Breiðfirðingur - 01.04.1986, Blaðsíða 124
122
BREIÐFIRÐINGUR
Gröf í Miklaholtshreppi og síðar í Dal. Við þann stað var
Þorsteinn kenndur. Sonur Dalshjóna var Bárðnr (f. 1814),
sem bjó í Gröf í Eyrarsveit ásamt konu sinni Þuríði Bárðar-
dóttur, cn við þau er hin fjölmenna Grafarætt kennd. Aður
en Grafar-Báröur kvæntist eignaðist hann soninn Oliver (f.
1844). Nafn móður hans er á huldu, því að þar sem hennar
ætti að vera getið erugloppur í kirkjubókum og manntölum.
En sögð er hún hafa heitið Vilborg Sigurðardóttir.
Orð fór af því, að Grafarmenn væru þrekmenni og sjaldan
afls vant. Jens Hermannsson, sem var tengdur Eyrsveit-
ingum og þeim nákunnugur, sagði um Grafarmenn: „Gáf-
urnar eru traustar og skoðanir svigna ekki í hverjum golu-
þyt. Ræturnar eru sterkar og seigar. Þannig er ættin.“ Oliver
Bárðarson var „talinn vitur nraður og komu ekki allir hlutir
á óvart1'. Hann var meðal annars talinn frábærlega veður-
glöggur.
Oliver kvæntist hálffertugur eða 1879 Steinunni (f. 1857),
dóttur Kristínar Eggertsdóttur (f. 1828) frá Miðgörðum í
Kolbeinsstaðahreppi og Sveins í Hálsi í Eyrarsveit (f. 1829),
syni Jóns Guðnasonar á Mjóabóli í Haukadal. Oliver og
Steinunn bjuggu lengst á Hlein framan undir Kirkjufelli.
Þau skildu síðar samvistum, og fluttist Oliver þá til Olafsvík-
ur, og þar dó hann sumarið 1913. Meðal barna hans og
Steinunnar var Guðbjörg (f. 1890), móðir Olivers Steins,
sem hér verður mest sagt frá, en hann fæddist í Olafsvík 23.
maí 1920.
Jóhannes, faðir Olivers Steins, var fæddur 1889 að Einfæt-
ingsgili í Bitru. Móðir hans var Pórunn (f. 1853), dóttir Pór-
eyjar Nikulásdóttur og Árna Jónssonar, búandi hjóna í
Lágubúð í Staðarsveit á Snæfellsnesi. En Magnús, föðurafi
Olivers Steins, var sonur Kristínar Arnadóttur og Jóhann-
esar Helgasonar, er voru húsmennskuhjón á Einfætingsgili.
- Fyrrgreind rakning ber þess vitni, að ættir Olivers Steins
hafa að mestu leyti verið snæfellskar.
1 Jens Hermannsson: Breiðfirskir sjómenn, bls. 293, 299.