefur töluverður árangur náðst
í baráttunni við tóbakið síðastliðin ár.
Samkvæmt rannsóknum Lýðheilsustöðvar
hefur einstaklingum, sem reykja daglega
(15-89 ára), fækkað úr 30,5% árið 1991
í 19,2% árið 2005 og telst þetta mjög
góður árangur á evrópskan mælikvarða.
Kannanir Lýðheilsustöðvar hafa líka sýnt
að fleiri grunnskólanemar ákveða að reykja
ekki. fslendingar hafa í mörg ár verið taldir
framarlega í tóbaksvörnum. Staðið hefur
verið fyrir ýmsum aðgerðum sem taldar eru
hafaáhrif áreykingarlandsmanna, t.d. hefur
verið lögð mikil áhersla á forvarnir meðal
barna og unglinga, verðlagningu tóbaks
(skattlagningu), auglýsingabann á tóbak,
merkingar á tóbakspökkum, lagasetningu
um reyklausa vinnustaði og nú síðast
reyklaus veitingahús og skemmtistaði. Og
nú hefur heilbrigðisráðherra samþykkt nýjar
merkingar á sígarettupakka frá næsta ári.
Þegar árangur íslendinga í tóbaksvörnum
er borinn nánar saman við aðgerðir í öðrum
Evrópulöndum kemur í Ijós að íslendingar
hafa staðið sig afar vel í öllu nema því sem
snýr að meðferð við tóbaksfíkn.
30
Tímarit hjúkrunarfræðinga - 5. tbl. 83. árg. 2007