Skessuhorn - 19.12.2018, Blaðsíða 32
MIÐVIKUDAGUR 19. DESEMBER 201832
Svavar var Vestlendingur ársins
Í nýársblaði Skessuhorns var kynnt að Vestlendingur ársins
2017 var Svavar Garðarsson í Búðardal í Dalabyggð. Í tilnefn-
ingum sem bárust var einkum nefnt að Svavar hefur lagt fram
hundruði klukkustunda í sjálfboðastarfi við að fegra og bæta
umhverfið á heimaslóðum. Hann lagfærir og hreinsar opin
svæði og er öðrum íbúum hvatning. Haustið áður beitti hann
sér fyrir því að selir úr Húsdýragarðinum yrðu fluttir í laug í
Búðardal. Þar fóðrar hann selina og undirbjó þá til að komast
í sjó í sitt náttúrulega umhverfi.
Stúlka var fyrsta barn ársins
Fyrsta barnið sem fæddist á Heilbrigðisstofnun Vesturlands
á árinu kom í heiminn að kvöldi nýársdags. Var það myndar
stúlka; vó 3.822 grömm og var 52 sentímetrar að lengd. Stúlk-
an er búsett í Reykjavík en foreldrar hennar eru þau Karlotta
Maria Scholl úr Borgarnesi og Morgan Walford sem kemur
frá Ameríku. Stúlkan er fyrsta barn foreldra sinna. Fæðingin
hafði verið áætluð 22. desember, en stúlkan ákvað að láta bíða
eftir sér fram á nýja árið.
Ingólfur og Skaginn 3X hlutu
viðskiptaverðlaun
Ingólfur Árnason forstjóri Skagans 3X tók í byrjun árs við við-
skiptaverðlaunum Viðskiptablaðsins. Fyrirtækið er á heims-
vísu í þróun og framleiðslu á búnaði til matvælavinnslu. Í rök-
stuðningi sagði m.a: „Hátæknifyrirtækið Skaginn 3X er að
umbylta matvælaiðnaði, sérstaklega í sjávarútvegi, með nýj-
um og framsæknum lausnum. Fyrirtækið sérhæfir sig í kæli-
og vinnslutækni og framleiðir í dag íslaus kælikerfi, alsjálf-
virk lestarkerfi fyrir fiskveiðiskip og verksmiðjur fyrir vinnslu
á uppsjávarfiski. Þó Skaginn 3X sé tiltölulega nýtt nafn í hug-
um margra þá stendur það á gömlum merg. Skaginn 3X er
sameiginlegt vörumerki þriggja systurfyrirtækja; Skagans hf.,
Þorgeirs & Ellerts hf. og 3X Technology ehf.“
Verksmiðjuhús rifin
Á þessu ári hefur verið unnið við niðurrif framleiðsluhúsa
sem tilheyrðu Sementsverksmiðjunni á Akranesi. Á næstsíð-
asta degi ársins 2017 átti að byrja að sprengja tvö efnissíló,
en þau reyndust svo rammlega járnabundin og efnismikil að
verkið tókst ekki í fyrstu tilraun né annarri. Það var ekki fyrr
en byrjað var að naga í sílóin með stórvirkum vélum af jörðu
niðri sem tókst að vinna á þeim. Í framhaldi þess hófst nið-
urrif efnisgeymslu og annarra mannvirkja. Það er fyrirtækið
Work North ehf. sem tók að sér verkefnið fyrir Akraneskaup-
stað í kjölfar útboðs. Búið er semja við fyrirtækið um að fella
strompinn og líklega verður einnig samið um niðurrif veggj-
arins sem umlykur sandþróna. Búið er að skipuleggja á svæð-
inu blandaða íbúða- og athafnabyggð.
Amtsbókasafn í nýtt húsnæði í
Stykkishólmi
Í byrjun árs var safnkostur Amtsbókasafnsins í Stykkishólmi
fluttur frá Hafnargötu 7 í nýtt Amtsbókasafn við Borgarbraut
6 og húsið vígt á kyndilmessu. Húsið er sambyggt grunnskól-
anum og allt hið glæsilegasta. Hófst þar með nýjasti kaflinn
í sögu safnsins, sem stofnað var árið 1847 og hét þá „Íslands
vesturamts almenna bókasafn.“ Nýja safnhúsið er sambyggt
grunnskóla staðarins og þykir í senn falleg bygging og nyt-
samt að samþætta starfsemina við skólastarfið.
