Morgunblaðið - 13.01.2018, Blaðsíða 40
40 MINNINGAR
MORGUNBLAÐIÐ LAUGARDAGUR 13. JANÚAR 2018
✝ Sigríður Theo-dóra Sæ-
mundsdóttir fædd-
ist 10. júlí 1931 í
Reykjavík og ólst
þar upp. Hún and-
aðist á Hjúkr-
unarheimilinu
Lundi, Hellu, 6.
janúar 2018.
Foreldrar henn-
ar voru hjónin Sæ-
mundur Sæmunds-
son kaupmaður og Helga Fjóla
Pálsdóttir húsfreyja.
Dóra, eins og hún var ávallt
kölluð, var elst þriggja syst-
kina, þeirra Margrétar, f. 16.
nóvember 1937, og Sæmundar,
f. 18. nóvember 1946.
Hinn 26. apríl 1954 giftist
Dóra Guðna Kristinssyni,
bónda í Skarði, f. 6. júlí 1926,
d. 25. desember 1998. Guðni
þeirra eru Erlendur, andvana
f. drengur 1984 og Guðni. Af
fyrra hjónabandi átti Ingvar
börnin Guðlaugu, Ingólf og Sæ-
mund. Langömmubörnin eru
orðin átján.
Dóra lauk gagnfræðaprófi
frá Gagnfræðaskóla Vestur-
bæjar 1948 og stundaði versl-
unarstörf í Reykjavík, þar á
meðal í Kiddabúð, þar til hún
flutti að Skarði aðeins 19 ára
gömul. Hún gegndi margvís-
legum trúnaðarstörfum, þar á
meðal sem formaður Kven-
félagsins Lóu í 41 ár, sat í
stjórn SSK, söng í kirkjukór
Skarðskirkju til fjölda ára,
seldi veiðileyfi fyrir Veiðifélag
Landmannaafréttar í áratugi
og ófáar voru skattskýrslurnar
sem hún gerði fyrir sveitunga
sína. Árið 2002 fékk Dóra
fálkaorðuna fyrir störf í þágu
safnaðar- og félagsmála.
Síðustu árin dvaldi Dóra á
Hjúkrunarheimilinu Lundi,
Hellu.
Útför hennar fer fram frá
Skarðskirkju í Landsveit í dag,
13. janúar 2018, klukkan 14.
var sonur
hjónanna Sigríðar
Einarsdóttur ljós-
móður og Kristins
Guðnasonar, bónda
í Skarði.
Börn Dóru og
Guðna eru: 1)
Kristinn, f. 6.
desember 1950.
Hann á fjögur
börn með fyrri eig-
inkonu sinni, Fjólu
Runólfsdóttur. Þau eru Borg-
hildur, Guðni, Sigríður Theo-
dóra og Laufey Guðný.
Uppeldisbróðir þeirra er Magn-
ús. Seinni kona Kristins er
Marjolijn Tiepen og eiga þau
dæturnar Heklu Katharínu og
Rakel Nathalie. 2) Helga Fjóla,
f. 7. nóvember 1957. Hún var
gift Eggerti Ingvari Ingólfs-
syni, d. 21. febrúar 2010. Synir
Í dag kveðjum við ömmu Dóru
sem hefur verið samofin lífi okk-
ar alla tíð. Amma var traust og
hlý manneskja, hún var okkar
stoð og stytta. Við kveðjustund
erum við innilega þakklát fyrir
margar dýrmætar minningar frá
uppvaxtarárunum með ömmu.
Amma var eldklár og nám var
alltaf í forgangi hjá henni. Þær
eru ófáar stundirnar sem amma
eyddi með okkur í heimalærdómi
og þá sérstaklega stærðfræði.
Hún lagði mikla áherslu á að við
fengjum góða menntun og var
ávallt stolt þegar við lukum ein-
hverjum menntaáfanganum. Í
gegnum skólagöngu okkar kom
hún á allar skólaskemmtanir,
skólaslit og útskriftir hvort sem
það var í grunn-, framhalds- eða
háskóla.
Söngur og ræðuhöld lágu vel
fyrir ömmu Dóru. Hún var virk í
kirkjukór Skarðskirkju og kór-
inn var henni mjög kær. Hún var
alltaf tilbúin að halda ræður við
alls konar tilefni. Við barnabörn-
in áttum nú til að finnast amma
okkar tala heldur of mikið og ein-
hverra hluta vegna fannst okkur
við einungis heyra í ömmu
syngja í kórnum. Í dag sjáum við
að það hefur klárlega verið „ung-
lingaveiki“ sem var að plaga okk-
ur því við vorum alltaf svo stolt af
henni, því hún skilaði öllu svo vel
frá sér og komst vel að orði.
