Morgunblaðið - 13.01.2018, Blaðsíða 2
2 FRÉTTIRInnlent
MORGUNBLAÐIÐ LAUGARDAGUR 13. JANÚAR 2018
Hágæða
umhverfisvænar
hreinsivörur
fyrir bílinn þinn
Glansandi
flottur
Fást í betri byggingavöruverslunum, matvöruverslunum og bensínstöðvum.
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Í nótt sem leið hófst akstur Strætó úr miðbæ
Reykjavíkur í úthverfi og nágrannasveitarfélög. Er
ætlunin með þessu að koma fólki heim eftir lokun
skemmtistaða. Þessu verður sinnt með akstri á sex
leiðum aðfaranætur laugar- og sunnudaga, það eru
leiðir 101, 102, 103, 105, 106 og 111. Á hverri leið
verða jafnan farnar þrjár ferðir á nóttu og ekið er
fram til kl. 04:30. Brottfararstaður næturvagna er
ýmist við Stjórnarráðshúsið eða Hlemm.
Morgunblaðið/Hari
Næturstrætó er nýmæli og áætlun á sex leiðum
manns á þessum viðræðu- og sam-
ráðsfundum, sem ýmsum þykir of
stór hópur til þess að raunverulega
sé hægt að brjóta mál til mergjar og
búa til sameiginlegt vinnuplagg. Það
mun reyndar vera markmiðið að
fækka til muna í hópnum, sem verði
svo falið það verkefni að útbúa áætl-
un fyrir aðila til þess að vinna eftir.
Sá hópur verði fimm til sjö manns,
þar sem ASÍ eigi einn fulltrúa, SA
einn fulltrúa, opinberir starfsmenn
einn fulltrúa og stjórnvöld einn full-
trúa, auk einhverra sérfræðinga.
Morgunblaðið hefur upplýsingar
um að þess hafi orðið áþreifanlega
vart á tveimur ofangreindum fund-
um að töluverðs vantrausts gæti hjá
launþegahreyfingunni í garð ríkis-
stjórnarinnar, en um leið hafa við-
mælendur bent á að málið sé flókn-
ara en svo, því fundarmenn hafi
fengið upplýsingar um að mikið van-
traust sé innbyrðis á milli stéttar-
félaga og það trufli það starf sem
vinna þurfi.
„Staðreyndin er sú að það er bull-
andi vantraust í ákveðnum stéttar-
félögum, þar sem þau treysta ekki
hvert öðru og sum treysta ekki for-
mönnum sínum. Þetta á við ákveðin
stéttarfélög á almenna vinnumark-
aðnum, ég nefni VR, sem hótað hefur
úrsögn úr ASÍ og Sjómannafélag
Grindavíkur, sem sagði sig úr Sjó-
mannasambandinu og ASÍ og ég
nefni einnig BHM og BSRB,“ sagði
viðmælandi sem vel þekkir til í gær.
Það hafi m.a. sýnt sig í því að for-
menn einstakra stéttarfélaga sem
hafi verið á samráðsfundunum hafi
nánast verið teknir á teppið hjá sín-
um stéttarfélögum og yfirheyrðir í
þaula um efni fundanna og hafðar
uppi kröfur um að fjölgað verði enn í
þeim hóp sem fundar með fulltrúum
ríkisstjórnarinnar.
Annar viðmælandi benti á að það
flækti stöðuna til muna hversu laun-
þegahreyfingin væri langt frá því að
vera ein samstiga heild. Þar væri
enginn einhugur um einn foringja og
samhenta forystu.
Samkvæmt upplýsingum Morgun-
blaðsins mun vera góð samstaða um
að láta svona kröfur ekki trufla starf-
ið og halda fast við það að fækka í
hópnum sem taki svo sameiginlega
við framhaldsvinnunni. Þrátt fyrir
ofangreindar lýsingar er sagður hafa
verið góður andi á þeim tveimur
fundum sem haldnir hafa verið.
Meira að segja ríkir ákveðin bjart-
sýni meðal viðmælenda á að niður-
staða geti fengist í samningum við
stóran hluta BHM, sem muni ekki
rugga bátnum um of, og verði það
raunin, sé boltinn á nýjan leik kom-
inn til almenna markaðarins. Verði
það niðurstaðan fást sex til níu mán-
uðir til þess að semja við aðra.
