Morgunblaðið - 27.09.2018, Page 52

Semur lög á milli æfinga
Már Gunnarsson er
einn þeirra íþrótta-
manna sem stefna á Ól-
ympíuleikana í Tókýó
2020 og á dögunum var
hann áberandi er sam-
starfssamningur Toyota
við Íþrótta- og ólympíu-
samband Íslands og
Íþróttasamband fatl-
aðra var undirritaður.
Um síðustu helgi setti
hann svo fimm Íslandsmet á Evr-
ópumóti fatlaðra í Dublin á Írlandi
og næsta verkefni er HM í Malasíu.
Á milli þess sem Már þeytist á
milli landa í keppni, eða íþróttahúsa
á milli æfinga, semur hann lög og er
ansi afkastamikill á því
sviði. Á næstunni er vænt-
anleg plata úr hans smiðju
sem ber heitið Söngur
fuglsins og er nefnd eftir
samnefndu lagi á henni
sem er virðingarvottur
Más við flugmanninn Arn-
grím Jóhannsson, sem
brotlenti 9. ágúst 2015,
ásamt kanadískum vini
sínum í fjallshlíð inn-
arlega í Barkárdal, norður af Hörg-
árdal. Með honum á plötunni koma
fram Villi Naglbítur, Salka Sól, Ívar
Daníelsson, Sigga Ey, Natalia Przy-
bysz og Ísold Vilberg sem er jafn-
framt systir Más.
Hæfileikaríkur Má Gunnarssyni er ýmislegt til lista lagt. Hann sagði Huldu
og Hvata á K100 frá væntanlegri plötu sem ber heitið Söngur fuglsins.
Plötuumslagið
Móðir Más Lína Rut
hannaði umslagið.
Suðurlandsbraut 6, Rvk | S. 419 9000 info@handafl.is | handafl.is
Við útvegum hæfa
starfskrafta í flestar
greinar atvinnulífsins
VANTAR ÞIG STARFSFÓLK?
Traust og fagleg
starfsmannaveita
sem þjónað hefur íslenskum
fyrirtækjum í áraraðir
„Ég er að fara að vera með einn
svona kúrs í hljóðtækni í Tækniskól-
anum núna í október, ég var þar í
námi fyrir nokkrum árum. Þetta er
mjög framsækið og skemmtilegt
nám,“ segir fjölhæfi tónlistarmað-
urinn Logi Pedro sem gaf núverið út
smáskífuna Fagri blakkur en þar má
meðal annars finna lagið Fuðrið upp
og Reykjavík en það lag samdi Logi
til Bjarts, sonar síns, sem fagnar eins
árs afmæli á mánudaginn. Logi segir
foreldrahlutverkið hafa breytt lífinu
til hins betra. „Þetta er svolítið spes
hlutverk, það er ekki hægt að undir-
búa sig beint. En þetta er mjög
skemmtilegt.“
Erfitt að ná öllum saman
Nú eru rétt tæp tvö ár síðan hin
vinsæla hljómsveit Retro Stefson
hætti skyndilega en margir tengja
enn bræðurna Loga Pedro og Unn-
stein Manuel við hljómsveitina. Að-
spurður af hverju í ósköpunum
hljómsveitin hætti segir Logi að það
hafi hreinlega verið orðið þannig að
erfitt hefði verið að ná öllum átta
meðlimum hljómsveitarinnar saman.
„Það var bara fínt að fara aðeins
svona í sitt hvora áttina. Við erum
náttúrulega svo góðir vinir og bjugg-
um saman um tíma í tveggja her-
bergja íbúð í Berlín en þar sömdum
við okkar bestu lög sem urðu svo vin-
sæl hérna á Íslandi eftir að við flutt-
um heim.“
Vandræðaleg tilfinning
Nýja smáskífan Fagri blakkur er
nefnd eftir bresku metsölubarnabók-
inni Black Beauty og fjallar um sam-
nefndan hest og sýn hans á heiminn.
En Logi er svo sannarlega ekki að
syngja um hesta á smáskífunni held-
ur hreifst hann hreinlega af nafninu
einu saman. Logi semur bæði texta
og lögin sjálf auk þess sem hann
hljóðblandar og leggur lokahönd á
verkin. „Mér finnst svo næs að sitja
bara í stúdíói og gera þetta allt sjálf-
ur en svo finnst mér líka gaman að
vinna fyrir aðra í stúdíóinu.“ Fyrra
lagið á plötunni, Fuðrið upp, er samið
um tilfinningu sem margir kannast
við að hafa upplifað en fáir vilja
kannski tala um, tilfinninguna að
hitta gamlan elskhuga. „Sambandið
var kannski aldrei neitt en maður
hittir elskhugann og er kannski
svona kvíðinn og líður eins og það sé
að kvikna í manni. Svona vandræða-
leg og stirð tilfinning,“ segir Logi
Pedro að lokum. Myndband við lagið
verður frumsýnt í kvöld á skemmti-
staðnum Miami en þangað til má
hlusta á smáskífuna á Spotify.
islandvaknar@k100.is
Vandræða-
leg og stirð
tilfinning
Hinn fjölhæfi tónlistarmaður Logi Pedro Stefáns-
son sendi frá sér smáskífuna Fagri blakkur í vik-
unni en hún inniheldur lögin Fuðrið upp og Reykja-
vík. Hann segir föðurhlutverkið hafa breytt miklu
og lítur björtum augum til framtíðar.
K100/Rikka
Kátur Logi Pedro er
að vonum ánægður
með lífið og tilveruna.