Breiðfirðingur - 01.04.1986, Blaðsíða 139
BREIÐFIRÐINGUR
137
hvernig við komum um borð. Við höfðum engan bát annan.
Nei, nei. Þetta var meiri helvítis útkoman.
Ég hafði einhverntíma heyrt að Stjáni litli hefði verið úti á
Faxaflóa í mannskaðaveðrinu mikla í apríl 1906, þegar
Ingvar fórst á Viðeyjarsundi og með honum tuttugu menn og
spurði hann nú hvort svo hefði verið.
Já, já, ég var þá á sjó. Pað er minnisstæður dagur. Þegar
ég kom upp um morguninn var blindbylur og afskapleg
snjókoma. Við vorum undan Keflavík. Við sigldum á morg-
unvakt grunnt uppundir Keflavík og hann segir stýrimaður-
inn að hann geti ekki verið að láta okkur heisa fokkuna aftur
til að sigla uppundir, því Ólafur muni sigla aftur út strax og
hann komi upp. Þetta var klukkan sjö eða að ganga átta, en
svo kemur hann ekki upp fyrr en klukkan tíu. Þá vorum við
komnir norður í bugt og hann ætlaði að sigla uppundir, en
þá rifnar fokkan og það verður tildragandi að ná í aðra
fokku niðri í lest og alltaf drífur og það var ofsarok. Svo var
ómögulegt fyrir sjógangi. Þá vorum við komnir á Hraunin og
það var alveg vitlaust sjólag og ekki sást faðmslengd frá
borði. Það var svo svartur bylurinn. Það þurfti að hálsa skip-
inu til að fá það yfir og hann spurði, stýrimaðurinn, hvort
það væri ekki einhver, sem gæti tekið stýrið, því hann ætlaði
sjálfur að vera við stórbommuna. Það var mikil áhætta í
svona vitlausu veðri að láta það fara vel úr hendi. Jú, Guð-
mundur nokkur Gíslason, gamall formaður tók við stýrinu.
Já, svo fáum við hann undan, dallinn og þegar hann er kom-
inn undan, þá segir Guðmundur við Ólaf: „Nú held ég að sé
réttast að láta hann sullast bara inn Hraunin og til Reykja-
víkur,“ en það hefur Ólafur ekki þorað, af því bylurinn var
svo svartur, það sá ekki neitt út úr augunum. Svo honum
verður lagt til aftur. Svo þegar klukkan er að verða fjögur
um daginn, þá er lagt á hinn bóginn og hann hefur halað allt-
af eitthvað ósköp lítið á. En þessi tvö skip, sem voru með
okkur, Soffía og Emilía, þau voru skammt frá okkur.
Þau fórust bæði, þau voru heldur á undan okkur. Já, og