Morgunblaðið - 13.01.2018, Blaðsíða 20

20 FRÉTTIRInnlent
MORGUNBLAÐIÐ LAUGARDAGUR 13. JANÚAR 2018
Eltak sérhæfir sig í sölu
og þjónustu á vogum
ÚR BÆJARLÍFINU
Guðrún Vala Elísdóttir
Borgarnesi
Árið 2018 byrjaði hressilega,
fyrst með fimbulkulda og síðan
með roki og rigningu. Borgnes-
ingar eru ávallt hressir og enduðu
jólin með flugeldasýningu í Eng-
lendingavík á þrettándanum.
Sama dag opnaði Guðrún
Helga Andrésdóttir sína fyrstu
myndlistarsýningu í Hallsteinssal
Safnahússins, „Staðir allt um
kring“, og stendur sýningin til 2.
mars nk. Guðrún, sem rekur ættir
bæði í Borgarfjörð og til Þingeyj-
arsýslu, býr í Borgarnesi, hefur
lagt stund á myndlist um margra
ára skeið og sótt ýmis námskeið á
því sviði. Verkin á sýningunni eru
flest máluð á síðasta ári og eru
ýmist vatnslita- eða olíumyndir.
Myndefnið sækir hún til staða sem
hún tengist á einhvern hátt, m.a.
átta bæja í Hálsasveit auk Hafn-
arfjallsins og Skarðsheiðar o.fl.
  
Dimmi dagurinn var haldinn í
gær, 12. janúar, en þetta var í ann-
að sinn sem hversdagsleikinn er
brotinn upp og upplifaður á annan
hátt. Voru íbúar hvattir til þess að
vera án raftækja í einn dag og
draga fram kerti og vasaljós, spila-
stokka og borðspil, auk þess að
minnast gamla tímans og þakka
fyrir þægindi nútímans.
Safnahús Borgarfjarðar lét
ekki sitt eftir liggja og bauð upp á
tengda viðburði, t.d. hádegisfyr-
irlesturinn „Straumlaust á Mýr-
um“ sem Jóhanna Skúladóttir
flutti. Boðið var upp á flatkökur
með hangikjöti og mysa drukkin
með. Vasaljósaganga var farin í
skógræktinni að Bjargi og söng-
konan Soffía Björg var með óraf-
magnaða tónleika á Borgarnes HI
hosteli.
  
Um áramótin var gengið frá
eigendaskiptum á Farfuglaheim-
ilinu í Borgarnesi. Búið er að gera
töluverðar endurbætur á Farfugla-
heimilinu sem hafa tekist vel og
eru til sóma, bæði hvað varðar
ásýnd og umhverfi. Farfuglaheim-
ilið er að nálgast 10 ára aldurinn í
fyrrverandi bæjarskrifstofum
Borgarbyggðar sem hentar þessari
starfsemi vel. Nýjum eigendum er
óskað velfarnaðrar í þessu verk-
efni.
  
