Skessuhorn - 19.12.2018, Blaðsíða 95
MIÐVIKUDAGUR 19. DESEMBER 2018 95
Brún lagterta
Hráefni:
250 gr. púðursykur
250 gr. smjörlíki við stofuhita
700 gr. hveiti
3 dl. sýróp
2 tsk. matarsódi
3 egg
2 tsk. negull
1 tsk. engifer
2 tsk. kanill
1 msk. kakó
2 dl. mjólk
Aðferð:
-Smjörlíki og púðursykri er hrært
saman í hrærivél þar til blandan er
létt og ljós.
-Einu eggi í einu bætt út í og hrært
vel á milli.
-Mjólk og sýrópi bætt út í og unnið
varlega saman í örskamma stund.
-Í lokin er þurrefnum bætt út í og
hrært á lágum hraða þar til komið
er vel saman, eða í um það bil eina
mínútu.
-Kakan er þriggja botna. Skiptið
deiginu í þrjá hluta á bökunarpapp-
ír og smyrjið á bökunarpappír.
-Bakið við 180 gráður í um það bil
10-15 mínútur.
Smjörkremið:
600 gr. smjörlíki við stofuhita
660 gr. flórsykur
2 egg
3 tsk. vanilludropar
1 tsk. cream of tartar, má sleppa
2-3 msk. rjómi.
Aðferð:
-Smjörlíki, flórsykri, eggi, vanillu-
dropum og cream of tartar bland-
að saman í hrærivélarskál og þeytt á
miðlungs hraða í 15-20 mínútur.
-Rjómanum bætt út í og þeytt áfram
í 5-10 mínútur.
-Kremið sett á kökuna eftir smekk.
Kremið geymist vel í lokuðu íláti
inni í ísskáp ef það er ekki allt not-
að á lagtertuna.
-Hægt er að setja jarðaberjasultu á
lagtertuna, en það er val hvers og
eins.
-Leggið lagtertubotn á stórt fat,
smyrjið botninn með jarðaberja-
sultu, setjið hluta af smjörkreminu
ofan á og smyrjið út. Leggið næsta
botn ofan á og endurtakið og að
lokum þriðja botn ofan á það. Gott
er að leyfa kökunni að standa yfir
nótt eða í nokkra klukkutíma til að
leyfa henni að taka sig. Breiðið yfir
hana poka eða plastfilmu.
klj
Systurnar Elísabet og Ragnheiður
Stefánsdætur stofnuðu fyrir stuttu
matarbloggið Matarlyst. „Við höf-
um unun af því að vera í eldhús-
inu,“ segir Elísabet. „Við töfrum
fram hina ýmsu rétti bæði í bakstri
og mat.“ Hún segir að hvatinn að
því að þær stofnuðu matarblogg,
sem þær varpa í gegnum Snapc-
hat undir nafninu matar-lyst, sé sá
að þær hafi fengið mikið lof fyr-
ir kræsingar sem þær hafa bor-
ið á borð. „Enda leggjum við okk-
ur mikið fram þegar kemur að af-
mælum eða öðrum viðburðum. Svo
erum við oft og iðulega beðnar um
uppskriftir að hinu og þessu,“ seg-
ir Elísabet. Þær hafi því ákveðið að
opna uppskriftabækurnar sínar fyr-
ir þeim sem hafa áhuga á að fylgjast
með þeim.
„Svo erum við líka mikið í því
að prófa okkur áfram í nýjum upp-
skriftum og setja saman uppskrift-
ir sem poppa upp í höfðinu á okk-
ur,“ segir Elísabet. „Við erum að
þessu ánægjunnar vegna.“ Nú þeg-
ar eru þær systur komnar með
stóran fylgjendahóp, sem hleyp-
ur á hundruðum, bæði á Snapchat
og á Facebook, en þær setja allar
uppskriftirnar inn á Facebook síð-
una Matarlyst ásamt myndum. Þær
systur vildu deila nokkrum kræs-
ingum með lesendum Skessuhorns.
„Uppskriftin að ísnum er uppskrift
frá Ragnheiði,“ útskýrir Elísabet.
Jóla- og áramóta ísinn
Dásamlegur lakkrís ís með ópal
skoti og fylltum lakkrísreimum.
Hráefni:
6 eggjarauður
200 gr. sykur
70 ml. ópal skot með pipar (þessi
brúni)
½ lítri þeyttur rjómi
200 gr. fylltar lakkrísreimar, smátt
skornar
Aðferð:
-Léttþeytið rjómann og leggið til
hliðar.