Þó að amma hafi alltaf haft
nóg fyrir stafni hafði hún ákaf-
lega gaman af því að horfa á sjón-
varp. Leiðarljós (Guiding Light)
var svo sannarlega þátturinn
hennar. Það var hennar stund að
setjast niður að horfa á Leiðar-
ljós en stundum þurfti hún að
bregða sér af bæ og þá var það
hlutverk okkar að taka þáttinn
upp á vídeóspólu. Amma var
mjög skapgóð og blíð manneskja
en ef upptaka af Leiðarljósi
klikkaði var amma ekki kát.
Leiðarljós var svo skyndilega
tekið af dagskrá og byrjaði okkar
kona þá að horfa á Glæstar vonir
(Bold and the Beautiful) og það
sem hún gat hneykslast á henni
Brók (Brook) eins og hún kallaði
hana. Amma var gestrisin kona
og höfðingi heim að sækja. Það
var henni gífurlega mikilvægt að
eiga alltaf nægan mat og bakk-
elsi fyrir heimilisfólk, vinnufólk
og aðra gesti sem bar að garði.
Við minnumst þess að það var
alltaf morgunmatur, tíukaffi,
heitur hádegismatur, síðdegis-
kaffi og heitur kvöldmatur. Það
var ekki tiltökumál fyrir hana að
fá óvænt 20 manns í mat. Við eig-
um yndislegar minningar um allt
það góða sem amma eldaði og
bakaði. Auk þess er dýrmætt að
hafa fengið að taka þátt í því með
henni til dæmis að gera fróm-
asinn fyrir jólin, taka slátur og
baka heimsins bestu pönnu-
kökur.
Að leiðarlokum er okkur efst í
huga þakklæti og ljúfar minning-
ar um elsku ömmu okkar. Við
eigum eftir að sakna hennar en
við vitum að það verður tekið vel
á móti ömmu og að hún verður
hrókur alls fagnaðar með söng
sínum og ræðum.
Takk fyrir samfylgdina elsku
amma Dóra, þú munt alltaf eiga
stóran hluta í hjarta okkar.
Minning þín mun alltaf lifa.
Hvíldu í friði.
Þín barnabörn
Borghildur, Magnús,
Guðni, Sigríður Theo-
dóra og Laufey Guðný.
Elsku amma, þá ertu búin að
fá hvíldina. Þú sagðir oft við mig
þegar við vorum að tala saman
um eldra fólkið í sveitinni að mik-
ið væri óskandi að hann eða hún
fengi að kveðja fljótt heldur en
að kveljast og líða illa. Þetta
hugsaði ég oft um þig, að þú
þyrftir ekki að kveljast heldur
fengir að kveðja í fullu fjöri. Mér
fannst þú ekki eiga skilið að
þurfa að lifa með því að geta ekki
tjáð þig, síðustu þrjú árin varst
þú ekki með fullt vald á máli þínu
og það var þér erfitt. Þú varst
manneskja sem vildir blanda
geði við fólk og hafa skoðanir á
hlutunum.
Oft er sagt um fólk úr hverju
það er gert en það átti vel við um
þig. Það færi enginn í fötin þín í
dag og myndi selja veiðileyfi í
Veiðivötn og vera með yfir 20
manns í heimili en þetta gerðir
þú með öllum öðrum störfum
sem til féllu á heimilinu. Það var
oft líf og fjör í eldhúsinu því veiði-
leyfasalan stóð sem hæst í há-
deginu enda kom það fyrir að þú
sofnaðir eftir hádegið við að
brjóta saman þvott. Amma var
alltaf fyrst að vakna á morgnana.
Síðan kallaði hún niður í kjall-
arann: „Vaknið, það er kominn
dagur.“ Áður var hún búin að
fara niður í kjallarann og vekja
hljóðlega kúasmalann.
Amma var sú manneskja sem
alltaf var hægt að leita til, hún
hafði ákaflega gaman af að að-
stoða fólk við lærdóm. Það voru
margir sem hún kom í gegnum
bílprófið og sumum oft. Amma
var mikill stærðfræðingur og
hafði gaman af að reikna, hún
taldi fram fyrir marga sveitunga
sína. Það var oft skrautlegt skrif-
borðið hjá henni á skrifstofunni
þegar hún var í skattframtölun-
um. Árið 2004 fórum við í bú-
rekstur saman ásamt Borghildi,
við stofnuðum Félagsbúið Skarði
sf. Í dag finnst mér gaman að
geta sagt að ég hafi verið í fyrir-
tækjarekstri með ömmu. Amma
lagði áherslu á í okkar búskap að
jörðin yrði ræktuð og byggð upp.
