Tímarit Máls og menningar - 01.06.2013, Qupperneq 16

A r i J ó s e f s s o n
16 TMM 2013 · 2
ÁN TITILS
Stundum er maður sleginn hálf-ónotalegum grun
um að það eigi fyrir manni að liggja að deyja.
Stundum er maður næstum alveg viss.
Mér hefur flogið í hug að ég verði sjódauður.
Líkið liggur þá á hafsbotni milli mosavaxinna
steina. Umhverfis eru allavega krabbar en lítið
um fiska. Andlitið er þakið grænu slýi. Ég sýnist
mjög lítill vexti svona djúpt niðrí vatninu.
Ég skal fúslega játa að mér er ekki allskostar um
dauðann gefið. Þegar maður talar við kunníngja
sinn þá er allt annað en þægilegt að sjá fyrir sér
beinagrind með dálitlu kjöti utaná.
En þannig er málum háttað: dauðinn hefur
vinnínginn þegar til leingdar lætur. Kannski
deyjum við á morgun ég og þú. Allavega verður
það mjög bráðlega.
Nýlega var gefin út aftur tímamótabók Ara Jósepssonar, Nei. Þessi þrjú
ljóð úr fórum Ara eru ekki þar í meginefni en birtast hér með góðfúslegu
leyfi erfingja hans.
Ritstj.