Tímarit Máls og menningar - 01.06.2013, Síða 22

Á r n i S n æ va r r
22 TMM 2013 · 2
úða súkkulaðimola yfir hálft andlitið á sér í nærmynd á heimilum lands-
manna, undir fyrirlestri Grassos um ágæti kapítalismans í boði forsetans
sem nokkrum árum áður hafði boðað valdatöku verkalýðsins sem formaður
Alþýðubandalagsins.
Nú tók við tilfinningalegt svigrúm en næstu boð sem bárust frá Bessa-
stöðum voru þau að fréttastofa Stöðvar 2 fengi allranáðarsamlegast að taka
viðtal við forsetann með einu skilyrði: að einhver annar en Árni Snævarr
tæki viðtalið.
Nætur hinna löngu hnífa
Árin 2002 og 2003 reri Stöð 2 lífróður. Ekki vegna þess að hagnaðurinn væri
ekki eðlilegur og fjárstreymi með því mesta sem gerðist í íslenskum atvinnu-
rekstri, heldur vegna þess að félagið þurfti að standa undir skuldsettri yfir-
töku sem þýðir í raun að félagið var að kaupa sjálft sig.
Það lá í loftinu að Kaupþing myndi taka félagið til sín en eigendurnir vildu
– eðlilega – selja sig eins dýrt og hægt væri. Kaupþing ætlaði svo auðvitað
ekki að eiga félagið heldur selja það áfram.
En hver vill kaupa fjölmiðlafyrirtæki? Fréttablaðið sem var stofnað 2001
fann um síðir húsbónda sinn í Jóni Ásgeiri Jóhannessyni og Baugi. Stöð 2 var
í rauninni ekki sérstaklega álitlegt fyrirtæki til kaups, a.m.k. ef skuldahalinn
fylgdi með.
Fjárhagslegi ávinningurinn skiptir auðvitað máli en fæstir myndu þó
nokkru sinni fjárfesta í fjölmiðlafyrirtæki af ágóðavon einni saman. Sagan
sýnir að í langflestum tilfellum er það von um áhrif sem rekur menn
áfram.
Nýr forstjóri lét sífellt meir til sín taka er leið á árið 2003. Langlundargeð
lánardrottna var á þrotum, enda borgaði fyrirtækið seint og illa af lánum þó
svo að fjárstreymi væri með ágætum og það stæði með prýði í skilum við
eig endur sína.
Sigurður G. Guðjónsson var tíður gestur þar og kunningi margra frétta-
manna, enda hafsjór af fróðleik um ýmis þjóðfélagsmál í krafti starfa sinna
í lögmennsku og oft hress og skemmtilegur. Frábær lögfræðingur enda tók
hann besta lagapróf sem tekið hefur verið við Háskóla Íslands og sló gamalt
met föður míns Ármanns heitins Snævarr.
Um þetta leyti var talsverð óánægja á meðal fréttamanna Stöðvar 2 með
störf Blaðamannafélags Íslands sem flestum fannst einblína um of á kaup
og kjör í stað þess að vera málsvari blaðamanna út á við og láta til sín taka
málefni á borð við fjölmiðla- og málfrelsi. Mörgum rann til rifja hversu
berskjaldaðir fréttamenn voru fyrir handahófskenndum brottrekstrum, til
dæmis þegar Karl Garðarsson rak Kristin Hrafnsson á vafasaman hátt, að
því er virðist til að svala eigin hefndarþorsta. Einn þeirra sem hæst hafði um