Morgunblaðið - 06.04.2017, Qupperneq 50

50 FRÉTTIRErlent
MORGUNBLAÐIÐ FIMMTUDAGUR 6. APRÍL 2017
Stefán Gunnar Sveinsson
sgs@mbl.is
Rússar vörðu bandamenn sína í Sýr-
landi gegn ásökunum um að stjórn-
arher landsins hefði beitt efnavopn-
um í árás sinni á þorpið Khan
Sheikhun á þriðjudaginn. Að
minnsta kosti 72 létust í árásinni, þar
af um tuttugu börn, og fjöldi annarra
varð fyrir eftirköstum hennar.
Gagnrýndu Rússar fyrirhugaða
ályktun öryggisráðsins þar sem
árásin var fordæmd og sögðu hana
byggjast á röngum upplýsingum.
Öryggisráðið fundaði í gær á sér-
stökum neyðarfundi vegna árásar-
innar. Þar lögðu Bretar, Frakkar og
Bandaríkjamenn fram harðorða
ályktun en í henni var kallað eftir
skjótri rannsókn á árásinni.
„Við erum að tala um stríðsglæpi á
stórum skala, stríðsglæpi með efna-
vopnum,“ sagði Francois Delattre,
sendiherra Frakka í ráðinu, áður en
hann hélt til fundarins. Utanríkis-
ráðuneyti Rússa sagði hins vegar
fyrr um daginn að orðalag ályktun-
arinnar væri „óásættanlegt í grund-
vallaratriðum“.
Héldu yfirvöld í Moskvu því fram
að herþotur stjórnarhersins hefðu
skotið á „vöruhús hryðjuverka-
manna“ og að þar hefðu sprengjur
með eiturefnum verið framleiddar.
Við árásina hefðu eiturefnin dreifst
um næsta nágrenni með hörmuleg-
um afleiðingum. Lofuðu Rússar því
að þeir myndu halda áfram að styðja
við bakið á Bashar al-Assad, forseta
Sýrlands.
Gagnrýndi stuðning Rússa
Nikki Haley, fulltrúi Bandaríkj-
anna í öryggisráðinu, beindi spjótum
sínum að Rússum fyrir að styðja As-
sad. „Hversu mörg börn þurfa að
deyja í viðbót til þess að Rússum
standi ekki á sama?“ spurði hún í
ræðu sinni í gær.
Sýrlenski stjórnarherinn neitaði
fyrir sitt leyti í gær að hafa nokkurn
tímann beitt efnavopnum, hvorki í
nútíð, fortíð né í framtíð. Læknar án
landamæra sögðu hins vegar að
fórnarlömb árásarinnar sýndu þess
öll merki að þau hefðu orðið fyrir
taugaeitri á borð við saríngas.
Stjórnarherinn er grunaður um að
hafa beitt slíku gasi einnig árið 2013 í
nágrenni Damaskusar.
Á sama tíma helltust fordæming-
arnar yfir sýrlensk stjórnvöld. Ant-
ónio Guterres, framkvæmdastjóri
Sameinuðu þjóðanna, sagði að árásin
væri til sanninda um þá stórfelldu
stríðsglæpi sem átt hefðu sér stað í
sýrlenska borgarastríðinu og Frans
páfi sagði árásina „óásættanlega
slátrun“ sem sig hryllti við.
Donald Trump Bandaríkjaforseti
fordæmdi einnig árásina og sagði
hana ólýsanlega. Var hann spurður
hvort árásin myndi leiða til stefnu-
breytingar gagnvart Assad, en
Trump hafði áður gefið í skyn að
hugsanlega yrði hægt að semja frið
þó að hann yrði áfram í forsetastóli.
„Þið munuð sjá,“ var svar forset-
ans.
Íranir bættust óvænt í hóp þeirra
sem fordæmdu árásina, en þeir hafa
verið í hópi ötulustu stuðningsmanna
Assads. Tóku þeir þó fram að mögu-
legt væri að „hryðjuverkamenn“
hefðu staðið á bak við hana.
„Hversu mörg börn
þurfa að deyja í viðbót?“
 Rússar lögðust gegn harðorðu orðalagi í fyrirhugaðri ályktun öryggisráðsins
25 km
Ásakanir og afneitanir
Rússland: Flugher Sýrlands réðist á „vöruhús hryðjuverkamanna“
sem innihélt „eitruð efni“
SÞ:António Guterres, frkv.stjóri, fordæmdi „stríðsglæpi“ í Sýrlandi
og stöðug brot á „alþjóðlegummannréttindalögum“
100 km
Fjöldi óbreyttra borgara féll í loftárás á þriðjudaginn, þar á meðal börn, og olli hún reiði víða um heim
Sýrland: Stjórnvöld neita að þau hafi beitt efnavopnum
Heimildir: ISW, SOHR, AFP
(m.v. 30. mars 2017) Uppreisnarmanna
Tyrkja Stjórnarhersins
Ríki íslams
Kúrda
Svæði undir stjórn
Efnavopn sem þegar hefur verið
beitt í Sýrlandi
Einkennin sem fylgdu árásinni
voru meðal annars að augasteinar
minnkuðu, fórnarlömbin fengu
krampa og froðufelldu
TYRKLAND
Aleppó
Latakía
Idlib
Homs
Khan
Sheikhun
Kobane
Raqqa
Díklóródíetýl
súlfíð
Dreyfist í úðaformi
þegar fallbyssu-
skot springur
Notað af: Ríki íslams
Dreifist um allt
Veldur tímabundinni blindu,
vökva í lungum, bruna og
blæðingum
Sinnepsgas
Að sögn sleppt úr þyrlum
í tunnusprengjum
Notað af: Sýrlandsstjórn
Eyðileggur öndunarfæri,
veldur köfnun og krabbameini
Klórgas
DAMASKUS
TYRKLAND
JÓRDANÍA
ÍR
AKIdlib
LÍ
B.
