Morgunblaðið - 13.01.2018, Blaðsíða 6

6 FRÉTTIRInnlent
MORGUNBLAÐIÐ LAUGARDAGUR 13. JANÚAR 2018
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Á InkaslóðumíPerú
Ferðalag til Perú er mikið ævintýri, en í þessu framandi landi
koma saman á heillandi hátt hin forna Inkamenning landsins,
litskrúðugir frumbyggjar og minjar frá nýlendutíma Spánverja.
Glæsileiki nýlenduborganna endurspeglar ríkidæmi þess tíma
og sýnir hversu stóran þátt það tímabil átti í sögu landsins.
Allir velkomnir á kynningarfund 15. janúar
kl. 20:00 hjá Bændaferðum í Síðumúla 2, 2. hæð.
sp
ör
eh
f.
15. - 29. september Fararstjóri: Guðrún Bergmann
Sigtryggur Sigtryggsson
sisi@mbl.is
Myndast hefur þrýstingur á stjórn-
völd að ráðast í tvöföldun Vestur-
landsvegar á Kjalarnesi. Það getur
þó ekki gerst alveg í bráð því ekkert
deiliskipulag er til fyrir vegarstæðið.
Í fjárlögum ársins 2018 er gert ráð
fyrir 200 milljónum króna til að gera
hringtorg á Esjumelum. Ekki er
gert ráð fyrir frekari framlögum til
vegabóta þarna, að sögn G. Péturs
Matthíassonar, upplýsingafulltrúa
Vegagerðarinnar.
„Í samgönguáætluninni sem sam-
þykkt var haustið 2016 voru settar
700 milljónir í breikkun en það skil-
aði sér ekki í fjárlög og hefur ekki
gert enn. Því verður að bíða nýrrar
samgönguáætlunar sem á að leggja
fyrir Alþingi á þessu þingi til að vita
hvað verður með það. Málið er hins
vegar í deiliskipulagsferli og reikn-
um við með að sú vinna klárist í vor,“
segir G. Pétur. Síðan þarf að auglýsa
skipulagið með athugasemdafresti.
Í fyrravor var lýsing vegna nýs
deiliskipulags á Vesturlandsvegi á
Kjalarnesi birt á vef Reykjavíkur-
borgar. Nær nýtt deiliskipulag til
hringvegar (1) um Vesturlandsveg
frá sveitarfélagsmörkum við Mos-
fellsbæ að Hvalfjarðargöngum. Um
er að ræða u.þ.b. 14 kílómetra kafla.
Vegagerðin hyggur á framkvæmdir
á um 9 km kafla fyrir 2+1-veg frá
Hvalfjarðargöngum að Kollafirði í
núverandi vegarstæði.
Til lengri framtíðar er gert ráð
fyrir mislægum gatnamótum á
þremur stöðum við Vesturlandsveg á
Kjalarnesi, en tímasetning slíkra
framkvæmda verður metin út frá
aukningu umferðar og umferðar-
öryggi. Samhliða því yrði vegi breytt
í 2+2-veg. Á deiliskipulagssvæðinu
verða 42 gatnamót, tengingar, þver-
anir o.fl. á þessum kafla.
Bæjarstjórn Akraness skoraði í
vikunni á samgönguyfirvöld að
bregðast nú þegar við ástandi Vest-
urlandsvegar á Kjalarnesi og verja
frekari fjármunum til nauðsynlegra
úrbóta vegna tvöföldunar vegkafl-
ans. Þá hefur verið stofnaður
facebookhópurinn „Til öryggis á
Kjalarnesi“ og einnig er hafin undir-
skriftasöfnun á netinu þar sem þess
er krafist að farið verði strax í úr-
bætur á veginum. Þúsundir hafa
skrifað undir nú þegar.
Deiliskipulag í vinnslu
fyrir Vesturlandsveg
 Þrýstingur á
tvöföldun vegarins
á Kjalarnesi eykst
Morgunblaðið/Ómar
„Nei, ég held að það hafi enginn
áhyggjur af ástandinu hér heima.
Það er ennþá spáð áframhaldandi
meiri vexti í eftirspurn en framboði á
heimsmarkaði,“ segir Kristján Þ.
Davíðsson, framkvæmdastjóri
Landssambands fiskeldisstöðva.
Greint var frá því í vikunni að lax-
eldisfyrirtækið Bakkafrost í Færeyj-
um hefði sagt upp 147 starfsmönnum
af 300 í vinnslustöð fyrirtækisins.
Eru uppsagnirnar raktar til minnk-
andi eftirspurnar eftir eldislaxi. Fyr-
irtækið hafi gert færri sölusamninga
en áður og lækkun á heimsmarkaðs-
verði á eldislaxi hafi áhrif á afkomu.
Kristján segir í samtali við Morg-
unblaðið að verð hafi farið mjög hátt
í fyrra. Neytendur hafi brugðist við
og stórmarkaðir úti í heimi hafi í
kjölfarið minnkað hillupláss.
„Verðið hefur lækkað aðeins síðan
það var í hæstu hæðum í fyrra,“ seg-
ir hann og telur ekki tilefni til að ör-
vænta.
„Nei. Bakkafrost er vel rekið fyr-
irtæki. Það er í kauphöllinni í Osló og
verksmiðja þeirra er með hátækni-
búnað, meðal annars frá Íslandi. Eft-
irspurnin var svo mikil í fyrra að þeir
unnu líka á næturvöktum. Þeir voru
núna að segja upp næturvaktinni
vegna minnkandi eftirspurnar en
þeir vonast til þess að geta tekið
fólkið inn aftur um mitt ár.“
Er gott hljóð í fólki hér heima?
