Skessuhorn - 19.12.2018, Blaðsíða 52

MIÐVIKUDAGUR 19. DESEMBER 201852
Þetta máltæki; „Þá mega jólin koma fyrir
mér,“ er gjarnan notað yfir athafnir sem
fólki finnst nauðsynlegar í aðdraganda
jóla. Byggir á hefðum og venjum viðkom-
andi og getur verið afar persónubund-
ið eða tengt fjölskyldum. Við heyrðum í
nokkrum íbúum á Vesturlandi og spurð-
um þessarar spurningar; hvað er nauðsyn-
legt að gera í aðdraganda jóla?
Tinna Rósa Þorsteinsdóttir,
Akranesi
Jólatré allan desember
Ég var einu sinni svakalegur jólakrakki en
svo hefur það elst af mér. Ég var einu sinni
hræðileg og byrjaði að baka jólakökur í júní,
því ég var svo sjúk í jólin. Í október var ég
farin að föndra jólaskraut. Það fyrsta sem ég
geri núna er piparkökuhús með dóttur minni
um miðjan nóvember, þá má ég fara að skipu-
leggja jólin. Þá kemur piparkökulyktin í húsið
og við byrjum að spila jólalögin og svo kemur
jólatréð alltaf upp 1. desember því mér finnst
hálf tilgangslaust að hafa jólatré bara upp í
þrettán daga. Ég vil njóta þess miklu lengur
en það.
Hlynur Benediktsson, Akranesi
Toppurinn á jólatrénu
Sem barn þá gerði ég mér litla grein fyr-
ir því hvað væri hefð og hvað ekki. Ég hélt
bara að allir færu í messu klukkan sex á að-
fangadag og eftir það borðaði fólk sinn ham-
borgarhrygg. Það var rjómabúðingur í eftir-
rétt og alveg bannað að taka upp gjafir fyrr en
allir væru búnir að borða og allt hefði verið
vaskað upp. Biðin eftir uppvaskinu var erfið-
ust. Auðvitað lærði ég fljótlega að þetta væri
ekki eins allstaðar en þegar kom svo að því að
stofna eigin fjölskyldu með konunni minni þá
fóru siðirnir að skarast og nú eru hver jól frá-
brugðin þeim seinustu. Við erum mikil jóla-
börn og alltaf stemning í desember. En eina
fasta hefðin er að við skreytum jólatréð allt-
af saman, fjölskyldan, og þegar toppurinn er
kominn á tréð þá mega jólin koma fyrir mér.
Gunnfríður Ólafsdóttir,
Borgarnesi
Nýjar hefðir fæðast
Mér finnst í raun ekkert þurfa að vera tilbúið,
það er bara að fjölskyldan sé saman. Bæði við
fimm og stórfjölskyldan. Við hittumst alltaf
heima hjá mömmu og pabba en núna erum
við farin að skapa nýjar hefðir og breyta. Við
erum í millibilstímabili núna þar sem við
erum að fara að halda okkar eigin jól á eig-
in heimili.
Guðbjartur Þór Stefánsson,
Hvalfjarðarsveit
Jólatrén sótt
Ætli það sé ekki bara það að sækja jólatré með
fjölskyldunni. Við förum í Skorradal, ég, kon-
an, börnin, mamma, pabbi og systur mínar,
um miðjan desember og sækjum eitt jólatré
fyrir hvert heimili. Svo er tréð sett upp í stof-
unni og krakkarnir og konan skreyta tréð.
Þórunn María
Örnólfs-Brynjudóttir, Akranesi
Tékk í kirkjugarðinn
Við fórum ýmist á aðfangadag eða á Þorláks-
messukvöld í möndlugraut til mömmu og
pabba, þá var hún búin að sjóða hangikjöt og
það var hangikjötslykt sem mætti manni, til
að eyða skötulyktinni. Þá vorum við að bera
út pakkana og grauturinn var svona fyrri part-
inn á aðfangadag eða seinni partinn á Þor-
láksmessu. Mér finnst jólin ekki neitt spenn-
andi núna eftir að mamma og pabbi fóru. En
við reynum að skapa okkur okkar eigin hefð-
ir. Ég sýð hangikjöt á Þorláksmessu, en ekki
til að eyða skötulykt. Þegar hangikjötlyktin
er komin í húsið, grauturinn borðaður og við
systkinin búin að fara í tékk í kirkjugarðinn til
mömmu og pabba og kveikja á kerti, þá mega
jólin koma fyrir mér.
Guðný Kristín Guðnadóttir,
Hvalfjarðarsveit
Jólagardínur
í gluggana
Ég er mikið jólabarn og jólin verða að vera
hátíðleg hjá mér. Jólaundirbúningurinn hefst
snemma, ég byrja á að baka jólasmákökur og
fer að spila jólalögin um miðjan nóvember.
Svo kveiki ég alltaf á jólaseríunni úti seinni
partinn í nóvember. Við erum kannski ekki
farin að mynda okkur sérstakar jólahefðir sjálf
sem fjölskylda, en við skreytum alltaf jólatréð
saman. Svo eru fastir liðir að fara með kerti
og blóm í kirkjugarðinn og setja upp jóla-
gardínurnar, það má ekki gleyma þeim. Mér
finnst jólin mjög skemmtilegur tími svo það
er hálf undarlegt að vera að pakka jólunum
niður þar sem við erum að flytja núna í des-
ember. En aðventuljósið, það er alltaf komið
upp fyrsta sunnudag í aðventu.
Jón Egill Jónsson, Búðardal
Vinnan í kringum
jólatréð
Það fyrsta sem mér dettur í hug að sé ómiss-
andi er að vera með lifandi jólatré. Það fylgir
því lykt og stemningin sem skiptir mig svo-
litlu máli og vinnan í kringum það. Það fylgir
þessu smá vinna. Það þarf að velja tréð og
hugsa vel um það, passa að vökva, skreyta
það, ef maður fer illa með tréð þá hrynur það
í sundur. Það hefur verið mismunandi hvaðan
við fáum tréð, en við höfum aðgang að skóg-
rækt foreldra minna og maður má fá eitt og
eitt tré þaðan.
Hilmar Már Arason, Ólafsvík
Njóta, upplifa
og slaka á
Bakstur, afslöppun og samvera er það mik-
ilvægasta. Svo er mikill jólaundirbúning-
ur tengdur mínu starfi sem skólastjóri. Það
er svo mikil stemning í skólunum hjá krökk-
unum og maður upplifir þetta mjög sterkt í
gegnum þau. Síðustu ár hefur jólaútvarpið
líka verið hluti af undirbúningi jólanna. En
ég legg alltaf meiri áherslu á að slappa af og
upplifa og njóta, fremur en að vera búinn að
kaupa eða gera eitthvað. Maður var upptekn-
ari af því þegar maður yngri en núna vil ég
njóta og upplifa og slaka á og hitta vini og
vandamenn.
„Þá mega jólin koma fyrir mér“