Breiðfirðingur - 01.04.1986, Blaðsíða 24
22
BREIÐFIRÐINGUR
konar undirbúningsglíma að fyrsta kappglímumóti „Þórs“,
er fram fór 19. marz 1910. Þátttakendur voru þessir: Baldvin
Gústafsson, Bjarni Brandsson, Ebenezer Sívertsen, Gunnar
S. Halldórsson, Hildimundur Björnsson, Jón Bjarnason,
Magnús Jónsson Austmann, Ólafur Blöndal, Reinhold Rict-
her og Sören Valentínusson.
Þetta fyrsta glímumót varð frásagnarverðast í allri sögu
„Þórs“. Þegar allir höfðu glímt og hlotið byltu nema Hildi-
mundur og Ricther, fóru þeir saman sex sinnum án þess að
hljóta byltu. Var þá ákveðið að fresta þessari úrslitaglímu.
Áhorfendur voru um 60. Framhald glímunnar var síðan 21.
marz og lyktaði þannig, að Ricther féll tvisvar og Hildi-
mundur einu sinni. Hildimundur hlaut því verðlaunapening-
inn og telst hann því fyrsti glímukappi „Þórs“.
Veturinn 1910-1911 voru háðar tvær opinberar glímur.
Önnur var fyrripart vetrar og var þá glímt um tvö heiðurs-
skjöl. Áhorfendur voru svo margir sem húsrúm leyfði.
Skjölin hlutu Hildimundur Björnsson og Kristján Árnason.
Á skjali Kristjáns stendur: „Verðlaunaskjal fyrir íslenzka
glímu. - Kristján B. Árnason. - Verður er verkamaður laun-
anna. - 14. jan. 1911“.
Um seinni glímuna segir þannig í gjörðabókinni: „Hún
var háð í marzmánuði og þá glímt um verðlaunapening
félagsins. Glíman fór vel fram fyrir fullu húsi áhorfenda.
Glímumönnum var skipt í flokka eftir þyngd, eins og venja
hefur verið. í dómnefnd voru: Hjálmar Sigurðsson, Árni P.
Jónsson og Oscar Clausen. Úrslitin urðu þau eftir alllangan
tíma, að Kristján Árnason (f. 1886, d. 1921) og Ricther
stóðu einir eftir - og að lokum felldi Kristján Ricther í tveim
glímum og hlaut peninginn þetta ár“.
Veturna 1912 og 1913 fór fram Þórsglímumót og varð
Kristján Árnason sigurvegari á þeim báðum. Þar með hafði
hann unnið peninginn þrisvar og því orðið eigandi hans sam-
kvæmt ákvæðum, sem um hann giltu. Á honum stendur:
„Glímufélagið Þór Stykkishólmi. Heiðursmerki Þórs.
Verður að list, sem leikið er“.