Morgunblaðið - 06.04.2017, Side 105

MENNING 105
MORGUNBLAÐIÐ FIMMTUDAGUR 6. APRÍL 2017
Helgi Snær Sigurðsson
helgisnaer@mbl.is
Kvikmynd leikstjórans Sigurðar
Antons Friðþjófssonar, Snjór og
Salóme, verður frumsýnd á föstu-
daginn, 7. apríl, en Sigurður á tvær
kvikmyndir í fullri lengd að baki
auk hennar, Ísabellu og Webcam.
Líkt og í Webcam fara Anna Haf-
þórsdóttir og Telma Huld Jóhann-
esdóttir með tvö aðalkvenhlutverk-
in í Snjó og Salóme en með aðal-
karlhlutverkið fer Vigfús Þormar
Gunnarsson.
Allar þrjár kvikmyndir Sigurðar
fjalla um ungt fólk í Reykjavík en
með ólíkum hætti þó. Blaðamanni
leikur forvitni á að vita hvort þær
tengist að öðru leyti. „Já, á þann
hátt að þetta eru gamanmyndir eða
gamandrama og fjalla um ungar
konur á svipuðum aldri, þrítugs-
aldrinum og fólk á þeim aldri, á
svipuðum aldri og ég þegar ég var
að gera myndirnar,“ segir Sigurður
sem skrifaði handrit kvikmyndanna
þriggja auk þess að leikstýra þeim.
Óvenjuleg sambúð
„Þetta er mynd um unga konu,
Salóme, sem er búin að vera í sam-
bandi með besta vini sínum, Hrafni,
svona „on og off“ í 15 ár. Þau búa
saman og það er dálítið óljóst hvar
sambandið endar og vináttan byrj-
ar og allt það. Síðan gerist það að
Hrafn gerir stelpu ólétta að tvíbur-
um og hún flytur inn til þeirra. Á
sama tíma missir Salóme vinnuna
sína á dálítið dramatískan hátt,“
segir Sigurður um söguþráð kvik-
myndarinnar.
– Hvaðan kom þessi saga?
„Mig langaði að gera mynd um
sambönd sem enda aldrei en enda
svo allt í einu mjög brútalt. Þetta
var sagan sem spratt upp úr þeim
pælingum,“ svarar Sigurður.
Spurður að því hvort hann hafi
fengið ráðleggingar við handrits-
skrifin segist Sigurður hafa sent
handritið á vini og annað fólk sem
hann hafi treyst til að gefa sér góð
ráð á meðan á skrifunum stóð.
„Þegar fyrsta uppkast er svo tilbúið
sendir maður það á vini og leikara
og fær „feedback“ frá þeim,“ bætir
Sigurður við.
Góðir leikarar og vinir
Leikhópurinn í Snjór og Salóme
er að stóru leyti sá sami og í Web-
cam. Hvernig skyldi standa á því?
Eru þetta vinir Sigurðar eða hefur
hann sérstakt dálæti á þessu fólki?
„Bæði. Þetta eru allt æðislegir leik-
arar og stór hluti af þessum hópi
eru góðir vinir. Þessi mynd er líka
stærri framleiðsla en þær fyrri og
þá er gott að hafa sem minnstar
áhyggjur,“ segir Sigurður. Það
dragi úr áhyggjum að þekkja fyrir
þá sem hann ætli að vinna með.
– Áttu þér einhverjar fyrirmynd-
ir sem þú lítur til, einhverja leik-
stjóra eða kvikmyndir?
„Já, og af mörgum ólíkum ástæð-
um. Ef við miðum við hvernig menn
gera kvikmyndirnar sínar þá eru
það menn eins og Joe Samberg og
Duplex-bræðurnir og Kevin Smith
að vissu leyti líka. Það eru indí-
leikstjórar sem gera litlar myndir
en gera þær alveg sínar eigin og al-
veg sjálfir. Listrænt séð eru það
líka aðrir stærri leikstjórar sem
maður elskar og dáir og lítur upp
til, t.d. Nicolas Winding Refn og
Martin Scorsese.“
Sena létti róðurinn
– Hvernig gekk þér að fjármagna
gerð myndarinnar? Ég veit að það
var töluvert basl með fyrri kvik-
myndirnar tvær, ekki satt?
„Jú, hinar voru náttúrlega gerðar
algjörlega án tengsla eða vitneskju
um hver næstu skref væru, dreif-
ingu og svoleiðis. En núna vorum
við þegar með samband við Senu
sem gaf út síðustu mynd og gefur
út þessa þannig að við tryggðum í
raun og veru dreifingu í gegnum þá
áður en við fórum í tökur. Það
hjálpaði til,“ svarar Sigurður.
Hann er að lokum spurður að því
hvort honum þyki of fáar kvik-
myndir gerðar um líf ungs fólks í
höfuðborginni, þ.e. kvikmyndir á
borð við þær sem hann hefur gert.
„Já, en mér finnst líka yfirhöfuð of
fáar myndir gerðar um ungt fólk,
hvort sem það er í Reykjavík, á Ak-
ureyri eða annars staðar. Og ekki
bara um ungt fólk heldur líka fyrir
það. Af mjög skiljanlegum ástæðum
er reynt að hafa markhóp íslenskra
kvikmynda sem víðastan hvað aldur
varðar og ég hef fullan skilning á
því,“ segir Sigurður. Það breyti því
hins vegar ekki að of fáar kvik-
myndir séu gerðar fyrir ungt fólk.
Óvenjulegur
ástarþríhyrningur
 Þriðja kvikmynd Sigurðar Antons Friðþjófssonar, Snjór og
Salóme, frumsýnd  Kvikmynd um ungt fólk fyrir ungt fólk
Sjálflærður Sigurður Anton Frið-
þjófsson kvikmyndaleikstjóri.
Salóme Anna Hafþórsdóttir í hlutverki Salóme í kvikmyndinni Snjór og Salóme sem verður frumsýnd 7. apríl.
Bandaríska rokksveitin Dr. Hook
& The Medicine Show, sem stofnuð
var árið 1968 af söngvaranum Ray
Sawyer og söngvaranum og gít-
arleikaranum Dennis Locorriere,
átti margan smellinn á sínum tíma,
lög á borð við „Sylvia’s Mother“,
„A Little Bit More“, „Cover of the
Rolling Stone“ og „When You’re in
Love with A Beautiful Woman“.
Þeir sem vilja hlusta á þá smelli og
fleiri til geta glaðst yfir því að
Dennis Locorriere mun, ásamt
hljómsveit, halda tónleika í Eld-
borg í Hörpu 24. júní næstkom-
andi.
Forsprakkinn Söngvarinn og gítarleikarinn Dennis Locorriere.
Smellir Dr. Hook munu hljóma í Eldborg
Miðasala og nánari upplýsingar
5%
SÝND KL. 5.30, 8, 10.15 SÝND KL. 5.30
SÝND KL. 8, 10.35
SÝND KL. 5.30SÝND KL. 8, 10.15