Morgunblaðið - 13.01.2018, Blaðsíða 26

26 FRÉTTIRErlent
MORGUNBLAÐIÐ LAUGARDAGUR 13. JANÚAR 2018
H
a
u
ku
r
0
1
.1
6
Viðskiptatækifæri á www.kontakt.is
• Arðsamt fyrirtæki með langa reynslu sem flytur inn og selur
véltæknibúnað aðallega tengdum sjávarútvegi, fiskeldi, en einnig
öðrum iðnaði. Velta undanfarin ár hefur verið á bilinu 150-200 mkr.
og EBITDA 25-40 mkr.
• Þekkt verslun með tölvur, síma og fylgihluti á frábærum stað.
Velta yfir 300 mkr.
• Vel innréttað kaffihús í miðbæ Reykjavíkur. Tækifæri fyrir öfluga
aðila að byggja enn frekar upp.
• Fjölskyldufyrirtæki sem vinnur að hönnun, prentun og framleiðslu
vara og lausna til fyrirtækja. Velta um 70 mkr. og hátt
hagnaðarhlutfall.
• Gott hótel á flottum stað miðsvæðis á Suðurlandi sem býður upp á
mikla möguleika fyrir áhugasaman, nýjan eiganda.
• Sérhæfð fiskvinnsla í vönduðu 350 fm leiguhúsnæði á
höfuðborgarsvæðinu. Velta um 260 mkr. Hagnaður af rekstri.
• Verslun sem byggir á erlendri skartgripalínu með tvær verslanir í
borginni. Stöðugur rekstur og góð afkoma.
• Gott fyrirtæki með áratuga sögu sem sérhæfir sig í vélaviðgerðum og
sölu varahluta sem það flytur sjálft inn. Velta nokkuð stöðug
undanfarin ár og jákvæð afkoma.
• Nýtt, lítið og sérlega fallegt hótel í Reykjanesbæ. Fær mjög góða
dóma á bókunarsíðum. Yfir 90% nýting.
• Fyrirtæki í framleiðslu úr ryðfríu stáli fyrir sjávarútveg og aðrar
atvinnugreinar. Stöðug velta 170 mkr. og góð afkoma.
Guðni Halldórsson
lögfræðingur,
gudni@kontakt.is
Þórarinn Arnar Sævarsson
fasteignaráðgjafi,
thorarinn@kontakt.is
Gunnar Svavarsson
viðskiptafræðingur,
gunnar@kontakt.is
Brynhildur Bergþórsdóttir
rekstrarhagfræðingur,
brynhildur@kontakt.is
Sigurður A. Þóroddsson
hæstaréttarlögmaður,
sigurdur@kontakt.is
Stefán Gunnar Sveinsson
sgs@mbl.is
Angela Merkel Þýskalandskanslari
tilkynnti í gær að kristilegir demó-
kratar hefðu náð samkomulagi við
Sósíaldemókrataflokkinn, SPD, um
að flokkarnir stefndu að myndun
nýrrar samsteypustjórnar, sem og
þau markmið sem slík stjórn myndi
setja sér.
Samkomulagið náðist eftir nætur-
langan fund, þar sem Merkel ræddi
við Martin Schulz, leiðtoga SPD
ásamt Horst Seehofer, leiðtoga
CSU, systurflokks kristilegra demó-
krata í Bæjaralandi. Samkomulagið
er 28 síðna langt og tekur á helstu
stefnumálum verðandi ríkisstjórnar,
en hún verður þó ekki formlega
mynduð fyrr en í vor. Sagði Seehofer
að vonir stæðu til að allt yrði frá-
gengið fyrir páska.
Nánari tengsl við Frakka
Í samkomulaginu sammælast
flokkarnir um að þeir vilji nánari
tengsl og samstarf við Frakka um
það hvernig hægt sé að „styrkja og
endurbæta“ evrusvæðið, en Emm-
anuel Macron Frakklandsforseti
hefur lagt áherslu á umbætur svo að
evran geti staðið áföll betur af sér.
Þá er höfuðáhersla lögð á að sam-
eiginleg utanríkis- og varnarmála-
stefna Evrópusambandsins verði
efld, sem og að búinn verði til gjald-
eyrissjóður Evrópu sem gæti veitt
neyðarlán til ESB-ríkja.
Samkomulagið tekur einnig á inn-
flytjendamálum og setja flokkarnir
sér það markmið að fjöldi hælisleit-
enda sem fái inngöngu í Þýskaland
verði takmarkaður við 200.000
manns á ári.
„Heimurinn bíður ekki“
Merkel sagði að sér væri létt að
þessum áfanga væri náð, þar sem
heimurinn biði ekki eftir Þýskalandi.
Brýnt væri að mynda nýja ríkis-
stjórn sem gæti boðað „nýtt upphaf
fyrir Evrópu“. Aðrir þjóðarleiðtogar
í Evrópu fögnuðu einnig tíðindunum
og sagði Macron Frakklandsforseti
að hann væri ánægður með að svo
virtist sem að stjórnarkreppan í
Þýskalandi væri á enda.
