Breiðfirðingur - 01.04.1986, Blaðsíða 128
126
BREIÐFIRÐINGUR
því, að ekki var horft í mikinn kostnað, ef hann jók á gildi
verksins.
Á árunum 1968-1973 gaf Skuggsjá út allar íslendinga-
sögur með nútíma stafsetningu, en það hafði ekki gerzt fyrr.
Þetta er alþýðuútgáfa, sem vel er til vandað á allan hátt. í
níunda bindinu, sem birtist 1976, eru eingöngu sagnaskrá,
nafnaskrá og atriðisorðaskrá. Áður hafði birzt nafnaskrá
með Islendingasögum, en hér er í fyrsta og eina skiptið til
þessa tekin saman atriðisorðaskrá yfir þessi rit. Var það
mikið verk og kostnaðarsamt. En þessi skrá er öllum
ómetanleg, sem eru að rannsaka þjóðfræða- og þjóðhátta-
efni sagnanna.
Skuggsjá hefur endurútgefið verk nokkurra eldri skálda,
og má þar nefna ritsafn Einars Benediktssonar í sex bindum,
ritsafn Benedikts Gröndals í þrem bindum, ritsafn Þorgils
gjallanda í þrem bindum og ljóð Páls Olafssonar í tveim
bindum. Efnismiklar bókmenntaritgerðir fylgja sumum
þessara verka, og voru þær samdar fyrir þessa útgáfu þeirra.
- Rit Einars Jónssonar myndhöggvara - Minningar -
Skoðanir - svo og listaverkabók hans hafa komið út á nýjan
leik og nú hjá Skuggsjá.
Margt þáttabóka um líf og störf fjölda manna hafa komið
út á vegum Skuggsjár og ennfremur ævisögur. Má þeirra á
meðal nefna: Sögu Haraldar Böðvarssonar á Akranesi, Ein-
ars Guðfinnsonar í Bolungarvík, Tryggva Ofeigssonar, skip-
stjóra og útgerðarmanns í Hafnarfirði og Reykjavík, Sigur-
jóns Einarssonar, skipstjóra og fyrsta forstöðumanns Hrafn-
istu í Reykjavík, Guðrúnar, húsfreyju á Sandi í Aðaldal og
Porláks Ó. Johnsons, kaupmanns í Reykjavík. Allt eru
þetta skilmerk heimildarit, sem vafalaust verður oft vitnað
til, þegar frá líður.
Þjóðleg fræði áttu hauk í horni, þar sem Oliver var, en á
vegum hans kom út margt þjóðsagnarita, ennfreniur stór
ættfræðirit, eins og Blöndalsætt og Víkingslækjarætt. Stór-
verkin, sem Oliver hafði síðast hampa af, voru Æviskrár
samtíðarmanna í þrem bindum og Saga Hafnarfjarðar, einn-