Morgunblaðið - 06.09.2018, Page 33

var þéttbýli sem lagðist af með vél-
bátavæðingunni. Sum telja sig greina
líkindi með nafninu Folafæti og svo
Fóti undir Fótafæti, en sá skáldaði
staður er nefndur í Heimsljósi eftir
Halldór Laxnes. Þar segir frá Ólafi
Kárasyni Ljósvíkingi, en fyrir-
myndin að honum er sögð Magnús
Hjaltason, sem fæddist á Tröð í
Seyðisfirði í Djúpi.
Einn besti útsýnisstaður við Djúp
er á Kambsnesi, á hryggnum milli
Seyðisfjarðar og Álftafjarðar, en við
hann er Súðavík. Kauptúnið undir
Kofra blasir við en sé litið í aðrar átt-
ir sjást eyjarnar tvær á Djúpinu; Æð-
ey og Vigur. Einnig Snæfjallaströnd
og Grænahlíð með Riturinn sem út-
vörð. Þegar komið er fyrir Álftafjörð
er svo ekið fyrir Arnarnes, en nyrst á
því er hamarinn þar sem árið 1948
voru fyrstu jarðgöng á Íslandi. Frá
göngum í Ísafjarðarkaupstað eru svo
um 10 kílómetrar og þá erum við
komin í mark.
Tólf bæir í byggð
Á Vestfjörðum eins og víðar úti um
land snýst allt um vegamál. Raunar
er talsvert tilstand nú fyrir vestan
með gerð Dýrafjarðarganga, en þeg-
ar vegir sem þeim fylgja verða komn-
ir í gagnið er talið sennilegt að alfara-
leiðin að sunnan til Ísafjarða verði
um sunnanverða Vestfirði, Dynjand-
isheiði, göngin nýju og þá er stutt eft-
ir. Leiðin um Djúp yrði þá hugs-
anlega fáfarnari enda lengri.
Í dag eru tólf bæir við Djúp í heils-
ársbyggð og fólkið lifir einkum og
helst af sauðfjárrækt og ferðaþjón-
ustu. En hver er framtíðin hér? „Þeir
vita það fyrir vestan,/þar verpir hvít-
ur örn,“ orti Jónas Hallgrímsson.
Annað skáld, Hallgrímur Helgason
segir hins vegar: „Dauft er í Djúpi og
dæmafátt. / Nú er á Núpi / norðanátt.
“ – Við sjáum hvað setur; altént er
þetta áhugaverð leið að aka um: nátt-
úran stórbrotin, veðrabrigðin oft
mikil og staðirnir söguríkir.
Morgunblaðið/Sigurður Bogi
Mannvirki Bogabrúin er svipsterk, en hún er tenging úr
Borgarey á miðjum Mjóafirði að flæðarmáli að austan.
Garðsstaðir Lokað er heim að bænum en úr fjarska er for-
vitnilegt að sjá bílakirkjugarðinn, einn stærsta á landinu.
Ögur Kirkjan er byggð árið 1859. Íbúðarhúsið var reist síðar á sömu öld og var
þá það stærsta í dreifbýli á Íslandi. Það var síðar endurgert og er vel við haldið.
FRÉTTIR 33Innlent
MORGUNBLAÐIÐ FIMMTUDAGUR 6. SEPTEMBER 2018