Morgunblaðið - 06.04.2017, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 6. APRÍL 2017
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Frá kr.
159.995
m/allt innifalið
COSTA DEL SOL
11. maí í 17 nætur
Netverð á mann frá kr. 159.995 m.v. 2 í herbergi.Griego MarHotel
Bir
tm
eð
fyr
irv
ar
au
m
pr
en
tvi
llu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
.A
th.
að
ve
rð
ge
tur
br
ey
st
án
fyr
irv
ar
a.
Eldri borgarar
Skipulagið stoppar stóriðju
 Aðalskipulagi í Reykjanesbæ breytt  Helguvíkurmálið hafði áhrif  Eftirlits-
stofnanir eiga leik  Thorsil með starfsleyfi og veggir álvers Norðuráls standa
Sigurður Bogi Sævarsson
sbs@mbl.is
Vandamál í starfsemi kísilmálm-
verksmiðju United Silicon í Helgu-
vík að undanförnu eiga sinn þátt í því
að bæjarstjórn Reykjanesbæjar hef-
ur samþykkt nýtt endurskoðað aðal-
skipulag þar sem ekki er gert ráð
fyrir frekari uppbyggingu stóriðju á
Helguvíkursvæðinu, umfram það
sem þegar hefur verið samþykkt.
„Sjónarmið um að láta gott heita
með stóriðju komu fram á íbúafund-
um hér í bænum í fyrra. Við höfum
rætt þetta talsvert að undanförnu og
nú liggur ákvörðun fyrir,“ sagði
Kjartan Már Kjartansson bæjar-
stjóri í samtali við Morgunblaðið.
Afskiptum sveitarfélags lokið
Mengun frá iðjuveri United Sili-
con var til umræðu á fundi umhverf-
is- og samgöngunefndar Alþingis í
gær. Þar var lýst áhyggjum af meng-
uninni og tók Friðjón Einarsson, for-
maður bæjarráðs Reykjanesbæjar,
undir þær. Kjarni málsins væri þó
sá, sagði Friðjón, að þegar lóð fyrir
atvinnustarfsemi væri úthlutað væri
afskiptum sveitarfélags strangt til-
tekið lokið. Framhald mála, svo sem
ef misbrestur væri á að settum skil-
yrðum væri fylgt, væri í höndum eft-
irlitsstofnana. Þær grípi til aðgerða
ef þörf sé á.
Ekki í stóriðjustíl
Til viðbótar við verksmiðju United
Silicon í Helguvík hefur verið gefið
út starfsleyfi fyrir kísilverksmiðju
Thorsil og veggir álvers Norðuráls
eru uppsettir. „Margir sem stefna á
uppbyggingu atvinnustarfsemi hafa
samband og eru að kynna sér að-
stæður og umhverfi, en þær hug-
myndir og áform eru ekki í neinum
stóriðjustíl,“ segir Kjartan Már.
Morgunblaðið/Sigurður Bogi
Helguvík Starfsemi United Silicon
hf. í Helguvík er mjög umdeild.
Sigurður Bogi Sævarsson
sbs@mbl.is
Reist verður fjölbýlishús með 36
litlum íbúðum í Urriðaholti í Garðabæ
á vegum IKEA og þar mun starfsfólki
fyrirtækisins og öðrum bjóðast að
leigja sér húsnæði á hagstæðu verði.
Ná hæfasta fólkinu
Þórarinn Ævarsson, framkvæmda-
stjóri IKEA, greindi frá þessum fyr-
irætlunum á málþingi Íbúðalánasjóðs
nýlega. Húsnæðismál starfsfólks seg-
ir Þórarinn að heyri einnig til friðar
atvinnurekenda. Barátta fyrirtækja
snúist um að ná til sín hæfu fólki og
vinna samkeppni í krafti þess.
Fjölbýlishúsið sem IKEA ætlar að
láta reisa verður að Urriðaholtsstræti
10-12. Fasteignafélag tengt fyrirtæk-
inu á og rekur húsið sem verður tilbú-
ið eftir hálft annað ár. Húsið verður
fimm hæðir þar sem fjórar efstu hæð-
irnar verða með smáíbúðum en sú
neðsta verður atvinnuhúsnæði í bland
við geymslur fyrir íbúðirnar. Fram
kemur hjá talsmönnum IKEA að í
upphafi hafi staðið til að byggja hús
með mjög ódýrum íbúðum en það hafi
ekki reynst gerlegt ýmissa ástæðna
vegna. Megi þar nefna lóðagjöld,
vinnan við Svansvottun hafi hækkað
byggingarkostnaðinn töluvert auk
þess sem ákveðið hafi verið að spara
ekkert til í hönnun og við efnisval. Þá
hafi byggingarreglugerð og ákvæði
hennar verið íþyngjandi.