„Já, við höfum fundað með Hafró
og lítum fram til þess að það verði
unnið úr þessum tillögum að mót-
vægisaðgerðum. Þá hefur Kristján
Þór sjávarútvegsráðherra boðað
lagabreytingar núna í mars. Við er-
um spennt að vita hvaða áhrif þær
munu hafa.“ hdm@mbl.is
Spáð meiri vexti
 Bjartsýni í laxeldi hér á landi þrátt
fyrir uppsagnir í Færeyjum í vikunni
„Með þessu erum við að byrja kosn-
ingabaráttuna, en við ætlum að fá til
okkar allar þær sjálfstæðiskonur
sem hyggja á framboð,“ segir Vala
Pálsdóttir, for-
maður Lands-
sambands sjálf-
stæðiskvenna, í
samtali við Morg-
unblaðið og vísar
í máli sínu til þess
að í dag, 13. jan-
úar, fer fram
fundur með kven-
kynsframbjóð-
endum Sjálf-
stæðisflokksins fyrir komandi
sveitarstjórnarkosningar. Fund-
urinn fer fram í Valhöll í Reykjavík
og hefst dagskrá klukkan 10.
Meðal þeirra sem taka til máls á
fundinum eru Sólveig Pétursdóttir,
fyrrverandi dóms- og kirkjumála-
ráðherra, og Áslaug Arna Sigur-
björnsdóttir, þingmaður og ritari
Sjálfstæðisflokksins. „Sólveig mun
m.a. greina frá reynslu sinni af
stjórnmálaþátttöku og hvernig best
sé að taka fyrstu skrefin í pólitík.
Áslaug Arna mun síðan ræða um
hvernig best sé að koma sér á fram-
færi, bæði innan flokks og utan,“
segir Vala, en sjálf mun hún taka
fyrir ímynd stjórnmálamanna í
ávarpi sínu á fundinum.
Þá verður einnig svonefnd bak-
varðasveit sjálfstæðiskvenna kynnt
til sögunar. „Þetta er hópur kvenna
sem um árabil hafa verið þátttak-
endur í íslenskum stjórnmálum,
bæði á þingi og í sveitarstjórnum.
Þessi reynda og kröftuga bakv-
arðasveit er tilbúin að veita hverri
konu ráð og hvatningu, stuðning og
liðsinni eftir þörfum. Við væntum
þess að aðrir flokksmenn láti ekki
sitt eftir liggja í hvatningu og stuðn-
ingi,“ segir Vala og bætir við: „Bakv-
arðasveitin er því hvatning til
kvenna um að halda áfram og sækja
fram.“ khj@mbl.is
Baráttan
undirbúin
í Valhöll
 Bakvarðasveit
kvenna kynnt á fundi
Vala
Pálsdóttir
Guðrún Erlingsdóttir
ge@mbl.is
,,Það er ágætt að frétta af hafern-
inum, hann er hér í góðu yfirlæti og
byrjaður að flúga svolítið á milli
enda í búrinu,“ segir Jón Gíslason,
yfirdýrahirðir í Húsdýragarðinum,
um haförninn sem Snorri Rafnsson
fangaði nálægt Ólafsvík fyrri part
desember og kom með í Húsdýra-
garðinn til aðhlynningar.
Jón segir að unnið sé að því að
byggja örninn betur upp svo hægt
verði að sleppa honum nálægt þeim
slóðum sem hann er frá. „Það er
ekki vitað hvað var að angra örninn
en hann var frekar magur þegar
hann kom til okkar, “ segir Jón og
bætir við að örninn sé óvenjuróleg-
ur og gæfur.
„Hann étur orðið vel en það geta
liðið dagar eða vikur þangað til við
teljum hann tilbúinn til sleppingar.
Við sleppum honum allavega ekki í
þeim umhleypingum sem nú eru í
veðrinu, segir Jón og bendir á að
gestum Húsdýragarðsins gefist nú
sérstakt tækifæri á því að komast í
návígi við haförn.
Ljósmynd/Jón Gíslason
Tignarlegur Í Húsdýragarðinum geta gestir séð rólegan og gæfan haförn.
Haförninn farinn
að fljúga í búrinu
 Óvenjurólegur og gæfur  Étur vel
Álag á Landspítala hefur verið með
mesta móti síðustu daga. Tæplega
220 manns leituðu á bráðamóttöku í
Fossvogi í gær, þar af um helm-
ingur vegna hálkuslysa.
„Þetta er gríðarlegur fjöldi og að
líkindum eitt það mesta sem við
höfum séð í langan tíma. Meiðslin
eru misalvarleg en mikill fjöldi hef-
ur þó þurft skurðaðgerð og legu hjá
okkur í framhaldinu,“ segir Páll
Matthíasson, forstjóri spítalans, í
pistli á heimasíðu hans.
Samhliða þessum tíðu hálkuslys-
um færist inflúensa enn í aukana og
hefur það aukið álagið á Land-
spítala.
„Þessi árstíðabundna aukning í
starfseminni kemur okkur auðvitað
ekki á óvart, þótt vissulega sé hér
nokkur viðbót við það sem við erum
vön að sjá. Æskilegt væri að við
gætum fjölgað starfsfólki hjá okkur
og aukið framboð legurýma við
þessar aðstæður en því miður er
staðan sú að vegna skorts á starfs-
fólki – einkanlega hjúkrunarfræð-
ingum – hefur þurft að fækka legu-
rýmum fremur en hitt,“ segir
forstjórinn. hdm@mbl.is
Mikið álag vegna
hálkuslysa og flensu
Morgunblaðið/Hanna
Hálka Fljúgandi hált hefur verið
undanfarið og margir slasað sig.
 220 leituðu á
bráðamóttöku í
Fossvogi í gær