Það standa þó enn ljón á veginum,
og nefndu fréttaskýrendur sem
dæmi að flokksmeðlimir SPD ættu
eftir að kjósa um þátttöku flokksins í
stjórninni. Innan grasrótar flokksins
væru margir efins um að það væri
rétt skref að ganga aftur í eina sæng
með Merkel, sér í lagi eftir það af-
hroð sem sósíaldemókratar biðu í
kosningunum í september.
Grunnur lagður að stjórn
 Kristilegir demókratar og sósíaldemókratar ná samkomulagi um viðræður
 Vilja „nýtt upphaf“ fyrir ESB  Kalla eftir nánari tengslum við Frakkland
AFP
Samkomulag Þau Horst Seehofer, Angela Merkel og Martin Schulz voru
ánægð með samkomulagið, sem greiðir fyrir myndun nýrrar ríkisstjórnar.
Meðlimir japönsku stúlknahljómsveitarinnar Kasot-
suka Shojo, sem á íslensku gæti útlagst „Rafmyntar-
píurnar“, sjást hér stilla sér upp á tónleikum sveit-
arinnar í gær.
Markmið hljómsveitarinnar er að sögn meðlima
hennar að auka vitund almennings í Japan um svo-
nefndar rafmyntir eins og Bitcoin, og á hver meðlimur
sveitarinnar að tákna sérstaka rafmynt.
AFP
Vitundarvakning í formi popptónlistar
Samfélagsmiðill-
inn Facebook
hyggst breyta
því hvernig efni
birtist notendum
hans. Er mark-
miðið það að
auka hlutdeild
fjölskyldu og
vina á kostnað
fréttaveitna og
auglýsenda.
Mark Zuckerberg, stofnandi Fa-
cebook, viðurkenndi að niðurstaðan
gæti orðið sú að fólk myndi eyða
minni tíma á Facebook, en stjórn-
endur síðunnar sögðust vonast til
þess að reynsla notenda af síðunni
yrði þá betri. „Við vonum að þetta
muni ýta undir þýðingarmeiri sam-
skipti á milli fólks,“ segir Zucker-
berg.
Síðan hefur verið gagnrýnd á
undanförnum misserum fyrir að
hafa leyft svonefndum „fals-
fréttum“ að standa óáreittar, og
fyrir að gera lítið til þess að sporna
við hatursáróðri. Talið er að fyrir-
hugaðar breytingar eigi að hjálpa
til við að draga úr magni þess efnis
sem talið er óæskilegt.
Facebook breytir
efnisveitunni
Mark
Zuckerberg
BANDARÍKIN
Donald Trump Bandaríkjaforseti
neitaði því í gærmorgun að hann
hefði lýst nokkrum ríkjum þriðja
heimsins sem „skítaholum“. Um-
mælin, sem Washington Post greindi
frá, hafa vakið reiði og undrun í þeim
löndum sem sagt var að hefðu fallið
undir þessa skilgreiningu.
Í frétt dagblaðsins var sagt að
Trump hefði látið ummælin falla á
fundi með þingmönnum beggja
flokka á fimmtudaginn, en þar var
rætt um mögulegar umbætur á inn-
flytjendalöggjöf Bandaríkjanna.
Trump hins vegar sagði að hann
hefði vissulega beitt hvössu orðfæri
á fundinum, án þess að það hefði ver-
ið gróft eða særandi. Dick Durbin,
öldungadeildarþingmaður demó-
krata, hafnaði neitun Trumps og
sagði að forsetinn hefði notað orðið
„skítaholur“ oftar en einu sinni á
fundinum.
Tilgangur fundarins var að ræða
DACA, sérstakt verkefni sem hefur
forðað fólki sem kom ólöglega barn-
ungt til Bandaríkjanna frá því að
vera vísað úr landi. Var á fundinum
rædd málamiðlun á milli repúblikana
og demókrata, sem fæli í sér að
DACA yrði ekki numið úr gildi, líkt
og Trump hefur viljað, en í staðinn
yrði tekið fyrir ýmsar aðrar leiðir
fyrir fólk til þess að verða sér úti um
vegabréfsáritanir til Bandaríkjanna,
auk þess sem fjölskyldumeðlimir
þeirra sem þegar hefðu fengið áritun
ættu erfiðara með að flytja líka til
Bandaríkjanna.
Meintum orðum mótmælt
Afríkusambandið sendi frá sér yf-
irlýsingu þar sem ummælin voru
sérstaklega fordæmd fyrir kyn-
þáttahyggju. Ríkisstjórn Botswana
gekk skrefinu lengra og kallaði
sendiherra Bandaríkjanna á sinn
fund til þess að kvarta.
Þá kvartaði ríkisstjórn Haítí op-
inberlega yfir ummælunum, en
Trump sendi frá sér sérstaka yfirlýs-
ingu á Twitter, þar sem hann sagði
samskipti sín við Haítíbúa góð.
Trump neitar að hafa látið
niðrandi ummæli falla
 Forsetinn sagður hafa kallað þriðja heims ríki „skítaholur“
AFP
Trump Forsetinn hefur staðið í
ströngu á síðustu vikum.