Eðlileg ávöxtun
Ekki liggur fyrir hver kostnaður
við byggingu fjölbýlishússins nýja
verður. Þó er þess vænst að leigja
megi minnstu íbúðirnar fullbúnar
með húsgögnum og húsbúnaði á
minna en 100 þúsund krónur á mán-
uði. Fái húseigandinn þó engu að síð-
ur eðlilega ávöxtun á fjárfestingu
sinni.
Svara samkeppni með bygg-
ingu íbúða fyrir starfsmenn
 IKEA byggir blokk í Urriðaholti  Alls 36 ódýrar íbúðir
IKEA Blokkin verður í Urriðaholti.
Tæplega 60 þús-
und manns greiða
fyrir áskrift að
Spotify hér á landi
og áætlar fram-
kvæmdastjóri Fé-
lags hljómplötu-
framleiðenda að
hlutdeild íslenskr-
ar tónlistar í spil-
un á Spotify sé á
bilinu 15 til 18 prósent.
Spotify greiðir höfundum, útgef-
endum og flytjendum tæplega eina
krónu að meðaltali fyrir hverja spil-
un á Íslandi sem á örmarkaði eins og
á Íslandi leiðir til erfiðara tekjuöfl-
unarumhverfis fyrir íslenska tónlist-
armenn.
„Augljós afleiðing þessa fyrir ís-
lenska tónlistarbransann er sú að
fjármögnun til að taka upp nýja ís-
lenska tónlist er orðin rosalega erfið.
Það er erfitt að láta dæmið ganga
upp fjárhagslega,“ segir Eiður Arn-
arsson, framkvæmdastjóri Félags
hljómplötuframleiðenda.
Hann segir að íslensk tónlistar-
útgáfa sé drifin áfram af ástríðu
frekar en hagnaðarvon og það sem
helst skili tekjum í dag sé tónleika-
hald.
Eiður segir þó fleira jákvætt en
neikvætt við tilkomu streymisveitna
á borð við Spotify. Til dæmis hafi
niðurhal dregist verulega mikið sam-
an og neytendur greiði í vaxandi
mæli fyrir tónlistarhlustun sína. »70
Útgáfa
rekin af
hugsjón
Eiður Arnarsson
 Spotify hentar ör-
markaði ekki eins vel
Íslensk stjórnvöld hyggjast leggja
200 milljónir kr. á ári til mannúðar-
aðstoðar í Sýrlandi og nágrannaríkj-
um til ársins 2020 til viðbótar við
framlög til móttöku flóttamanna.
Þetta ítrekaði Guðlaugur Þór Þórð-
arson utanríkisráðherra á alþjóð-
legri ráðstefnu um Sýrland sem fór
fram í Brussel, höfuðborg Belgíu, í
gær.
Samrýmist fjárhagsaðstoðin
stefnuyfirlýsingu ríkisstjórnarinnar
um að standa vel að bæði móttöku
flóttamanna og að styðja neyðar-
aðstoð á vettvangi. ash@mbl.is
200 milljónir
til Sýrlands
Snjó var ekið á auða jörð í Gilinu á Akureyri í gær svo allt yrði til reiðu þegar
snjóbrettahátíðin AK Extreme hefst í dag. Bærinn er nánast snjólaus enda
varla komið korn úr lofti í langan tíma en norðanmenn dóu ekki ráðalausir
og fjöldi vörubíla og dráttarvéla með stórar kerrur í eftirdragi sótti snjó
þangað sem hann var að finna; ruðningar voru frá því fyrr í vetur við flug-
völlinn og á bílastæðinu við Icelandair hótelið. Mest var þó sótt í Hlíðarfjall.
Músík hefur jafnan skipað stóran sess á AK Extreme og svo er einnig nú;
ýmsir tónleikar á dagskránni. Brettakeppni verður í Hlíðarfjalli og í Gilinu
en þar verður hápunktur hátíðarinnar á laugardagskvöldið þegar flestir
bestu Íslendingarnir og nokkrir útlendingar leika listir sínar á brettunum.
Snjóflutningarnir miklu í Gilið
Morgunblaðið/Skapti Hallgrímsson
Mikið á sig lagt fyrir árlega brettahátíð á Akureyri