Til stóð að selja Lauga
Í upphafi ársins stefndi í að sveitarfélagið Dalabyggð næði
samningum við fyrirtækið Arnarlón ehf. um kaup á eignarhlut
sveitarfélagsins í Laugum í Sælingsdal auk jarðarinnar Sælings-
dalstungu. Umsamið kaupverð var 460 milljónir króna. Tals-
verðrar eftirvæntingar gætti sökum þess að þáverandi sveitar-
stjórn fyrirhugaði að nýta andvirði sölu húsanna til að byggja
nýtt íþróttahús í Búðardal. Af ýmsum ástæðum varð þó ekki af
sölunni, en nýkjörin sveitarstjórn fékk málið í sínar hendur og
ákvað formlega í sumar að hætta við söluna. Enn er áhugi fyr-
ir sölu mannvirkjanna, en ekki hefur verið tekin ákvörðun um
næstu skref.
Baldur lengi frá siglingum
Í nóvember 2017 kom upp stór bilun í aðalvél flóabátsins
Baldurs og var hann frá siglingum í nærfellt þrjá mánuði. Íbú-
ar beggja vegna Breiðafjarðar fundu á þessum tíma verulega
fyrir hversu háðir þeir eru þessari mikilvægu samgönguæð.
Það var því fögnuður þegar siglingar hófust að nýju í febrúar.
Enn óvissa um vegarlagningu
Frestur til að skila inn athugasemdum vegna vinnslutillögu að
aðalskipulagsbreytingum Reykhólahrepps vegna Vestfjarða-
vegar rann út í byrjun janúar. Bárust athugasemdir og um-
sagnir. Tvær veglínur voru til skoðunar hjá sveitarfélaginu;
Framhald á næstu opnu
Það sætti tíðindum
Fréttaannáll ársins 2018 í máli og myndum
Árið 2018 á Vesturlandi var enginn eftirbátur fyrri
ára þegar kemur að fréttum úr landshlutanum, nema
síður væri. Við upplifðum gríðarlegt berghlaup í
Hítardal, sókn jafnt og bakslög í atvinnugreinum, fjöl-
breytta menningu, íþróttir og mannlíf á hundrað ára
afmælisári fullveldisins. Við sögðum frá fólkinu sem
byggir Vesturland, þessum harða kjarna sem kýs að
lifa hér og starfa og halda ljósi hans á lofti. Sveitar-
stjórnarkosningar settu vissulega svip sinn á árið og
ófáar fréttir voru skrifaðar af framboðum og úrslitum
kosninga ekki síður en eftirleiknum, hverjir náðu sam-
an um meirihluta, tóku við sveitarstjórastörfum og
stýra nú skútunni. Þrátt fyrir allt skiptir blessuð póli-
tíkin okkur öll máli, enda kosningar tæki íbúanna til
að segja til um hvernig samfélagsgerð þeir kjósa. Svo
er þeirra sem taka við kyndlinum að standa undir því
trausti, en slíkt er ekki sjálfgefið ef marka má fréttir
jafnvel af Austurvelli. Nú á árinu luku vegfarendur við
að greiða fyrir að aka í gegnum Hvalfjarðargöng og
voru mannvirkin afhent ríkinu til eignar og rekstrar
í haust. Þar með má segja að lokið hafi farsællega
stærstu einkaframkvæmd í samgöngusögunni. Hval-
fjarðargöng hafa gjörbreytt skilyrðum til búskapar á
Vesturlandi og skapað tækifæri.
Vorið og sumarið reyndist úrkomusamt og fremur erf-
itt til heyskapar hér á Vesturlandi. Tíðarfarið snertir
fjölmarga kima atvinnulífsins, augljóslega bændur
og sjómenn, en einnig, ferðaþjónustu og fjölmargar
aðrar atvinnugreinar. Sólarleysi framan af sumri hafði
þó hugsanlega mest áhrif á sálarheill landsmanna.
Við þurfum jú vítamín frá sólinni og kannski skorti
það í vor og sumar.
Ýmislegt tókst okkur blaðamönnum á Skessuhorni að
þefa uppi á árinu. Gleðifréttir og gagnrýnar, léttar
fréttir sem þyngri. Við erum fjölmiðill sem hefur þá
stefnu að gefa sem raunsannasta mynd af mannlífinu
hverju sinni. Þá, eins og gefur að skilja, þarf stundum
að fjalla um það sem betur mætti fara, skapa um-
ræðu, leita lausna, ekki síður en varpa fram því já-
kvæða og gleðilega sem sannarlega er oftar. Margt
var okkur bent á og mörgu tókum við eftir. Hér á eftir
verður stiklað á stóru í atburðum ársins 2018 í máli
og myndum. Kæru lesendur! Takk fyrir samfylgdina
á árinu sem er að líða, takk fyrir að lesa fréttir, takk
fyrir að lesa Skessuhorn.
Magnús Magnússon