-Eggjarauður og sykur þeytt saman
þar til létt og ljóst, bætið útí ópal-
skoti, látið vélina ganga á lægsta
hraða þar til allt er komið vel sam-
an í um það bil ½ - 1 mínútu.
-Í lokin er smátt skornum lakkr-
ísreimum blandað varlega saman
við.
-Setjið í skál eða annað ílát og
fyrstið.
Kókostoppar í
jólabúningi
Hráefni:
4 eggjahvítur
250 gr. sykur
100 gr. kókosmjöl
200 gr. suðusúkkulaði
5 jólastafir, muldir
-Stífþeytið egg og sykur. Það á að
vera hægt að snúa skálinni á hvolf
án þess að blandan hreyfist til.
-Bætið kókosmjöli varlega út í með
sleikju.
-Topparnir settir á bökunarplötu
með tveimur teskeiðum .
-Bakað á blæstri við 150 gráður í 25
mínútur.
-Kökurnar teknar út og kældar.
-Bræðið súkkulaðið yfir vatnsbaði
og notið svo brætt súkkulaðið til að
skreyta kökurnar.
- Að lokum er muldum jólastöfum
stráð yfri súkkulaðið. Látið storkna
áður en raðað er í box.
Desember er uppáhaldsmánuður-
inn minn, hann felur í sér þrennu
sem ég kann vel að meta, afmæl-
ið mitt, jólin og gamlárskvöld.
Því miður er þetta líka mánuður
streitu, blankheita, valkvíða og þess
að standa ekki við stóru fyrirheitin.
Mataræðið fer í vaskinn, ég er lík-
legri til að fá mér skyndimat, sama
má segja um kökur og sælgæti, já og
best að segja sem minnst um púrt-
vínið. Hreyfingin felst aðallega í að
hlaupa í búðir, ekki bara að velja
gjafir heldur má ekkert vanta um
jólin, það verður að vera sparikló-
settpappír, jólasjampó og hátíða-
kaffi svo fátt eitt sé tiltekið. Síðan
þarf að finna einmitt réttu dúkana,
kertin og ég veit ekki hvað. Kannski
segir það sig sjálft en sparnaður er
ekki málið á þessum tíma heldur
frekar að boginn sé spenntur ansi
hraustlega. Af gefinni reynslu mæli
ég ekki með þessu, kvíðakast yfir
komandi vísareikningi gerir voða
lítið fyrir jólastemninguna.
Óböðuð við
klukknahljóm
Það hefur reyndar oft gerst að það
sé ekki allt fullkomið hjá mér. Ég
hef meira að segja staðið óböð-
uð, hvorki þvegin með sparisápu
né hversdags, þegar klukkurn-
ar á gufunni hringdu inn hátíð-
ina. Og hugsa sér jólin komu bara
samt. Ég er auðvitað að grínast, ég
hef ekki bara oft haldið ófullkomin
jól, heldur alltaf. Stundum var ekki
þrifið í þvottahúsinu eða ekki náð-
ist að elda á tilsettum tíma. Ég er
nokkuð viss um að hafa aldrei náð
að setja á mig maskara og svo fram-
vegis. Kröfurnar hafa heldur lækk-
að með auknum þroska og nú eru
heilþrif á íbúð alls ekki á dagskrá.
Skrautinu er bara skellt upp og ljós-
in dempuð.
Án samanburðar verður
allt svo gott
Það sem hefur mest stuðlað að
þessum nýtilkomna þroska hjá mér
er sjálfsvinsemd, ég reyni að dæma
mig ekki of hart þó að ég baki næst-
um ekkert, þrífi fáránlega lítið og
hafi fækkað jólagjöfum niður úr
öllu valdi. Það að sleppa því að bera
mig og mitt saman við það sem aðr-
ir gera eða gera ekki, er algert lyk-
ilatriði. Fólk má hafa eins mikið
eða lítið fyrir jólunum og því sýn-
ist mín vegna. Hver og einn hannar
sín jól. Besti hluti jólanna fyrir mér
er augnablikið þegar við setjumst
við dúkað borðið, ilmurinn af jóla-
matnum í loftinu og fólkið skartar
sínu fínasta pússi með tilhlökkun í
hjarta og jólaljósin í bakgrunni. Of
seint að redda neinu. Þá er allt bara
eins og það er og það dugar.
Steinunn Eva Þórðardóttir
Desember án dómhörku
Heilsupistill Steinunnar Evu
Jólauppskriftir frá Matarlyst
Systurnar Elísabet og Ragnheiður eru miklir sælkerar og hæfileikaríkar í eldhúsinu.
Lakkrís ís með fylltum lakkrísreimum
og ópalskoti.
Kókostoppar í jólabúningi.
Ljúffeng brún lagkaka.