Maður hafði það stundum á til-
finningunni að hún væri jafnaldri
manns þegar kom að ákvarðana-
töku í búskapnum.
Sumarliði, Helga Fjóla og
Anna Sigríður eru ævinlega
þakklát fyrir að hafa getað haft
þig nærri á sínum fyrstu árum.
Þeim fannst alltaf gott að geta
leitað til þín og fengið hjá þér
eitthvað gott. Við Berglind þökk-
um þér fyrir þær góðu stundir
sem við áttum með þér hér heima
í Skarði og á Lundi. Megi góður
Guð geyma þig og hvíldu í friði.
Erlendur, Berglind,
Sumarliði, Helga Fjóla
og Anna Sigríður.
Í dag kveðjum við elsku ömmu
Dóru sem við erum svo heppin að
hafa fengið að kynnast. Amma
Dóra var besta amma sem hægt
er að hugsa sér. Hún var traust,
ávallt til staðar og einstaklega
góð manneskja. Við systkinin
eigum margar hlýjar minningar
frá tíma okkar með henni sem við
munum varðveita alla tíð. Við
vorum svo lukkuleg að búa stutt
frá ömmu og gátum því oft kíkt í
heimsókn eða farið í pössun til
hennar. Það var alltaf jafn nota-
legt að koma til ömmu, bæði í
Skarð og síðar á Lund. Amma
átti alltaf til svokallaða Gifflar-
kanilsnúða sem við höldum öll
mikið upp á en það var ósjaldan
sem maður kom í heimsókn eftir
skóla og fékk sér eins og nokkra
kanilsnúða hjá ömmu. Í frysti-
kistunni átti hún líka alltaf til ís,
enda sjálf mikill aðdáandi og
örugglega stærsti viðskiptavinur
Ísbílsins í Landsveitinni og þótt
víðar væri leitað. Amma Dóra
missti aldrei af skólaskemmtun-
um okkar í Laugalandsskóla;
hvort sem það voru árshátíðir,
litlu jólin eða aðrir viðburðir viss-
um við alltaf af ömmu í salnum.
Það kemur þó eflaust engum á
óvart sem þekktu hana, þar sem
hún var mikil félagsvera og þótti
gaman að samkomum. Okkur
systkinunum þykir einnig af-
skaplega gaman að vera með
fólki og viljum helst ekki missa af
neinu, sem er mikið í anda ömmu
okkar.
Athvarf hlýtt við áttum hjá þér
ástrík skildir bros og tár.
Í samleik björt, sem sólskinsdagur
samfylgd þín um horfin ár.
Fyrir allt sem okkur varstu
ástarþakkir færum þér.
Gæði og tryggð er gafstu
í verki góðri konu vitni ber.
Aðalsmerkið: elska og fórna
yfir þínum sporum skín.
Hlý og björt í hugum okkar
hjartkær lifir minning þín.
(Ingibjörg Sigurðardóttir)
Við þökkum fyrir alla ástina
og hamingjuna sem þú gafst okk-
ur, elsku amma Dóra.
Karen, Kristinn Ásgeir
og Steindór Orri.
Í dag kveðjum við Dóru okkar
sem við öll þekktum svo vel sem
hana Dóru í Skarði. Dóra hét
fullu nafni Sigríður Theódóra
Sæmundsdóttir og var húsfreyja
á Skarði á Landi. Hún var gift
Guðna Kristinssyni, bónda á
Skarði og hreppstjóra í Land-
sveit. Fyrir okkur var hún þó
ýmist Dóra systir, Dóra frænka
eða Dóra stóra, þ.e. þegar litla
Dóra kom í heiminn, og síðan
auðvitað Dóra amma.
Dóra lék stórt hlutverk í lífi
okkar allra enda þær systur
Margrét og Dóra ávallt mjög
nánar. Dóra var traust og góð
stóra systir og veitti styrk og
stuðning þegar á þurfti að halda.
Hún hefur ávallt opnað heimili
sitt fyrir fjölskyldu okkar og átt
stóran þátt í uppeldi strákanna
enda Skarð á tímum okkar annað
heimili.
Allt frá því að við strákarnir
vorum smápollar notuðum við
hvert tækifæri til fara austur að
Skarði og allir vorum við svo
Sigríður Theodóra
Sæmundsdóttir
Flatahraun 5a • www.utfararstofa.is • Símar: 565 5892 & 896 8242
ÚTFARARSTOFA HAFNARFJARÐAR
ÚTFARARSTOFA ÍSLANDS
Auðbrekku 1, Kópavogi síðan 1996
ALÚÐ •VIRÐING • TRAUST • REYNSLA
Símar allan sólarhringinn: 581 3300 & 896 8242 • www.utforin.is
Komum heim til aðstandenda og ræðum skipulag útfarar ef óskað er.