Treysta ekki stjórn og forystu
Farið að gæta ákveðinnar bjartsýni á að takist að semja við stóran hluta BHM á hófsömum nótum
Góður andi sagður vera á fundum stjórnvalda með fulltrúum almenna og opinbera markaðarins
Ráðherrabústaður Oddvitar rík-
isstjórnarflokkanna á fundi.
BAKSVIÐ
Agnes Bragadóttir
agnes@mbl.is
Haldnir hafa verið tveir fundir á milli
fulltrúa ríkisstjórnarinnar, fulltrúa
vinnumarkaðarins og hins opinbera,
samkvæmt yfirlýstum markmiðum
ríkisstjórnarinnar í stjórnarsáttmál-
anum. Fyrri fundurinn var haldinn
milli jóla og nýárs og sá síðari á mið-
vikudaginn var. Samkvæmt upplýs-
ingum Morgunblaðsins hafa fundirn-
ir gengið þokkalega og góðar
umræður átt sér stað.
Stefnt hafði verið að því að aðilar
funduðu a.m.k. vikulega út janúar-
mánuð og staðan yrði síðan metin að
því loknu. Morgunblaðið hefur upp-
lýsingar um að samtals séu um 20
Búast má við talsverðum umhleyp-
ingum í veðráttu á landinu í dag.
Suðlægar áttir verða ríkjandi og
nokkuð hvasst með éljum ef ekki
skúrum, þótt léttskýjað verði norð-
anlands.
Í kvöld kemur svo annað veðra-
kerfi inn og sennilegt er að því fylgi
snjókoma víða um sunnanvert land-
ið, að minnsta kosti inn til landsins.
„Á sunnudagsmorgun verður komin
suðvestanátt og éljagangur og við
gætum séð nokkra sentimetra af
snjó í borginni,“ sagði Þorsteinn V.
Jónsson, veðurfræðingur á Veð-
urstofu Íslands, í samtali við Mbl.is í
gærkvöldi.
Frá og með sunnudegi verður bít-
andi frost á öllu landinu, norðanátt
og kuldi í kortunum fram í vikuna,
þótt framan af verði yfirleitt bjart og
léttskýjað bæði norðanlands og
austan.
Kuldi er í
kortunum
Morgunblaðið/Hari
Vetur Það snjóar í borginni á sunnu-
dag og það kætir eflaust marga.
Höskuldur Daði Magnússon
hdm@mbl.is
Mikil fjölgun varð á brottförum er-
lendra farþega frá landinu um Kefla-
víkurflugvöll í fyrra. Þær voru alls
2.195.271 og fjölgaði um 427.545 frá
árinu 2016, eða um 24,2%. Þetta er
niðurstaða talningar Ferða-
málastofu og Isavia. Inni í þessum
tölum eru ekki þeir sem millilenda
hér á landi án þess að yfirgefa flug-
stöðina í Keflavík, nema þeir séu
svokallaðir sjálftengifarþegar.
Ferðamönnum frá Norður-
Ameríku fjölgaði mest allra. Alls
voru brottfarir þeirra 680 þúsund
talsins og fjölgaði um 181 þúsund frá
fyrra ári. Aukningin nemur 36,3%.
Ferðamönnum frá Mið- og Suður-
Evrópulöndum fjölgaði um 21,8% en
þeir fóru úr 356 þúsundum í 434 þús-
und. Sé horft til einstakra þjóðerna
voru Bandaríkjamenn fjölmennastir
ferðamanna hér, 576 þúsund talsins,
en Bretar næstir, 323 þúsund tals-
ins. Samanlagt nemur fjöldi ferða-
manna frá þessum tveimur þjóðum
41% heildarfjölda brottfara héðan.
Ferðamönnum fjölgaði hlutfalls-
lega mest að vori, um 36,7%, og að
vetri til, um 32,9%. Þegar tímabilið
2010-2017 er skoðað kemur í ljós að
hlutdeild sumarsins hefur minnkað
jafnt og þétt. Árið 2010 var nær
helmingur brottfara að sumri til en í
fyrra var hlutdeild sumarsins komin
í 35,4%. Vetrarferðum hefur aftur á
móti fjölgað. Þær voru 23% af heild-
arfjöldanum 2010 en eru nú komnar
í 33,3% miðað við tölur ársins 2017.
2,2 milljónir farþega í fyrra
Brottförum erlendra farþega í Keflavík fjölgaði um 24%
Bandaríkjamenn fjölmennastir Vetrarferðir æ vinsælli
Morgunblaðið/Hanna
Vetrarferð Sífellt fleiri ferðamenn
sækja Ísland heim að vetri til.