Vaxandi eftirspurn er eftir
ósnortnum útvistarsvæðum þar
sem fólk sækir í friðsæld og fallegt
umhverfi sér til heilsubótar og af-
slöppunar. Ein slík náttúruperla er
í nágrenni Borgarness: fólkvang-
urinn Einkunnir. Tekist er á um
hvort áform sveitarstjórnar
Borgarbyggðar um að leyfa
skotæfingasvæði við fólkvanginn
Einkunnir séu æskileg, en það eru
að margra mati hrein afglöp að
ætla að leyfa slíkt með tilheyrandi
hávaða á þessu svæði.
Ekkert rafmagn á dimma
deginum í Borgarfirði
Morgunblaðið/Guðrún Vala Elísdóttir
Náttúrumálverk Fjöllin í Borgarbyggð eru eins og málverk og listamenn sækja gjarnan innblástur þangað.
Skapti Hallgrímsson
skapti@mbl.is
Fyrst beina flugið frá Bretlandi til
Akureyrar á vegum ferðaskrifstof-
unnar Super Break var í gær.
Boeing 737-800-vél á vegum fé-
lagsins lenti í hádeginu með 185 far-
þega og var tekið á móti hópnum
með viðhöfn. Bæjarstjórinn á Akur-
eyri og ráðherra ferðamála klipptu á
borða eftir að farþegar gengu frá
borði. Með vélinni fóru svo rúmlega
100 farþegar frá Akureyri til Edin-
borgar, höfuðborgar Skotlands; sá
hópur kemur aftur heim á mánudag
og Bretarnir snúa þá sömuleiðis til
síns heima.
Starfsmenn Super Break hafa
lengi unnið að skipulagningu flug-
ferðanna til Akureyrar og urðu und-
irtektir miklu betri en þeir þorðu að
vona. Var því ferðum fjölgað frá því
sem upphaflega var ráðgert og nú í
janúar og febrúar koma um 2.500
breskir ferðamenn til að skoða sig
um á Norðurlandi.
„Farþegarnir munu reyna að
koma auga á norðurljósin, skoða
náttúrufegurðina við Mývatn og
upplifa margvíslega aðra hluti, til
dæmis fara í hvalaskoðun, á skíði og í
jeppaferðir,“ sagði Chris Hagan
fulltrúi ferðaskrifstofunnar, við
Morgunblaðið.
Vélin í gær kom frá Cardiff í Wa-
les og þar heilsaði fyrirliði íslenska
landsliðsins í fótbolta, Akureyring-
urinn Aron Einar Gunnarsson, upp á
ferðalangana fyrir brottför að beiðni
ferðaskrifstofunnar. Flogið verður
héðan og þaðan frá Bretlandi í vetur
og Hagan sagði að næsta vetur yrði
flogið enn oftar og frá enn fleiri
borgum.
Þórdís Kolbrún Reykfjörð Gylfa-
dóttir, ráðherra ferðamála, sagði að
þessi viðbót yrði lyftistöng fyrir fyr-
irtæki á svæðinu og samfélagið í
heild sinni nyti góðs af því. „Þetta er
sannarlega stór dagur í ferðaþjón-
ustunni, ekki bara hér á Norðurlandi
heldur fyrir íslenska ferðaþjónustu
almennt. Í dag hefur enn ein varðan
verið reist í þeirri viðleitni að gera
landið allt að áfangastað allt árið,“
sagði ráðhera í gær.
Morgunblaðið/Skapti Hallgrímsson
Klipping Eiríkur Björn Björgvinsson bæjarstjóri og Þórdís Kolbrún R.
Gylfadóttir, ráðherra ferðamála, klipptu á borða. Til hliðar Hjördís Þór-
hallsdóttir flugvallarstjóri og Hugo Kimber, frá ferðaskrifstofunni.
„Stór dagur í
ferðaþjónustunni“
Fengu pönnukökur
» Baldvin H. Sigurðsson, veit-
ingamaður á Akureyrar-
flugvelli, bakaði 400 pönnu-
kökur í gæmorgun, sem
farþegarnir frá Cardiff þáðu
við komum til landsins.
» Fulltrúi ferðaskrifstofunnar
Super Break sagði Morgun-
blaðinu að stefnt væri að því
að bjóða Íslendingum upp á
ferðir til margra breskra borga
frá Akureyri næsta vetur.
Saurgerlar fundust í þremur sýn-
um sem Veitur ofh. tóku úr neyslu-
vatni úr borholum á vatnsvernd-
arsvæðinu í Heiðmörk sl.
þriðjudag. Sýnatakan var fram-
kvæmd vegna mikils vatnsveðurs.
Greindist ein E. coli í 100 ml, að
því er fram kemur í tilkynningu frá
Heilbrigðiseftirliti Reykjavíkur.
Samkvæmt reglugerð um neyslu-
vatn á E.coli ekki að finnast í
neysluvatni. Ljóst er að um
minnsta mögulega frávik er að
ræða.
„Um leið og upp kom grunur um
frávik í sýni var samstundis lokað
fyrir dreifingu á neysluvatni frá
þessum borholum til neytenda,“
sagði í tilkynningunni en sýnatökur
Heilbrigðiseftirlitsins hafa leitt í
ljós að vatnið er í lagi.
„Heilbrigðiseftirlit Reykjavíkur
telur miðað við fyrirliggjandi upp-
lýsingar að ekki þurfi að grípa til
frekari aðgerða og að neysluvatnið
sé öruggt til neyslu,“ segir þar
ennfremur. Fátítt er að óæskilegir
gerlar finnist í neysluvatni úr Heið-
mörk. Í hlákutíð sé þó meiri hætta
á að gerlar frá yfirborði berist í
grunnvatn. hdm@mbl.is
Saurgerlar
í Heiðmörk
ÞÚ FINNUR ALLT Á FINNA.IS