Margrét Ásta GuðjónsdóttirSverrir EinarssonKristín Ingólfsdóttir
Innilegar þakkir fyrir auðsýnda samúð við
andlát hjartkærs eiginmanns, föður,
tengdaföður og afa,
ÞORSTEINS RAGNARSSONAR,
Fornasandi 6, Hellu.
Sendum ykkur öllum hugheilar óskir um
gleði og frið á nýju ári.
Sigríður Hannesdóttir
Halldóra Þorsteinsdóttir Gils Jóhannsson
Viðar Már Þorsteinsson Sigdís Hrund Oddsdóttir
og barnabörn
Innilegar þakkir til þeirra sem sýndu okkur
samúð við andlát föður okkar,
ÓLAFS EGILSSONAR
frá Hnjóti,
Örlygshöfn.
Sérstakar þakkir færum við starfsfólkinu á
öldrunardeild Vífilsstaða, kviðarhols- og þvagfæraskurðdeild,
og lungnadeild Landspítalans fyrir umhyggju og hlýhug.
Anna Heiða Ólafsdóttir
Guðný Ólafsdóttir Sverkmo
Egill Ólafsson
og fjölskyldur
Þökkum auðsýnda samúð og hlýhug við
andlát og útför okkar ástkæra
GUNNARS DANÍELS SÆMUNDSSONAR
bónda
frá Broddadalsá.
Kristjana Brynjólfsdóttir
Brynja Guðbjörg Valgeirsd.
Sæmundur Gunnarsson Guðrún Gígja Karlsdóttir
Hafdís Gunnarsdóttir Hjörtur Númason
Brynjólfur Gunnarsson Fanney Kristjánsdóttir
barnabörn og barnabarnabörn
Ástkær eiginkona mín, móðir okkar,
tengdamóðir og amma,
HULDA BJÖRNSDÓTTIR,
lést sunnudaginn 17. desember.
Útförin hefur farið fram í kyrrþey að ósk
hinnar látnu.
Jón Hólm Einarsson
Kolbrún Jónsdóttir Þuríður Jónsdóttir
Rakel Jónsdóttir Frímann Kjerúlf
Ísfold og Áróra
Þökkum auðsýnda samúð og hlýhug við
andlát og útför móður okkar, tengdamóður,
ömmu og langömmu,
AÐALBJARGAR KRISTJÁNSDÓTTUR,
Hjallaseli 55.
Sérstakar þakkir færum við starfsfólki
Seljahlíðar.
Ágúst Ingi Andrésson Bryndís Jónsdóttir
Ingibjörg Andrésdóttir Hreinn Guðmundsson
Helgi Magnússon
ömmu- og langömmubörn
Innilegar þakkir til þeirra er sýndu okkur
samúð og hlýhug vegna andláts og útfarar
KRISTJÖNU HÖLLU INGÓLFSDÓTTUR
frá Kirkjubóli,
Dalbraut 14,
Reykjavík.
Sérstakar þakkir til starfsfólks A7 á Landspítalanum.
Grímur Benediktsson
Benedikt G. Grímsson
Anna Inga Grímsdóttir Svanur Ingimundarson
Gunnar Rúnar Grímsson Ragna Þóra Karlsdóttir
Smári Gunnarsson Stephanie Thorpe
Grímur Gunnarsson
Sara Benediktsdóttir Albert Valur Albertsson
Lilja Karen Albertsdóttir
Innilegar þakkir til þeirra er sýndu okkur
samúð við andlát og útför ástkærrar móður
okkar, tengdamóður, ömmu, langömmu
og langalangömmu,
ÖNNU AÐALHEIÐAR
GUÐMUNDSDÓTTUR,
Munkaþverá, Eyjafirði.
Sérstakar þakkir til starfsfólks Skógarhlíðar fyrir góða umönnun
og hlýhug í hennar garð.
Stefán G. Jónsson Sigríður Jónsdóttir
Guðrún M. Jónsdóttir Jón Már Björgvinsson
Jón Heiðar Jónsson
Vilhjálmur Björn Jónsson
Guðmundur Geir Jónsson Doris Aníta Adamsdóttir
Þorgeir Smári Jónsson Erla Sigríður Magnúsdóttir
Þóra Valgerður Jónsdóttir Vignir Bragi Hauksson
barnabörn, barnabarnabörn
og barnabarnabarnabörn