ESB:
Bretland:
Sýrland: „Yfirherstjórnin hafnar því alfarið að hún hafi beitt nokkrum
efnavopnum eða eitruðum efnum“
Bandaríkin:
Bashar al-Assad Sýrlandsforseti ber „höfuðábyrgðina“
„Allt bendir til þess að stjórnvöld hafi verið að verki“
„forkastanleg“ og „óþolandi“ árás af hálfu Assads
Evrópuþingið samþykkti í gær með
yfirgnæfandi meirihluta svonefnd
„rauð strik“ í viðræðum Evrópusam-
bandsins við Breta um útgöngu hinn-
ar síðarnefndu úr sambandinu. Setti
þingið þar með fram hörð samnings-
markmið fyrir viðræðurnar, en það
mun þurfa að samþykkja hina endan-
legu niðurstöðu viðræðnanna þegar
þeim lýkur eftir tvö ár. 516 Evrópu-
þingmenn greiddu atkvæði með
ályktuninni en 133 á móti. 56 sátu
hjá.
Þingið fylgdi að miklu leyti sömu
drögum og Donald Tusk, forseti Evr-
ópuráðsins, setti fram í síðustu viku,
þar sem meðal annars var kveðið á
um að ekki yrði rætt um mögulegan
viðskiptasamning við Breta fyrr en
útgönguviðræðurnar væru komnar
langt á veg, þvert á óskir Breta.
Hins vegar var ekkert minnst á Gí-
braltar í ályktun þingsins, en í drög-
unum var lagt til að Spánverjar
fengju úrslitavald um það hvort sam-
komulag milli Breta og ESB næði
einnig til Gíbraltar. Leiddi það til
skarpra orðaskipta á milli Bretlands
og Spánar, þar sem því var jafnvel
fleygt fram að Bretar myndu fara í
stríð til þess að verja fullveldi sitt við
Gíbraltar.
Umræðan um ályktunina tók á sig
ýmsar myndir. Guy Verhofstadt,
fulltrúi þingsins í viðræðunum, spáði
því að yngri kynslóð Breta myndi aft-
ur vilja aðild að sambandinu og
myndi líta á Brexit sem innanflokks-
slag innan breska Íhaldsflokksins.
Nigel Farage, þingmaður Breska
sjálfstæðisflokksins UKIP, sagði
hins vegar samningsmarkmiðin sýna
að Evrópusambandið hygðist koma
fram eins og „mafíósar“. Þegar Ant-
onio Tajani, forseti þingsins, sem er
frá Ítalíu, gerði athugasemd við orða-
lagið baðst Farage afsökunar og
breytti því í „glæponar“.
AFP
Brexit Nigel Farage mótmælti
samningsmarkmiðum ESB.
Evrópuþingið
dregur rauð strik
 Gíbraltar ekki nefnt í ályktuninni
Rússnesk yfirvöld rannsökuðu í
gær mögulegar ástæður hryðju-
verksins í St. Pétursborg á mánu-
daginn, en fjórtán manns létust í
því. Minningarathafnir um hina
látnu voru haldnar í borginni í gær.
Staðfest hefur verið að hinn 22
ára gamli Akbarjon Djalilov hafi
gert sjálfsvígsárás á neðanjarðar-
lestarkerfi borgarinnar, en líkams-
leifar hans fundust á staðnum. Ekki
er þó vitað hvort hann er talinn
meðal þeirra fjórtán sem sagðir eru
hafa látist. Öryggismyndavélar
sýna Djalilov ferðast um borgina
með bakpoka og tösku. Verið er að
kanna hvort hann hafi haft einhver
tengsl við Ríki íslams.
AFP
St. Pétursborg Kveikt var á kertum í
Dómkirkju hinnar heilögu þrenningar.
RÚSSLAND
Enn ekkert vitað um
ástæður Djalilovs
Steve Bannon, pólitískur ráðgjafi
Donalds Trumps Bandaríkja-
forseta, hefur misst sæti sitt í þjóð-
aröryggisráði Bandaríkjanna.
Trump var gagnrýndur víða í upp-
hafi forsetatíðar sinnar þegar hann
samþykkti forsetatilskipun þar sem
Bannon var úthlutað sæti í ráðinu,
en þar er farið yfir viðkvæm mál-
efni sem snerta öryggis- og varn-
armál Bandaríkjanna.
Fréttamiðlar vestanhafs segja að
ákvörðunin nú sé afleiðing af skip-
un H.R. McMaster í stöðu þjóðarör-
yggisráðgjafa. McMaster hafi viljað
tryggja stöðu sína innan ráðsins
með því að losna við Bannon úr því.
Að öðru leyti miða breytingar á
ráðinu að því að færa það aftur í
sitt hefðbundna form.
BANDARÍKIN
Bannon missir sæti
sitt í öryggisráðinu
Klæðskeraskæri
Verð 5.810–
7.980 kr.
Stærðir 9“-12“
NÝ SENDING AF SPÆNSKU
EÐALSTÁLI
Opið
virka
daga
frá 9-
18
lau fr
á 10-1
6
Hárskæri
4.620 kr.
16 cm
4.475 kr.
Bróderskæri
2.785 kr.
Gaffall
3.115 kr.
2.670 kr.
20 cm
25 cm
3.980 kr.
20 cm
3.380 kr.
Laugavegi 29 | sími 552 4320 | www.brynja.is | verslun@brynja.is